जळगाव ः खानदेशात उन्हाळ किंवा रब्बी हंगामात लागवडीच्या कांद्याच्या रोपवाटिका तयार करण्यास सुरवात झाली आहे. बियाण्याचे दर चढे असल्याने आर्थिक फटकादेखील शेतकऱ्यांना बसत आहे.
यंदा सुमारे १४ ते १५ हजार हेक्टरवर खानदेशात कांदा लागवड होईल. डिसेंबरअखेरीस लागवड सुरू होईल. त्यासंबंधी रोपवाटिकांचे नियोजन शेतकरी करीत आहेत. काही शेतकऱ्यांनी आपल्या रोपवाटिकांमध्ये बियाणे टाकून त्यात सिंचनही केले आहे. या रोपवाटिकांमधून सव्वा महिन्यात म्हणजेच नोव्हेंबरच्या दुसऱ्या आठवड्यातच रोपे लागवडीसाठी उपलब्ध होतील. या कांद्याला चांगले दर मिळतील, अशी अपेक्षा शेतकऱ्यांना आहे.
जळगाव जिल्ह्यात चोपडा, चाळीसगाव, भडगाव, धरणगाव, एरंडोल, जळगाव, भुसावळ्यात, धुळ्यातील साक्री, धुळे, शिंदखेडा, नंदूरमधील नंदूरबार, तळोदा तालुक्यात कांद्याची लागवड बऱ्यापैकी होईल. जलसाठे मुबलक आहेत. यामुळे शेतकरी लागवडीचे नियोजन करीत आहेत.
ठिबकवर लागवडीचे नियोजन
जळगाव जिल्ह्यात आठ ते नऊ हजार हेक्टरवर कांदा लागवड होईल, अशी अपेक्षा आहे. अनेक शेतकरी ठिबकवर लागवडीचे नियोजन करीत आहेत. यामुळे चांगले किंवा अधिकचे उत्पादन येईल, अशी अपेक्षा शेतकऱ्यांना आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.