agriculture news in Marathi, NREGA commissionaire says, direct subsidy beneficial instead of NREGA, Maharashtra | Page 2 ||| Agrowon

शेतीसाठी `रोहयो`एवजी थेट अनुदानच फायद्याचे: रोहयो` आयुक्तालय

विनोद इंगोले
रविवार, 8 सप्टेंबर 2019

तांत्रिक अडचणींमुळे ‘रोहयो’मध्ये शेतीकामाचा अंतर्भाव करणे फार किचकट ठरणार आहे. त्याऐवजी शेतकऱ्यांना शेतीकामासाठी थेट निधी दिल्यास ते फायदेशीर ठरेल. काही राज्यांमध्ये अशाप्रकारची योजनांची अंमलबजावणी होत आहे. 
- ए. एस. आर. नायक, आयुक्‍त, महात्मा गांधी ग्रामीण रोजगार हमी योजना, नागपूर.

नागपूर ः महात्मा गांधी ग्रामीण रोजगार हमी योजनेतून शेतीकामांना परवानगी देण्याची मागणी होत असताना रोजगार हमी योजना (रोहयो) आयुक्‍तालय मात्र याबाबत सकारात्मक नसल्याचे चित्र आहे. शासनाने या संदर्भाने मागितलेल्या अहवालातदेखील ही बाब मांडण्यात आली असून, तांत्रिकदृष्ट्या मागणीला मंजुरी देणे परवडणारे नसल्याचे निरीक्षण `रोहयो` आयुक्‍तालयाने नोंदविल्याचे सूत्रांनी सांगितले. 

पेरणी ते कापणी अशा विविध टप्प्यांत शेतीकामांसाठी मजुरांची गरज भासते. गेल्या काही वर्षांत मजुरीच्या दरात वाढ झाल्याने शेतीचा उत्पादकता खर्च वाढला आहे. शेतीमध्ये याच कारणामुळे नैराश्‍यदेखील वाढीस लागले आहे. त्यातूनच शेतकरी आत्महत्या होत असल्याची स्थिती आहे. परिणामी, यावर उपाय शोधण्यासाठी शासनस्तरावरून हालचालींसाठी पुढाकार घेण्यात आला आहे.

त्यातील पहिल्या पर्यायाअंतर्गत शेतकऱ्यांच्या मागणीनुसार रोजगार हमी योजनेत शेतीकामाचा समावेश करण्यावर शासनाने विचार सुरू केला. महात्मा गांधी ग्रामीण रोजगार हमी योजनेचे आयुक्‍त ए. एस. आर. नायक यांच्या अध्यक्षतेखाली समितीचे गठण करण्यात आले.

नायक यांनी राज्यभरातील कृषी अधिकारी, तज्ज्ञांशी या विषयावर व्हिडिओ कॉन्फरसिंगच्या माध्यमातून संवाद साधला. त्याआधारे तयार झालेला अहवाल शासनाला पाठविण्यात आला आहे. यामध्ये ‘रोहयो’अंतर्गत शेतीकामांशी एकाच गावाकरिता कोट्यवधी रुपयांच्या बजेटची तरतूद करावी लागणार असल्याचे त्यासोबतच ‘रोहयो’ कायद्यातील तरतुदीनुसार नोंदी व इतर कामांकरिता मनुष्यबळही मोठ्या प्रमाणात लागणार असल्याचे म्हटले आहे. त्यामुळे ‘रोहयो’त शेतीकामांचा अंतर्भाव करण्याऐवजी इतर पर्यायांचा विचार करण्याची शिफारस रोहयो आयुक्‍तालयाकडून करण्यात आल्याचे सूत्रांनी सांगितले. 

शेतकऱ्यांना द्या थेट अनुदान
एका गावात ६५० ते ७०० हेक्‍टर शेती राहते. ‘रोहयो’तील तरतुदीनुसार शेतीकामाच्या प्रत्येक इंच क्षेत्राची एमबी (नोंदणी पुस्तिका) तयार करावी लागेल. त्या कामाचे फोटो ऑनलाइन अपलोड करणे क्रमप्राप्त ठरले त्यासोबतच मजुरांचे जॉबकार्ड, रोजगार सेवकांकडून कामाची तपासणी करावी लागेल. याकामी मोठे मनुष्यबळ लागेल. त्यासोबतच भ्रष्टाचाराचे आरोप, प्रत्यारोपही होतील. त्यामुळे ‘रोहयो’ऐवजी काही राज्यांनी शेतकऱ्यांना थेट अनुदान देण्यासाठी पुढाकार घेतला आहे. तशीच पद्धती अंवलबिण्यात यावी, अशी शिफारस रोहयो आयुक्‍तालयाने केली आहे. 

 


इतर अॅग्रो विशेष
कर्जमाफीची पहिली यादी आज होणार जाहीर :...मुंबई : आमचे सरकार हे केवळ घोषणा करणारे नाही तर...
राज्यात गोंधळलेले सरकार: देवेेंद्र...मुंबई ः दिशा ठरत नाही आणि त्यांना सूरही गवसत...
कर्जमाफीच्या मुद्द्यावर राज्य सरकारची...मुंबई : आजपासून (ता. २४) सुरू होणारे अर्थसंकल्पी...
अकरा लाख टन रिफाइंड पामतेल आयातीला...नवी दिल्ली: केंद्र सरकारने रिफाइंड पामतेलाची...
कर्जमाफी बिनकामाची, तकलादू : राजू...नगर: पंतप्रधान पीकविमा योजना सरकारी...
पूर्व विदर्भात पावसाचा अंदाजपुणे  : पावसासाठी पोषक हवामान असल्याने पूर्व...
‘ठिबक’च्या ऑनलाइन अर्जासाठी मुदतवाढपुणे ः ठिबक सिंचन योजनेचा लाभ घेण्यासाठी ऑनलाइन...
विदर्भात पावसाची शक्यतापुणे: पूर्व आणि पश्चिमेकडील वाऱ्यांचा संगम होत...
सांगली जिल्ह्यातून सव्वादोन हजार टन...सांगली ः दुष्काळ, अवकाळी आणि अतिवृष्टीच्या...
शेती, पूरक उद्योग अन् आरोग्याचा जागरशेतकरी आणि ग्रामीण महिलांच्या जीवनात आश्वासक बदल...
ई-पीक पाहणी प्रकल्पाची प्रायोगिक...सिल्लोड : हंगामनिहाय किती क्षेत्रावर कोणत्या...
अठ्ठेचाळीस कृषी महाविद्यालयांची...पुणे : विद्यार्थ्यांकडून लक्षावधी रुपये शुल्क...
सिंधुदुर्गच्या पूर्व पट्ट्यात आंब्याला...सिंधुदुर्ग: फेब्रुवारी महिना संपत आला तरी...
पशुधनाचे मार्चमध्ये होणार लसीकरणपुणे ः गाई, म्हशी, शेळ्या, कालवडी आजारी पडू नये...
निर्धारित निर्यातीनंतरच बफर स्टॉकवरील...नवी दिल्ली: देशातील ज्या साखर कारखान्यांनी...
खारपाण पट्ट्यातील येऊलखेड बनले कृषी...अकोला: विदर्भाची पंढरी शेगाव हे संपूर्ण...
जळगाव ः कापसाच्या खेडा खरेदीला कमी...जळगाव ः कापसाची खेडा खरेदी मागील आठवड्यात...
इंडोनेशियात कच्च्या साखरेची जादा...कोल्हापूर : भारताच्या दृष्टीने साखर निर्यातीसाठी...
चांगदेव यात्रेला प्रारंभ; दिंड्या दाखलचांगदेव, जि. जळगाव ः सिद्धेश्वर योगिराज चांगदेव...
सर्व्हर डाउनच्या गोंधळामुळे द्राक्ष...नाशिक : केंद्रीय अप्रत्यक्ष कर आणि सीमा शुल्क...