Agriculture news in Marathi One and a half thousand quintals of soybean seeds will be available in Parbhani | Page 2 ||| Agrowon

परभणीत सोयाबीनचे दीड हजार क्विंटल बियाणे उपलब्ध होणार

टीम अॅग्रोवन
सोमवार, 26 एप्रिल 2021

सोयाबीनचे बियाणे येत्या खरीप हंगामात पेरणीसाठी उपलब्ध होईल. शेतकऱ्यांनी स्वतःच्या घरच्या बियाण्याची उगवणशक्ती तपासून घेणे अत्यंत महत्त्वाचे आहे, अशी माहिती तालुका कृषी अधिकारी पी. बी. बनसावडे यांनी दिली.

परभणी ः परभणी तालुक्यात यंदा ११० हेक्टरवर उन्हाळी सोयाबीनची पेरणी झाली आहे. त्यापासून १ हजार ५०० क्विंटल बियाणे प्राप्त होऊ शकेल. या शिवाय शेतकऱ्यांनी स्वतःच्या घरचे ३० हजार क्विंटल बियाणे जतन करून ठेवलेले आहे. हे सोयाबीनचे बियाणे येत्या खरीप हंगामात पेरणीसाठी उपलब्ध होईल. शेतकऱ्यांनी स्वतःच्या घरच्या बियाण्याची उगवणशक्ती तपासून घेणे अत्यंत महत्त्वाचे आहे, अशी माहिती तालुका कृषी अधिकारी पी. बी. बनसावडे यांनी दिली.

बनसावडे म्हणाले, की परभणी तालुक्यात यंदाच्या (२०२१) खरीप हंगामात  सोयाबीनच्या क्षेत्रात वाढ होऊन एकूण ४५ हजार हेक्टरवर पेरणी नियोजित आहे. त्यासाठी प्रतिहेक्टरी ७५ किलो या बियाणे दरानुसार ३३ हजार ७५० क्विंटल बियाण्याची गरज आहे. सोयाबीन काढणी ते काढणीपश्‍चात हाताळणी, तसेच घरचे बियाणे जतन करून ठेवण्यासाठी जाणीवजागृती केल्यामुळे तालुक्यातील शेतकऱ्यांनी स्वतःकडील ३० हजार क्विंटल बियाणे जतन करून ठेवले आहे. स्वतःच्या गरजेपेक्षा अधिक बियाणे उपलब्ध असलेल्या शेतकऱ्यांनी कृषी विभागाच्या बीज परीक्षण प्रयोगशाळेत (प्रति नमुना परीक्षण शुल्क ४० रुपये) भरून ४० ते ५० नमुने उगणक्षमता तपासणीसाठी पाठविले आहेत. शेतकऱ्यांनी संबंधित कृषी सहाय्यकांमार्फत बीज परीक्षणासाठी पाठविणे गरजेचे आहे.

दरम्यान, परभणी तालुक्यातील खरीप हंगाम बियाणे नियोजन आढावा शनिवारी (ता. २४) घेण्यात आला. या वेळी आमदार डॉ. राहुल पाटील, पंचायत समिती सभापती भानुदास डुबे, तालुका कृषी अधिकारी पी. बी. बनसावडे, मंडळ कृषी अधिकारी विजय संघई, शिवाजी पवार आदी उपस्थित होते.

जिल्ह्यात सोयाबीन ऐन काढणीच्या हंगामात झालेल्या पावसामुळे सोयाबीन बियाणे भिजले. त्यामुळे उगवणशक्ती कमी येते. या परिस्थितीत शेतकऱ्यांनी स्वतःकडील बियाणे वापरण्यापूर्वी उगवणशक्ती तपासून तसेच बीजप्रक्रिया करून पेरणी करावी. त्यासाठी कृषी विभागाने जनजागृती करावी, अशी सूचना आ. पाटील यांनी या वेळी केली. शेतकऱ्यांनी बियाणे म्हणून साठवून ठेवलेल्या सोयाबीनची विक्री करू नये. योग्य पाऊस झाल्याशिवाय पेरणी करू नये, असे आवाहन या वेळी करण्यात आले.


इतर ताज्या घडामोडी
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...
राष्ट्रीयीकृत बँकांच्या मदतीने...नाशिक : नाशिक जिल्हा बॅंकेच्या माध्यमातून कर्ज...
‘किसानपुत्र आंदोलन’कडून काळ्या...औरंगाबाद : किसानपुत्र आंदोलनाच्या वतीने शुक्रवारी...
द्राक्ष सल्ला : प्रतिकूल ढगाळ हवामानात...यावर्षी मे महिन्याच्या शेवटच्या आठवड्यापासून ढगाळ...
थायलंडचे शेतमजूर अन् मध्यम मार्गावरील...शेती म्हटली की सर्वत्र कमी जास्त प्रमाणात त्याच...
विदर्भात अडीच कोटींचा ‘एचटीबीटी’ साठा...नागपूर : गेल्या हंगामात अनधिकृत कापूस बियाण्याचे...
वैयक्तिक वनदाव्यांचा जलदगतीने निपटारा...नाशिक : जिल्ह्यातील वैयक्तिक वनदाव्यांचा वनसमिती...
कोल्हापुरातील शिवारे जलमयकोल्हापूर : जिल्ह्याला बुधवारी (ता. १६)...
खानदेशात अनेक भागांत पावसाची हजेरीजळगाव ः खानदेशात बुधवारी (ता. १६) अनेक भागांत...
दूध दरवाढीसाठी पुणे जिल्ह्यात निदर्शनेपुणे : लॉकडाउनच्या काळात मागणी घटल्याचे कारण देत...
खतांची जादा दराने विक्री करणाऱ्यांवर...वाशीम : जिल्ह्यातील चार महसूल मंडळांचा अपवाद...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
खतांची कार्यक्षमता वाढविण्यासाठी...माती परीक्षणाच्या आधारावर पिकांना द्यावयाची...
सोयाबीन पिकावरील खोडमाशीचे एकात्मिक...खोडमाशीच्या अळ्या प्रथम पाने पोखरून पानांच्या...
तंत्र तीळ लागवडीचेतीळ पीक आपत्कालीन पीक, आंतरपीक व मिश्र पीक म्हणून...
खानदेशात कांदा दरात सुधारणाजळगाव ः खानदेशात लाल कांद्याच्या दरात गेल्या चार-...
नऊ कृषी सहायकांकडे १०४ गावांची जबाबदारीबुलडाणा ः राज्याचे कृषी सचिव एकनाथ डवले यांच्या...