agriculture news in Marathi, Officers order to gave crop insurance within 7 days, Maharashtra | Agrowon

केळी उत्पादकांना विमा परतावा सात दिवसांत अदा करा : दिल्लीतून आदेश
टीम अॅग्रोवन
बुधवार, 22 ऑगस्ट 2018

पीकविमा योजनेसंबंधी आम्ही पुण्यातील बैठकीत सहभागी झालो. त्यात अनेक बॅंकांचे अधिकारी सहभागी झाले. योजनेचा लाभ सुलभ पद्धतीने शेतकऱ्यांना कसा मिळेल, यावर चर्चा झाली. जो योजनेत सहभागी झाला, त्याला लाभ मिळालाच पाहिजे, अशा सूचना वरिष्ठांनी दिल्या. 
- संभाजी ठाकूर, जिल्हा अधीक्षक कृषी अधिकारी, जळगाव

जळगाव ः हवामानावर आधारित फळ पीकविमा योजनेत जळगाव जिल्ह्यातील केळी उत्पादकांना येत्या सात दिवसांत निकष, पात्रता लक्षात घेऊन विमा परतावे (भरपाई) अदा करा. कोणताही विलंब त्यात करू नका. ज्यांची माहिती केंद्र सरकारच्या पोर्टलवर भरलेली नाही, अशा विमाधारक केळी उत्पादकांनाही तापमान, वेगाचे वारे यासंबंधीच्या नुकसानीची भरपाई अदा करा, असे आदेश दिल्ली येथील कृषी मंत्रालयातील वरिष्ठ अधिकाऱ्यांनी विमा कंपनी व संबंधित यंत्रणेला पुणे येथे कृषी आयुक्तालयात झालेल्या बैठकीत दिले आहेत. 

ही बैठक मंगळवारी (ता.२१) सकाळी झाली. त्यात पंतप्रधान पीकविमा योजनेचे मुख्य कार्यकारी अधिकारी आशिष कुमार भुतानी, राज्याचे कृषी आयुक्त सचिंद्र प्रताप सिंह, जळगाव जिल्ह्यातून जिल्हाधिकारी किशोर राजेनिंबाळकर, जिल्हा अधीक्षक कृषी अधिकारी संभाजी ठाकूर, अग्रणी बॅंकेचे अधिकारी आदी सहभागी झाले.

फळ पीकविमा योजनेच्या त्रुटी व शेतकऱ्यांच्या तक्रारी आदी मुद्यांवर ॲग्रोवनने १२ ऑगस्टला मुख्य पानावर फळपीक विमा योजनेत कंपन्याच गब्बर, हे सविस्तर वृत्त प्रसिद्ध केले. यानंतर शेतकऱ्यांनी कृषी आयुक्तालय, केंद्रीय कृषी संस्थांना इ मेलद्वारे तक्रार केली. तसेच विमा कंपनीकडेही आपल्या अडचणी सांगितल्या. यानंतर ही तातडीची बैठक पुुणे येथे झाल्याची माहिती मिळाली. 

जे शेतकरी योजनेत सहभागी झाले, त्यांची माहिती बॅंकांनी केंद्राच्या पोर्टलवर भरलेली नसल्याचा मुद्दा चर्चेत आला. त्यावर बॅंकेच्या अधिकाऱ्यांना विचारणा झाली. यानंतर जर शेतकऱ्याने फळ पीक विमा योजनेत सहभाग घेतला असेल, पण त्याची माहिती पोर्टलवर भरलेली नसेल तरी संबंधित विमाधारकाला नियमानुसार भरपाई देण्याचे आदेश देण्यात आले. बॅंकांनी विमाधारकांची माहिती पोर्टलवर भरण्यास विलंब करू नये, अशी सूचना देण्यात आली.

जळगाव जिल्ह्यात या योजनेत सहभागी झालेल्या केळी उत्पादकांना तापमान, वारा आदींमुळे नुकसानीसंबंधी येत्या सात दिवसात भरपाई दिली पाहीजे, अशा सूचनाही देण्यात आल्या. योजना शेतकरी केंद्रीत, सुलभ करण्याबाबतही चर्चा झाल्याची माहिती सूत्रांनी दिली.

इतर अॅग्रो विशेष
लावलेली वनवृक्षे जगवावी लागतीलनिसर्गाचा समतोल सातत्याने ढासळत असून, जगभरातच...
खजुराची शेती खुणावतेय विदर्भ आणि मराठवाड्यात सिंचनाच्या फारशा सोयी...
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...
लष्करी अळी नियंत्रणाचे जागतिक प्रयत्नपुणे : स्पोडोप्टेरा फ्रुगीपर्डा म्हणजेच...
मक्यावरील अमेरिकन लष्करी अळीचे आव्हान...पुणे ः गेल्या हंगामातील दुष्काळाच्या चटक्यानंतर...
राज्यात सर्वदूर पावसाचा अंदाजपुणे : मॉन्सून पुन्हा सक्रिय झाल्याने राज्यात...
शेतकरी कंपन्या स्थापन करण्यासाठी करारपुणे ः नाबार्डच्या कंपनी विकास फंडातून...
कर्नाटकात गुऱ्हाळघरातून थेट व्यापार...सांगली ः कर्नाटकमध्ये हमाली आणि अडत कमी असल्याने...
पीकविम्याचे ३२५ कोटी कंपन्यांना वितरितमुंबई ः गेल्यावर्षीच्या खरिपातील पीकविमा योजनेचा...
ग्रामविकासावर खर्च झालेल्या निधीची...मुंबई: आपल्या ग्रामपंचायतीला गावातील...
दुष्काळातही कडवंचीत शेतीतून ७२ कोटींचे...जालना : ‘महाराष्ट्राचे इस्राईल’ म्हणून नावलौकिक...
राज्यात सहामाहित तेराशे शेतकऱ्यांची...मुंबई ः सततची दुष्काळी स्थिती, नैसर्गिक संकटे,...
कोकण, मध्य महाराष्ट्र, मराठवाड्यात...पुणे : मॉन्सून पुन्हा सक्रीय झाल्याने...
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....