agriculture news in Marathi officers working in agriculture commissionrate after retirement Maharashtra | Agrowon

‘कृषी’तील ‘वतनदारी’ निवृत्तीनंतरही कायम

टीम अॅग्रोवन
मंगळवार, 22 सप्टेंबर 2020

कृषी आयुक्तालयात वर्षानुवर्षे राखलेली ‘वतनदारी’ सेवानिवृत्तीनंतरही कायम ठेवण्यासाठी अधिकारी आता ‘कंत्राटी’ सुविधेचा सर्रास वापर सुरू झाला आहे. 

पुणे: कृषी आयुक्तालयात वर्षानुवर्षे राखलेली ‘वतनदारी’ सेवानिवृत्तीनंतरही कायम ठेवण्यासाठी अधिकारी आता ‘कंत्राटी’ सुविधेचा सर्रास वापर सुरू झाला आहे. त्यामुळे कायमसेवेतील इतर चांगल्या अधिकाऱ्यांना संधी नाकारली जात असल्याचे सांगण्यात आले. 

राष्ट्रीय अन्नधान्य सुरक्षा अभियान सांभाळण्यासाठी आयुक्तालयात तीन कृषी उपसंचालक असतानाही माजी उपसंचालक राम लोकरे यांना निवृत्तीनंतर तेथे कंत्राटी पध्दतीने पद बहाल केले गेले आहे. नैसर्गिक आपत्ती विभागात वर्षानुवर्षे ‘सुभा’ सांभाळणारे तंत्र अधिकारी आदिनाथ गायखे तसेच अतुल निंबारते यांनाही कंत्राटी पध्दतीने नियुक्त्या करून घेतल्याने कर्मचारी वर्गात नाराजी आहे.  
‘‘कंत्राटी पध्दतीने नियुक्त्या करण्याची वेळ येतेच कशी, यासाठी विस्तार,आस्थापना आणि आयुक्त कार्यालयांमधून कंत्राटी नियुक्तीच्या फायली पटापट कोण हलवतो, कंत्राटी सल्लागार नेमून कृषी खाते स्वतः असमर्थ असल्याची कबुली देत असल्याचे वाटत नाही काय,’’ असे विविध प्रश्न कर्मचारी उपस्थित करीत आहेत.  

आयुक्तालयातील कंत्राटी पध्दतीने वाटल्या जात असलेल्या ‘खिरापत केंद्राचे’ कामकाज सध्या मृद संधारण विभागातून चालत असल्याचा दावा कर्मचारी करीत आहेत. ‘‘वर्षानुवर्षे बदल्यांचे रॅकेट चालवणारा एक अधिकारी सध्या आयुक्तालय व मंत्रालयातील दुवा बनला आहे. हा अधिकारी कृषी खात्याचा अघोषित ‘सुपर कमिशनर’ असून तो राज्यात कोणाची कुठेही बदली करतो. कंत्राटी पध्दतीने नियुक्ती करण्यात देखील हा अधिकारी पडद्याआड सूत्रे हलवतो,’’ अशी धक्कादायक माहिती सूत्रांनी दिली. 

दरम्यान, वर्षानुवर्षे आयुक्तालयात वेटोळे घालून बसलेल्या अधिकाऱ्यांबाबत राज्याच्या ग्रामीण भागात काम करणाऱ्या कृषी अधिकाऱ्यांमध्ये मात्र नाराजी आहे. ‘‘कृषी खात्यातील सोनेरी टोळी पध्दतशीरपणे आस्थापना विभाग आणि आयुक्तालयाला हाताशी धरते. नवा आयुक्त आला तरी आयुक्तालयातील पदांचे वाटप हीच टोळी करते. त्यामुळे राज्याच्या ग्रामीण भागातील अधिकाऱ्यांना आयुक्तालयात काम करण्याची इच्छा असूनही संधी दिली जात नाही,’’ असे मराठवाड्यातील एका जिल्हा अधीक्षक कृषी अधिकाऱ्याने सांगितले.

कंत्राटी वतनदारांचे पाठीराखे मंत्रालयात
आयुक्तालय व राज्यात इतर मोक्याच्या पदांवर बदल्या आणि नियुक्त्या करण्यात वाकबदार असलेल्या सोनेरी टोळीतील काही अधिकारी पध्दतशीरपणे मंत्रालय तसेच कृषिमंत्र्यांच्या कार्यालयात देखील घुसवले गेले आहेत. यामुळे कृषी आयुक्ताने किंवा कृषी सचिवाने एखाद्या प्रकरणात ठाम भूमिका घेतली तरी उपयोग होते नाही. सोनेरी टोळी गुप्तपणे मंत्रालयातूनच वरिष्ठांचे पंख छाटते. सुनील केंद्रेकर, बिजय कुमार, सच्चिंद्र प्रताप सिंह या सनदी अधिकाऱ्यांना याच दिव्यातून जावे लागले आहे. त्यामुळे खात्यात आल्यानंतर सनदी अधिकाऱ्यांसमोर या टोळीशी जुळवून घेणे, दुर्लक्ष करणे किंवा बदलीची शिक्षा भोगणे, असे तीन पर्याय असतात, असे एका उच्चपदस्थ अधिकाऱ्याने सांगितले.


इतर अॅग्रो विशेष
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...
रिसोर्स बॅंक ः स्तुत्य उपक्रमहवामान बदलाच्या चरम सीमेवर आता आपण आहोत. खरे तर...
कांदा दर नियंत्रणासाठी केंद्र सरकारचा...मुंबई : कांदा दर नियंत्रणासाठी केंद्र सरकारचा...
‘बायोमिक्स’ विक्रीतून कृषी विद्यापीठाला...परभणी ः वसंतराव नाईक मराठवाडा कृषी विद्यापीठातील...
जरासं पहा ना साहेब, पाणीच पाणी वावरात...परभणी ः सदोष बियाण्यांमुळे दुबार, तिबार पेरणी...
परतीचा मॉन्सून राज्यातून चार दिवसांत...पुणे ः परतीच्या पाऊस सुरू असताना बंगालच्या...
कृषी कायद्यांविरोधात पंजाबकडून स्वतंत्र...चंडीगड : केंद्र सरकारने मंजूर केलेल्या तीन...
खारपाणपट्ट्यातील समस्यांवर...दापुरा (ता. जि. अकोला) येथील स्वप्नील व संदीप या...
सुर्डीतील तरुणांनी तेरा पाझर तलावांना...वैराग, जि. सोलापूर ः ‘वॉटर कप’ स्पर्धेत राज्यात...
कापूस विक्रीसाठी नोंदणी थांबविलीजळगाव ः शासकीय केंद्रात कापूस विक्रीसाठी बाजार...
प्रयोगशील दुग्ध व्यवसायातून पुढारले...माळीसागज (जि. औरंगाबाद) गावात कोरडवाहू क्षेत्र...
पाच हजार शेतकऱ्यांची ‘रिसोर्स बॅंक’कऱ्हाड, जि. सातारा ः शेतकऱ्यांवर सातत्याने...
राज्यात तुरळक ठिकाणी पावसाचा दणका पुणे ः राज्यात गेल्या दोन दिवसांपासून कोकणातही...
‘जीआय’प्राप्त शेतकरी ‘वापरकर्ते’ करणारपुणे: राज्यातील पिकांना भौगोलिक निर्देशांक मिळाले...
तीन दिवसांत मदतीबाबत निर्णय: मुख्यमंत्रीसोलापूर ः हवामान विभागाने आणखी दोन-तीन दिवस...
राज्यात पावसासाठी पोषक स्थिती पुणे ः बंगालचा उपसागर व दक्षिण आंध्रप्रदेश...
शेतकऱ्यांना मदतीसाठी कर्जाशिवाय गत्यंतर...तुळजापूर, जि. उस्मानाबाद: स्थानिक लोकांशी...
कोरोनामुळे वाढल्या कृषी व्यापार संधीचीनच्या तुलनेत आपली अर्थव्यवस्था मजबूत करायची...
कृषी ‘समृद्धी’चा मार्गबाळासाहेब ठाकरे मुंबई-नागपूर समृद्धी महामार्गालगत...
अकोले तालुक्यात होतेय डांगी गोवंशाचे...अकोले तालुक्यातील (जि. नगर) डोंगराळ, अति...