Agriculture news in Marathi, Now in the Kolhapur district, on the rabbi season | Agrowon

कोल्हापूर जिल्ह्यात आता भिस्त रब्बी हंगामावर

टीम अॅग्रोवन
बुधवार, 4 सप्टेंबर 2019

कोल्हापूर : नुकत्याच येऊन गेलेल्या महापुराने खरीप पिकांचे मोठे नुकसान झाले आहे. आता बुडलेली बहुतांशी पिके खराब झालेली आहेत. परिणामी आता शेतकरी नव्याने रब्बीतच पिकांची लागवड करतील, अशी शक्‍यता आहे. 

कोल्हापूर : नुकत्याच येऊन गेलेल्या महापुराने खरीप पिकांचे मोठे नुकसान झाले आहे. आता बुडलेली बहुतांशी पिके खराब झालेली आहेत. परिणामी आता शेतकरी नव्याने रब्बीतच पिकांची लागवड करतील, अशी शक्‍यता आहे. 

जिल्ह्यात सुमारे एक लाखाहून अधिक हेक्‍टर क्षेत्र भाताचे आहे, तर दीड लाख हेक्‍टर क्षेत्रावर तोडणीबरोबरच विविध कालावधीचा ऊस आहे. पुरामुळे सर्वच पिकांचे नुकसान झाले. पूर ओसल्यानंतर जिल्ह्यात आता पूरबाधित नव्वद टक्क्यांहून अधिक शिवारातून पाणी हटले आहे. नद्या पात्रात गेल्याने सगळी शेती मोकळी झाली आहे. पूर ओसल्यानंतर चार पाच दिवस कडक ऊन पडल्याने शिवारातील पाणी वेगाने हटले. अद्यापही अपवाद वगळता कोणत्याच शिवारात शेतकरी जात नसल्याचे चित्र आहे.

शेतातील कचरा दूर करून पूर्ण खराब पीक झाल्यास ते स्वच्छ करणे गरजेचे आहे. पण अजूनही पंचनाम्याचे काम सुरू असल्याने शेतकऱ्यांनी शेत स्वच्छ करण्यासाठी फार उत्सुकता दाखविली नाही. सध्या जुलै महिन्यात लागवड केलेला आडसाली ऊस पूर्ण खराब झालेला आहे. अनेक शेतात फक्त मातीच उरली आहे. तर दोन तीन महिन्यांचा ऊस गाळाने भरलेला आहे. तो सगळा काढून टाकणे गरजेचे असल्याने शेतकरी येत्या काही दिवसांत खराब पीक काढून दुसऱ्या पिकाची पुर्नलागवड करतील, अशी शक्‍यता आहे. 

आता पुन्हा उसाची लागवड करण्यासाठी किमान एक महिना कालावधी लागणार आहे. परत शेत नांगरून तयार करण्यासाठी वाफसा येणे गरजेचे आहे. पूर्ण सप्टेंबर महिन्यात परतीचा पाऊस येण्याची शक्‍यता असल्याने सध्या दुसरे पीक करणार नाहीत, अशी शक्‍यता कृषी विभागाबरोबर शेतकऱ्यांनी व्यक्त केली.  सध्या शेतकऱ्यांकडे आर्थिक चणचण आहे. कर्जमाफीबाबतही स्पष्ट धोरण अथवा ती रक्कम तातडीने माफ होईल ती किती होईल याबाबत शाश्‍वती नसल्याने सावध भूमिका घेतल्या आहे.

बियाणे उपलब्धतेचे आव्हान
ऊस लागवड करायची म्हटली तरी नवे बियाणे मिळविण्याचे आव्हान शेतकऱ्यांपुढे आहे. आता पूर नसलेल्या भागातील ऊस बियाण्यांसाठी घेणे गरजेचे बनले आहे. कारखाना पातळीवरही याबाबत अद्याप शांतताच दिसून येत आहे. नुकसान किती झालेय हे पाहून शेतकऱ्यांना कशाची मदत लागेल, याबाबत निर्णय घेणार असल्याचे कारखाना प्रतिनिधींनी सांगितले.


इतर ताज्या घडामोडी
संतुलित खत व्यवस्थापनावर द्या भरमाती परीक्षणानुसार जमिनीमध्ये उपलब्ध...
सिंधुदुर्गात पावसाचा जोर ओसरला सिंधुदुर्ग : जिल्ह्याला बुधवारी (ता.३) वादळी...
दापोली, मंडणगडमध्ये बागांना फटकारत्नागिरी : निसर्ग चक्रीवादळाचा सर्वाधिक तडाखा...
नगर जिल्ह्यात ‘निसर्ग'चा शेतीपिकांना...नगर : कोकण आणि मुंबईला तडाखा देणारे निसर्ग...
पुणे जिल्ह्यात ‘निसर्ग’चे थैमान पुणे : निसर्ग चक्रीवादळाने बुधवारी (ता.३)...
नाशिक जिल्ह्यात चक्रीवादळामुळे...नाशिक : निसर्ग चक्रीवादळाने जिल्ह्यात दुपारनंतर...
सुधारित तंत्राने शेवगा लागवडशेवग्याची लागवड करताना दोन झाडांतील व ओळीतील...
वेलीचा वाढता जोम नियंत्रणात ठेवण्याकडे...द्राक्षबागेत गेल्या दोन दिवसापासून वातावरण...
कोरडवाहू शेतीसाठी आंतरपीक पद्धती...महाराष्ट्र राज्यात कोरडवाहू शेतीचे जवळपास ८५...
फळबागांमध्ये घ्या फुलांचे आंतरपीकफळपिकांच्या लागवडीमध्ये आंतरपीक घेणे हा एक चांगला...
मांडा ग्रामपंचायतीचे वार्षिक अंदाजपत्रकआपल्या गावाचा ग्रामविकास आराखडा आपण सर्वांनी...
नाशिकमध्ये दोडका ३३३५ ते ४५८५ रुपये...नाशिक : येथील कृषी उत्पन्न बाजार समितीमध्ये...
कापूस सल्ला कोरडवाहू पिकाकरिता तीन वर्षातून एकदा खोल...
राज्यात टोमॅटो ५०० ते २५०० रूपये...सांगलीत १ हजार ते १२५० रूपये दर सांगली  ः...
स्वामीनाथन सूत्रानुसार हमीभाव दिल्याचा...नाशिक: स्वामीनाथन सुत्राप्रमाणे उत्पादन खर्च...
उस्मानाबाद, लातूर, बीडमध्ये पावसाचा जोर औरंगाबाद : मराठवाड्यातील पाच जिल्ह्यात बुधवारी (...
नगरच्या ४० महसूल मंडळांत जोरदार पाऊसनगर : जिल्ह्यात सलग तिसऱ्या दिवशी बुधवारी (ता.३)...
परभणी, नांदेड, हिंगोलीत पावसामुळे कापूस...परभणी : परभणी, नांदेड, हिंगोली जिल्ह्यात गेल्या...
बुलडाण्यात पीककर्जाचे ७ टक्केच वाटप बुलडाणा : पावसामुळे शेतकऱ्यांनी पेरणीच्या...
कोल्हापूर जिल्ह्यात दिवसभर संततधार...कोल्हापूर : जिल्ह्यात दिवसभर संततधार पाऊस सुरूच...