न घेतलेल्या कर्जाच्या ३८० शेतकऱ्यांना नोटिसा

न घेतलेल्या कर्जाच्या ३८० शेतकऱ्यांना नोटिसा
न घेतलेल्या कर्जाच्या ३८० शेतकऱ्यांना नोटिसा

उमरखेड, यवतमाळ : कोणतेही कर्ज न घेतलेल्या तालुक्‍यातील तब्बल ३८० शेतकऱ्यांना परभणी येथील सिडिंकेट बॅंकेच्या वसुली नोटिसा आल्याने शेतकऱ्यांमध्ये खळबळ उडाली आहे.

परभणी येथील गंगाखेड शुगर ॲण्ड एनर्जी प्रायव्हेट लिमिटेडच्या संचालकांनी बनावट कागदपत्रांच्या आधारे हा प्रकार केल्याचा खुलासा झाल्यानंतर शेतकऱ्यांमध्ये रोष व्यक्‍त होत आहे. २०१६ मध्ये यवतमाळ जिल्ह्यातील वसंत सहकारी साखर कारखाना बंद पडला. ही संधी मानत गंगाखेड शुगर्सचे रत्नाकर गुट्टे यांनी येथील संजोग भवन येथे तालुक्‍यातील ऊस उत्पादकांची बैठक घेत त्यांना ऊस देण्याची विनंती केली. त्या वेळी अडचणीतील शेतकऱ्यांनी त्यांना ऊस दिला. त्या उसाचे पेमेंट उमरखेड तालुक्‍यातील शेतकऱ्यांच्या बॅंक खात्यात जमा झाले.

दरम्यान रत्नाकर गुट्टे व त्यांच्या कुटुंबीयांनी केलेल्या ३२८ कोटी रुपयांच्या कर्जघोटाळ्याचा खुलासा झाला. आपल्या नावावर अशा प्रकारे बनावट कागदपत्रांच्या आधारे कर्ज उचलण्यात आल्याची पुसटशी कल्पनाही उमरखेड तालुक्‍यातील शेतकऱ्यांना नव्हती. परंतू ३८० शेतकऱ्यांना बॅंकेकडून वसुलीच्या नोटिसा आल्याने शेतकरी पुरते गोंधळून गेले आहेत. 

गंगाखेड शुगरने बॅंकेशी संपर्क साधून गुट्टे, त्यांचा मुलगा सुनील गुट्टे यांनी जामीनदार होत प्रत्येक शेतकऱ्याच्या नावावर दोन ते सव्वादोन लाख रुपयांच्या कर्जाची उचल केली. त्याचबरोबर किसान क्रेडिट कार्डचादेखील लाभ घेतला. कर्जफेडीची मर्यादा संपल्याने सात दिवसांच्या आत कर्जाचा भरणा करण्याची सूचना या नोटिसांच्या माध्यमातून करण्यात आली आहे. या नोटिसांची दखल घेत बॅंक प्रशासन, गंगाखेड शुगर्स विरोधात फौजदारी कारवाईची प्रक्रिया सुरू करण्यात आल्याची माहिती ॲड. अनिल शिंदे यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com