Agriculture news in marathi Obstacles when buying cashews Police protection if done | Agrowon

काजू खरेदी करताना आडकाठी केल्यास पोलिस संरक्षण 

टीम अॅग्रोवन
गुरुवार, 4 मार्च 2021

सावंतवाडी-दोडामार्ग फळ बागायतदार संघ शेतकऱ्यांच्या ‘काजू बी’ ला चांगला दर मिळवून देण्याचा प्रयत्न करीत आहे. कुणी आडकाठी केल्यास पोलिस संरक्षण देण्यात येईल, अशी ग्वाही प्रांतधिकारी सुशांत खांडेकर यांनी दिली. 

सिंधुदुर्गनगरी : सावंतवाडी-दोडामार्ग फळ बागायतदार संघ शेतकऱ्यांच्या ‘काजू बी’ ला चांगला दर मिळवून देण्याचा प्रयत्न करीत आहे. त्यामुळे खरेदीदार काजू बी खरेदी करताना कुणी आडकाठी केल्यास पोलिस संरक्षण देण्यात येईल, अशी ग्वाही प्रांतधिकारी सुशांत खांडेकर यांनी येथे दिली. 

सावंतवाडी-दोडामार्ग फळ बागायतदार संघाच्या माध्यमातून काजू बी चांगला दर मिळावा यासाठी प्रयत्न केले जात आहेत. चांगला दर मिळवून देण्यासाठी थेट कारखानदारांना गाठून खरेदीसाठी आग्रह धरला जात आहे. अशा पद्धतीचा प्रयोग गेल्यावर्षी करण्यात आला होता. परंतु काही कारखानदारांनी आडकाठी केली होती. त्या अनुषंगाने संघाच्या पदाधिकाऱ्यांनी प्रांताधिकाऱ्यांना शेतकरी, कारखानदार आणि व्यापारी यांची संयुक्त बैठक घेण्याची विनंती केली होती. त्यानुसार मंगळवारी (ता.२) प्रांत कार्यालयात बैठकीचे आयोजन करण्यात आले होते. या बैठकीला संघाचे अध्यक्ष विलास सावंत, प्रकाश वालावलकर, सौरभ सिद्धये, अभिलाष देसाई आदी उपस्थित होते. 

कारखानदार संघटनेने नियोजित कार्यक्रमामुळे बैठकीला उपस्थित राहता येत नसल्याचे पत्राद्वारे कळविले. त्यामुळे प्रांताधिकारी आणि काजू उत्पादकांमध्ये चर्चा झाली. काजू उत्पादकांनी आपली बाजू मांडली. शेतकऱ्यांना योग्य भाव मिळाला नाही तर काजू बी परवडत नाही. सध्या मिळत असलेल्या भावानुसार उत्पादन खर्च देखील भागत नाही. त्यामुळे आम्ही थेट काजू विक्रीकरिता कारखानदार किंवा खरेदीदार शोधून काजू बी विक्री करणार आहोत. अशा पद्धतीने विक्री सुरू केल्यानंतर काही ठिकाणी आडकाठी करण्याचा प्रयत्न केला जातो, असे शेतकऱ्यांनी निदर्शनास आणून दिले.

कृषी उत्पन्न बाजार समितीच्या माध्यमातून देखील काजू बी खरेदीचा प्रयत्न झाला होता. त्यावेळीही विरोध करण्यात आला. या वेळी प्रांताधिकारी खांडेकर यांनी शेतकऱ्यांना चांगला दर कुणी खरेदीदार देत असेल तर त्यांनी त्याच्याकडे विक्री करावी. त्याला कुणीही आडकाठी करू शकणार नाही. गरज भासल्यास आम्ही त्याला पोलिस संरक्षण देऊ, असे आश्वासन त्यांनी दिले. कारखानदार अनुपस्थित राहिल्यामुळे अपेक्षित चर्चा या बैठकीत होऊ शकली नाही. 


इतर बातम्या
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
दिग्गज प्रस्थापितांमध्ये रंगणार ‘गोकुळ’...कोल्हापूर : कोल्हापूर जिल्हा दूध उत्पादक संघाच्या...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
‘शेती’वरही निर्बंध; दुकाने फक्त 'या'...पुणे : कोरोना विषाणूच्या जीवघेण्या साथीला पायबंद...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
मोसंबीच्या वाण निवडीसाठी संशोधन...औरंगाबाद : राज्यातील शेतकऱ्यांना सध्या अस्तित्वात...
जगाची ‘फळांची करंडी’ होण्याची...पुणे ः ‘घरी ज्याच्या फळांची करंडी तोची असे खरा...
कोकणात बांधावरच्या पिकांची होणार...पुणे : कोकणातील दुर्लक्षित परंतु येत्या काळात...
विदर्भात आजपासून पावसाची शक्यतापुणे : विदर्भाच्या अनेक भागांत अंशतः ढगाळ...
राज्यात अद्याप ३६ कारखान्यांचा हंगाम...कोल्हापूर : यंदाच्या हंगामात हुपरी (ता. हातकणंगले...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...