agriculture news in Marathi, officers got promotion, Maharashtra | Agrowon

कृषी पर्यवेक्षकांना पदोन्नती मिळाली, पण अनेकांना खुर्च्या सोडवेनात

टीम अॅग्रोवन
सोमवार, 18 मार्च 2019

पुणे : राज्यातील कृषी पर्यवेक्षकांना शासनाने मंडळ कृषी अधिकारीपदी पदोन्नती दिली. मात्र, अनेक जिल्ह्यांमध्ये पदोन्नतीच्या जागी पर्यवेक्षक हजरच झालेले नाहीत, अशी माहिती सूत्रांनी दिली. 

“पदोन्नती देताना बहुतेकांच्या बदल्या विदर्भात तसेच मराठवाड्यात करण्यात आलेल्या आहेत. अनेक हजर न झाल्यामुळे तसेच काही जिल्ह्यांमध्ये हजर होऊन रजेवर जाण्याचे प्रकार घडल्यामुळे समस्या तयार झालेल्या आहेत. संबंधित सहसंचालकांना या प्रकरणात लक्ष घालण्याच्या सूचना कृषी आयुक्तालयाने दिल्या आहेत, अशी माहिती आस्थापना विभागाच्या सूत्रांनी दिली. 

पुणे : राज्यातील कृषी पर्यवेक्षकांना शासनाने मंडळ कृषी अधिकारीपदी पदोन्नती दिली. मात्र, अनेक जिल्ह्यांमध्ये पदोन्नतीच्या जागी पर्यवेक्षक हजरच झालेले नाहीत, अशी माहिती सूत्रांनी दिली. 

“पदोन्नती देताना बहुतेकांच्या बदल्या विदर्भात तसेच मराठवाड्यात करण्यात आलेल्या आहेत. अनेक हजर न झाल्यामुळे तसेच काही जिल्ह्यांमध्ये हजर होऊन रजेवर जाण्याचे प्रकार घडल्यामुळे समस्या तयार झालेल्या आहेत. संबंधित सहसंचालकांना या प्रकरणात लक्ष घालण्याच्या सूचना कृषी आयुक्तालयाने दिल्या आहेत, अशी माहिती आस्थापना विभागाच्या सूत्रांनी दिली. 

महाराष्ट्र राज्य कृषी पर्यवेक्षक संघटनेकडून पदोन्नतीसाठी अनेक वर्ष पाठपुरावा केला. शासनाने हा प्रश्न निकालात काढला. पण ५० टक्के कृषी पर्यवेक्षक पदोन्नतीच्या ठिकाणी हजर झालेलेच नाहीत. सहसंचालकांनी सांगून देखील नव्या जागेवर पर्यवेक्षक हजर होत नसल्यामुळे या प्रकरणात प्रशासनाचा धाक राहिला नसल्याचे स्पष्ट होते. ऐन दुष्काळात यामुळे काही तालुक्यांमध्ये मनुष्यबळाची कमतरता तयार झाली आहे, असे कर्मचारी सांगतात. 

“भरपूर पगार, याशिवाय मोक्याच्या पदावर कामे, गावाजवळ किंवा शहराजवळ पोस्टिंग अशा सुविधा काही क्षेत्रिय कर्मचाऱ्यांना हव्या असतात. त्यामुळे कृषी सल्ला आणि योजनांची माहिती गावागावात पोचण्याकडे दुर्लक्ष होते. अधिकाऱ्यांनाही अशा कर्मचाऱ्यांना वेसन घालता येत नाही. कारण, अधिकारी वर्गही तेच करतो आहे,’’ अशी माहिती एका अधिकाऱ्याने दिली. 

किती जणांना पदोन्नती मिळाली, किती जण हजर झाले, किती जणांनी पदोन्नत्या नाकारल्या याचीदेखील माहिती सध्या आस्थापना विभागाकडे नाही. पदोन्नती रद्द करून नव्या कर्मचाऱ्यांना संधी देण्याची द्यावी, असे काही पर्यवेक्षकांचे म्हणणे आहे. 

स्पष्ट आदेश नसल्याने होतेय दुर्लक्ष
पदोन्नतीवर बदली होऊनदेखील अद्याप कार्यमुक्त न केलेल्या कर्मचाऱ्यांना आदेश निघाल्याच्या तारखेपासून मानीव कार्यमुक्त करावे, असा स्पष्ट आदेश आयुक्तालयाने न दिल्यामुळे अडचण तयार झालेली आहे. कार्यमुक्त न केलेल्या कर्मचाऱ्यांचे वेतन संबंधित वरिष्ठांकडून वसूल करण्याचे धोरण ठेवल्यास हा प्रश्न सुटू शकतो. तत्कालीन आयुक्त सच्चिंद्र प्रताप सिंह यांनी तशी भूमिका घेतली होती. बदली झालेल्या अधिकाऱ्याचे वेतन (जुन्या) कार्यालयाने करू नये. असे वेतन काढल्यास संबंधित नियंत्रण अधिकाऱ्याच्या वेतनातून या रकमेची वसुली करावी. कृषी अधिकऱ्यांना तात्काळ कार्यमुक्त न करणाऱ्या वरिष्ठ अधिकऱ्याविरुद्ध शिस्तभंगाची कारवाई केली जाईल, असे आदेश श्री. सिंह यांनी काढले होते.


इतर अॅग्रो विशेष
सक्रिय रुग्णांची संख्या घटली; एका...नवी दिल्ली : कोरोना महामारीविरूद्धच्या...
विदर्भात टोळधाडीची अस्तित्व कायमनागपूर : कृषी विभागाकडून टोळधाड नियंत्रणासाठी...
राज्यातील भाजीपाला लागवड खोळंबली कोल्हापूर: सध्याच्या स्थितीत भाजीपाल्याचे...
राज्यात देशी कोंबडी पिलांना मागणी वाढली नगर ः काही महिन्यांपूर्वी कोरोना आणि चिकनबाबत...
शेतकऱ्यांची खत विक्री दरात फसवणूक करू...बुलडाणा ः या खरीप हंगामात शेतकऱ्यांना रास्त...
राज्यात बेदाण्याचे सव्वा दोन लाख टन...सांगली : यंदा द्राक्ष उत्पादक शेतकऱ्यांवर ‘कोरोना...
मॉन्सूनची आणखी प्रगती शक्यपुणे  : नैर्ऋत्य मोसमी वारे (मॉन्सून) मजल...
राज्यात ५८२० पाणी वापर सोसायट्या स्थापन...पुणे  : राज्यातील विविध धरणांच्या क्षेत्रात...
राज्यात आजपासून वादळी पावसाची शक्यतापुणे  : राज्यात पूर्वमोसमी पावसाला पोषक...
टोळधाडीचा राजस्थानमधील ९० हजार हेक्टरला...जयपूर, राजस्थान  ः राज्यातील २० जिल्ह्यांतील...
यंदा पायी वारी नाही; दशमीला पंढरीत...पुणे : आषाढी वारीची परंपरा जपण्यासाठी राज्य शासन...
अरबी समुद्रातून मॉन्सूनची पुढे चालपुणे : नैर्ऋत्य मोसमी वाऱ्यांनी (मॉन्सून)...
राज्यात आजपासून पूर्वमोसमी पावसाची...पुणे  : राज्यात पूर्वमोसमी पावसाला पोषक...
टोळधाडीच्या अस्तित्वाने विदर्भात पसरली...नागपूर   ः टोळधाड मध्यप्रदेशात...
दूध संघांना पेमेंट वाटप सुरुपुणे : राज्यातील दूध संघांनी शेतकऱ्यांना दिलेल्या...
वस्त्रोद्योग येतोय पूर्वपदावरजळगाव ः लॉकडाउनमुळे ठप्प असलेला देशातील...
नाशिक बाजार समिती पुन्हा सुरु;...नाशिक  : नाशिक बाजार समितीत दोन कोरोनाबाधित...
थेट पपई विक्रीतून मिळविला तिप्पट दर !परभणी ः कोरोनाच्या स्थितीमध्ये लॉकडाऊन व...
शेतमालाचे ऑनलाइन तारण कर्ज होणार उपलब्ध...मुंबई : टाळेबंदी कालावधीत शेतकऱ्यांना राज्य वखार...
अतिवृष्टी आणि अतिक्रमणामुळेच पूरस्थिती...मुंबई : अतिवृष्टी आणि अतिक्रमणामुळेच...