agriculture news in Marathi now 40 crops can be register on vegnet Maharashtra | Agrowon

‘व्हेजनेट’वर होणार ४३ पिकांची नोंदणी 

टीम अॅग्रोवन
गुरुवार, 4 फेब्रुवारी 2021

निर्यातीसह देशांतर्गत ग्राहकांना सेसीड्यू फ्री भाजीपाला उपलब्ध व्हावा याकरिता ‘व्हेजनेट’चा पर्याय उपलब्ध करून देण्यात आला आहे.

नागपूर ः निर्यातीसह देशांतर्गत ग्राहकांना सेसीड्यू फ्री भाजीपाला उपलब्ध व्हावा याकरिता ‘व्हेजनेट’चा पर्याय उपलब्ध करून देण्यात आला आहे. सुरुवातीला ‘व्हेजनेट’वर भेंडी, मिरची या दोनच पिकांची नोंदणी शक्‍य होत होती. परंतु आता ‘अपेडा’कडून यात भाजीपालावर्गीय ४३ पिकांचा समावेश करण्यात आला असून, या माध्यमातून कीडनाशकअंशरहित भाजीपाला उत्पादकांचा डाटाबेस उपलब्ध होण्यास मदत होणार होईल, अशी माहिती ‘पणन’ तज्ज्ञांनी दिली. 

भाजीपाला उत्पादनात पहिल्या क्रमांकावर चीन तर दुसऱ्या क्रमांकावर भारत आहे. त्यामुळे निर्यातीच्या संधीदेखील तितक्‍या असल्या, तरी स्थानिकस्तरावरीलच मागणी अधिक असल्याने अद्याप निर्यातीकरिता अपेक्षित प्रयत्न झाले नाहीत. नजीकच्या काळात मात्र शेती क्षेत्रात युवकांचा सहभाग वाढला आणि त्यांच्याकडून रेसीड्यू फ्री किंवा निर्यातीसाठी देशनिहाय निश्‍चित कीडनाशक मर्यादेत शेतीमालाचे उत्पादन होत आहे. केंद्र सरकारने देखील सुरक्षित अन्न पिकवा अभियानाच्या माध्यमातून या प्रयत्नांना पाठबळ देण्यासाठी पुढाकार घेतला आहे. त्याच प्रयत्नांतर्गत भाजीपाला निर्यातीला चालना मिळावी याकरिता व्हेजनेटवर भाजीपाला पिकांच्या संख्येत वाढ करण्यात आली आहे. 

सुरुवातीला महाराष्ट्रातील प्रमुख भाजीपाला उत्पादक १४ जिल्ह्यांतील शेतकऱ्यांनाच ‘व्हेजनेट’चा पर्याय उपलब्ध होता. टप्प्याटप्प्याने पोर्टलवर नोंदणीसाठी जिल्ह्यांची संख्या वाढविण्यात आली. आता राज्यातील ३४ जिल्ह्यांसाठी ‘व्हेजनेट’चा पर्याय उपलब्ध करण्यात आला आहे. नोंदणीसाठीच्या पिकांची संख्या सुरुवातीला दोन, त्यानंतर १४ वरुन आता थेट ४३ केली आहे. 

राज्यातील १७०० शेतकऱ्यांची नोंदणी 
‘व्हेजनेट’मध्ये देशभरातील १९०० शेतकऱ्यांची नोंदणी केली आहे. त्यापैकी १७०० शेतकरी महाराष्ट्रातील आहेत. भंडारा, सातारा, नंदूरबार, जळगाव, ठाणे, बीड, औरंगाबाद हे जिल्हे नोंदणीमध्ये आघाडीवर आहेत. 

राज्यातील जिल्हानिहाय नोंदणी 
भंडारा ः
१५६ 
गोंदिया ः चार 
चंद्रपूर ः ००० 
ठाणे ः २३१ 
जळगाव ः २०५ 
धुळे ः १०३ 
सातारा ः ३०० 
पुणे ः १२५ 
सोलापूर ः ७० 
बीड ः ११० 
पालघर ः ७० 
नाशिक ः २७ 

प्रतिक्रिया
‘व्हेजनेट’चा पर्याय संपूर्ण राज्याकरिता उपलब्ध करून देण्यात आला आहे. त्यासोबतच पिकांची संख्या १४ वरून आता ४३ केली आहे. काकडी, गाजर, आले, हळद, टोमॅटो ही पिके महाराष्ट्रासाठी मुख्य आहेत. शेतकऱ्यांमध्ये माहितीचा प्रसार होत असल्याने ‘व्हेजनेट’वरील नोंदणीकृत बागांची संख्या वाढती आहे. 
- गोविंद हांडे, राज्यस्तरीय तांत्रिक सल्लागार, निर्यात राष्ट्रीय फलोत्पादन अभियान  

 
 


इतर अॅग्रोमनी
हळदीला दराचा ‘रंग’ पुणे ः हळद उत्पादनात घट झाल्याने यंदा हळदीचे दर...
अन्नधान्याचे विक्रमी उत्पादन नवी दिल्ली ः देशात यंदा अन्नधान्याचे विक्रमी...
राष्ट्रीय खाद्यतेल मिशनचा यंदाही चकवापुणे : राष्ट्रीय खाद्यतेल मिशनची यंदाही घोषणा न...
सोयाबीनमधील तेजी कायम पुणे ः सोयाबीनने प्लॅंट दरासह बाजार...
हरभरा बाजाराला ‘नाफेड’चा टेकू पुणे ः नाफेडने राज्यनिहाय खरेदीचे उद्दिष्ट जाहीर...
कापसाचा तुटवडा जाणवू लागला जळगाव : देशात सूतगिरण्यांसमोर कापूसटंचाई तयार...
देशातील हरभरा उत्पादनात घट होण्याची...नवी दिल्ली : यंदाच्या हंगामात देशातील हरभरा...
कोल्हापुरी गुळाला गुजरातेत आव्हान;...कोल्हापूर : यंदा कोल्हापुरी गुळाला गुजरातमधील...
भारतात यंदा ३६० लाख कापूस गाठींचे...मुंबई : भारतात यंदा ३६० लाख गाठींचे (१ गाठ = १७०...
प्रोजेक्ट रिपोर्ट, लायसन्ससाठी यापुढे...पुणे : केंद्र शासनाच्या कृषिविषयक योजनांचा लाभ...
देशात तांदळाचे विक्रमी उत्पादन कोल्हापूर : देशात यंदा तांदळाचे विक्रमी उत्पादन...
बाजारात हरभराही खाणार भाव हरभरा डाळ आणि बेसनला स्नॅक्स, प्रक्रिया उद्योग,...
द्राक्ष वाइन उत्पादनात ३५ टक्के घट शक्य नाशिक : कोरोनाच्या पार्श्वभूमीवर वाइन उत्पादकांनी...
शेतमाल बाजारातील सुधारणा कायम राहीलवॉशिंग्टन ः शेतीमालाचा आंतरराष्ट्रीय बाजार यंदा...
अर्जेंटिनात महागाई भडकलीब्युनॉस आयर्स ः अर्जेंटिनात शेतीमालाचे दर...
तुरीने खुल्या बाजारात ओलांडला हमीभावाचा...नगर : तुरीचे शासनाकडून हमी दराने खरेदी केली जात...
सोयाबीन पाच हजारांवरपुणे ः उत्पादनात घट, वाढलेली मागणी आणि चांगली...
तूर टप्प्‍याटप्प्याने विकण्याचे आवाहन पुणे ः देशात यंदा तूर उत्पादनात ३० टक्‍...
आंतरराष्ट्रीय बाजारात साखरेच्या दरात...कोल्हापूर : जागतिक बाजारपेठेत साखरेच्या दरात वाढ...
शेतजमीन भाडेपट्ट्यावर देण्यासाठी...नवी दिल्ली ः शेतजमिनी भाडेपट्ट्यावर देण्यासाठी...