नगर ः कोरोना संकटाच्या सामन्यासाठी मदत म्हणून नगर जिल्हा सहकारी बॅंकेकडून मुख्यमंत्री सहायता निधीसाठी एक कोटी रुपयाची मदत दिली आहे. मुंबई येथे राज्याचे उपमुख्यमंत्री अजित दादा पवार व महसूल मंत्री बाळासाहेब थोरात यांच्याकडे जिल्हा बॅंकेचे अध्यक्ष उदय शेळके यांनी एक कोटी रुपयाच्या निधीचा धनादेश दिला.
नगर जिल्ह्यासह राज्यात कोरोनाचे गंभीर संकट आहे. अशा काळात सरकारला आर्थिक हातभार लागला पाहिजे या हेतूने नगर जिल्हा बॅंकेने मुख्यमंत्री सहाय्यता निधीला एक कोटी रुपयाचा धनादेश देण्याचा सर्व संचालक मंडळाने सर्वानुमते निर्णय घेतला. त्यानुसार बुधवारी (ता. ५) मुंबईत उपमुख्यमंत्री अजित पवार व महसूल मंत्री बाळासाहेब थोरात यांच्याकडे जिल्हा बॅंकेचे अध्यक्ष उदय शेळके यांनी दिला.
यावेळी बँकेचे उपाध्यक्ष माधवराव कानवडे, संचालक प्रशांत गायकवाड, गणपतराव सांगळे, आमदार आशुतोष काळे, राजेंद्र नागवडे, माजी मंत्री शिवाजीराव कर्डिले, चंद्रशेखर घुले, मुख्य कार्यकारी अधिकारी रावसाहेब वर्पे यांच्यासह पदाधिकारी उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.