अकोला ः जिल्ह्यात कोरोनाचा संसर्ग वेगाने होत आहे. सोमवारी (ता. २५) नऊ रुग्णांचा अहवाल पॉझिटिव्ह आल्याने आता बाधितांची संख्या चारशेपार गेली आहे. अकोल्यात आता ४०६ रुग्णांची नोंद झाली आहे. अकोला महानगरासह आता ग्रामीण भागात कोरोनाचे रुग्ण आढळून येत असल्याने अधिकच चिंता वाढली आहे.
सोमवारी (ता. २५) सकाळी नऊ रुग्णांचे अहवाल पॉझिटिव्ह आले आहे. सकाळी एकूण १८३ अहवाल आले. यातील १७४ अहवाल निगेटिव्ह आले. सकाळी पॉझिटिव्ह आलेल्या नऊ रुग्णांपैकी चार पुरुष व पाच महिला आहेत. या रुग्णांपैकी तीन जण हे फिरदौस कॉलनी येथील रहिवासी आहेत. तर अन्य महसूल कॉलनी, अण्णाभाऊ साठे नगर, अकोट फैल, देशमुख फैल, मोहता मिल नानकनगर, गोकूळ कॉलनी येथील रहिवासी आहेत. रविवारी (ता. २४) रात्री २२ जणांना डिस्चार्ज करण्यात आले आहे. त्यातील तिघांना घरी तर उर्वरित १९ जणांना संस्थागत अलगीकरणात निरीक्षणात ठेवण्यात आले आहे.
जिल्ह्यात एक मे पासून कोरोना बाधितांचा आकडा वेगाने वाढलेला आहे. या महिन्यात साडे तीनशेपेक्षा अधिक रुग्ण झाले आहेत. विशेष म्हणजे ग्रामीण भागात तेल्हारा तालुक्यात पाच रुग्ण मिळून आले आहेत. बाहेर जिल्ह्यातून परतलेल्यांमुळे ग्रामीण भागात संसर्ग वाढत चालला आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.