agriculture news in Marathi, officer got promotion who engaged in beed fraud, Maharashtra | Agrowon

बीड घोटाळ्यातील अधिकाऱ्याला पदोन्नती
टीम अॅग्रोवन
बुधवार, 7 मार्च 2018

पुणे: राज्य सरकारच्या महत्त्वाकांक्षी जलयुक्त शिवार योजनेतील निधी हडप करणाऱ्या अधिकाऱ्याला कारवाईऐवजी पदोन्नती दिल्याचे उघड झाले आहे. त्यामुळे हे प्रकरण थेट लोकायुक्तांपुढे नेले जाणार असल्यामुळे ‘सोनेरी’ टोळी हादरली आहे. 

पुणे: राज्य सरकारच्या महत्त्वाकांक्षी जलयुक्त शिवार योजनेतील निधी हडप करणाऱ्या अधिकाऱ्याला कारवाईऐवजी पदोन्नती दिल्याचे उघड झाले आहे. त्यामुळे हे प्रकरण थेट लोकायुक्तांपुढे नेले जाणार असल्यामुळे ‘सोनेरी’ टोळी हादरली आहे. 

कृषी खात्यातील २४ अधिकारी-कर्मचारी व कंत्राटदारांनी बीड जिल्ह्यात संगनमताने जलयुक्त शिवाराच्या कामांमध्ये ३५ कोटी रुपयांचा घोटाळा केल्याचा संशय आहे. कृषी आयुक्त सच्चिंद्र प्रताप सिंह यांनी या घोटाळ्यातील सोनेरी टोळीच्या मुसक्या आवळण्यासाठी फौजदारी गुन्हे दाखल करण्याचे आदेश दिले आहेत. दुसरीकडे हे प्रकरण राज्याच्या लोकायुक्तांसमोर मांडण्याची तयारी सुरू झाली आहे.

या घोटाळ्यातील प्रमुखाला थेट मंत्रालयातून वरदहस्त मिळाल्यामुळे कारवाईऐवजी पदोन्नतीचे बक्षीस मिळाले आहे. कृषी खात्यातील बहुतेक गैरव्यवहार उघड झाल्यानंतर तक्रारदाराला खंडणीखोर ठरवून भ्रष्ट अधिकाऱ्याला पदोन्नती दिली जात असल्याची पद्धत गेल्या काही वर्षांपासून सुरू आहे. सोनेरी टोळीला मंत्रालयातून सतत प्रोत्साहन दिल्याने कृषी खात्याचा ढाचा खिळखिळा झाल्याचे सूत्रांचे म्हणणे आहे. 

बीड जिल्ह्यात जलयुक्त शिवारासाठी आलेला ३५ कोटींचा निधी हडप करण्यासाठी कृषी अधिकारी व ठेकेदारांमध्येच चढाओढ लागल्याचे कर्मचाऱ्यांचे म्हणणे आहे. यामुळे तांत्रिक मंजुरी न घेता तसेच प्रशासकीय मंजुरीची वाट न बघता निधी उकळण्यात आला. राज्य शासनाची मार्गदर्शक तत्त्वे झुगारून ‘जलयुक्त’च्या निधीतून गेल्या तीन वर्षांत ३४ कोटी ६८ लाख रुपये खर्च झाल्याचे दाखविण्यात आले आहे. एकूण ८८३ कामे झालेली असताना चौकशी मात्र फक्त ३०७ कामांचीच झाली आहे.

‘‘पावणे नऊशे कामांपैकी तीनशे कामांची चौकशी झाली असता आठ कोटींचा भ्रष्टाचार झाल्याचे कृषी विभागाच्या तपासणीत आढळले आहे. मात्र, उर्वरित पावणे सहाशे कामांची चौकशी का करण्यात आली नाही? या कामांचा मलिदा लाटला कोणी? सोनेरी टोळीच्या म्होरक्यावर कारवाई करण्याऐवजी पदोन्नतीची बक्षीस कोणी दिले? बीड जिल्हा कृषी अधीक्षक कार्यालय आणि औरंगाबादच्या विभागीय कृषी सहसंचालक कार्यालयातील कोणते अधिकारी या घोटाळ्यात सामिल झाले होते याचा तपास झालेला नाही," अशी माहिती उच्चपदस्थ सूत्रांनी दिली. 

आस्थापना विभागातील सूत्रांनी दिलेल्या माहितीनुसार, या घोटाळ्यात एकूण २४ अधिकारी व कर्मचारी अडकलेले आहेत. यातील एका अधिकाऱ्याला पदोन्नती मिळाली असली तरी विभागीय चौकशीतून या अधिकाऱ्याला सूट मिळाली आहे. उपविभागीय कृषी अधिकारी दर्जाचे दोन अधिकारी या घोटाळ्यात अडकले आहेत. त्यातील एक जण निवृत्त झाला असून दुसऱ्याची बदली झाली आहे. 

बीड घोटाळ्यातील अधिकाऱ्यांवर दोषारोपपत्रे भरून विभागीय चौकशीचा प्रस्ताव कृषी आयुक्तांना सादर करण्याचे आदेश देखील देण्यात आले आहेत, असेही आस्थापना विभागाचे म्हणणे आहे.   

फोनवरून दहा कोटी रुपये 
वळविणारा अधिकारी कोण?

जलयुक्त शिवारातील निधी राज्य सरकारला अंधारात ठेवून हवा तिकडे वळविण्याचे कसब बीड जिल्ह्यातील कृषी अधिकारी व ठेकेदारांनी प्राप्त केले होते. धक्कादायक बाब म्हणून राज्य शासनाकडून आलेल्या निधीतून दहा कोटी रुपये एका अधिकाऱ्याने केवळ फोनवरून आदेश देत ठेकेदारांच्या घश्यात घातले आहेत. सोनेरी टोळीचा म्होरक्या असलेल्या या अधिकाऱ्याला इतर तीन अधिकारी सामिल होते. या सर्व अधिकाऱ्यांच्या मालमत्तेची चौकशी व्हावी, अशी मागणी करणारी याचिका लोकायुक्तांकडे दाखल करण्यात आली आहे.

   घोटाळ्यातील महत्वाचे मुद्दे

  • २४ अधिकारी-कर्मचारी व कंत्राटदारांचा संगनमताने ३५ कोटींचा घोटाळा
  • निधी हडपण्यासाठी तांत्रिक तसेच प्रशासकीय मंजुरीशिवाय उकळला निधी
  • कृषी आयुक्तांचे फौजदारी गुन्हे दाखल करण्याचे आदेश
  • घोटाळ्यातील प्रमुखाला मंत्रालयातून वरदहस्तामुळे पदोन्नती
  • झालेल्या ८८३ कामांपैकी केवळ ३०७ कामांचीच चौकशी
  • ३०७ कामांमध्ये आठ कोटींचा घोटाळा झाल्याचे तपासणीत उघड
  • घोटाळ्यात कोणते अधिकारी सामील आहेत याचा तपास अद्यापही बाकी

इतर अॅग्रो विशेष
देशात सोयाबीन लागवडीत ११ टक्के घटनवी दिल्ली : देशातील महत्त्वाच्या सोयाबीन...
भारताची चंद्राला पुन्हा गवसणी;...श्रीहरिकोटा : चंद्राच्या अप्रकाशित भागावर प्रकाश...
महात्मा फुले कृषी विद्यापीठाला देशात...नगर ः नवी दिल्ली येथील भारतीय कृषी संशोधन...
व्यापाऱ्याकडून द्राक्ष उत्पादकांची तीन...नाशिक: ओझर येथील आदित्य अ‍ॅग्रो एक्स्पोर्ट या...
‘कन्या वनसमृद्धी योजने’अंतर्गत शेतकरी...मुंबई : शेतकरी कुटुंबात मुलगी जन्माला आली तर...
ड्रोन तंत्रज्ञानाच्या वापराबाबत `...अकोला ः कृषी क्षेत्रात ड्रोन तंत्रज्ञानाचा...
जमीन सुपीकता जपत दर्जेदार संत्रा...दर्जेदार संत्रा फळांच्या उत्पादनात सातत्य राखत...
केळीत दोन हंगामात कारले पिकाचा प्रयोगजळगाव जिल्ह्यातील करंज येथील रामदास परभत पाटील...
कृषी विभागाकडून परीक्षा शुल्क परतीसाठी...अमरावती ः परीक्षा शुल्क परतीसाठी पोस्टेज खर्च सात...
सूतगिरण्या तीन दिवस बंद करण्याची वेळजळगाव ः चीन, युरोपातील सूत निर्यात जवळपास ठप्प...
राज्यात अवघा २५ टक्के पाणीसाठापुणे : जुलै महिना संपत आला, तरीही पावसाने...
गुरुवारपासून पावसाचा जोर वाढण्याची...पुणे: राज्याच्या बहुतांशी भागांत पावसाने उघडीप...
लावलेली वनवृक्षे जगवावी लागतीलनिसर्गाचा समतोल सातत्याने ढासळत असून, जगभरातच...
खजुराची शेती खुणावतेय विदर्भ आणि मराठवाड्यात सिंचनाच्या फारशा सोयी...
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...