agriculture news in marathi, one farmer - one transformer scheme will start soon,nagpur, maharashtra | Agrowon

`एक शेतकरी-एक ट्रान्सफॉर्मर` योजना १५ ऑगस्टपासून सुरू होणार : ऊर्जामंत्री
टीम अॅग्रोवन
बुधवार, 11 जुलै 2018

नागपूर   : एक शेतकरी - एक ट्रान्सफॉर्मर या सुमारे ५००० कोटींच्या एचव्हीडीएस योजनेचे उद्‍घाटन येत्या १५ ऑगस्टला होणार असून, २ लाख २४ हजार शेतकऱ्यांना या योजनेतूनच वीजजोडणी मिळणार असल्याची माहिती ऊर्जामंत्री चंद्रशेखर बावनकुळे यांनी दिली.

नागपूर   : एक शेतकरी - एक ट्रान्सफॉर्मर या सुमारे ५००० कोटींच्या एचव्हीडीएस योजनेचे उद्‍घाटन येत्या १५ ऑगस्टला होणार असून, २ लाख २४ हजार शेतकऱ्यांना या योजनेतूनच वीजजोडणी मिळणार असल्याची माहिती ऊर्जामंत्री चंद्रशेखर बावनकुळे यांनी दिली.

विधानसभेत पुरवणी मागण्यांवरील चर्चेला उत्तर देताना ते बोलत होते. या योजनेतून देण्यात येणाऱ्या कनेक्शनमुळे शेतकऱ्यांना अखंडित आणि पूर्ण दाबाने वीजपुरवठा करता येणार आहे. तसेच वीजचोरीवर या योजनेमुळे आळा बसेल. मुंब्रा, मालेगाव व अकोला येथे वीज वितरणाचे कंत्राट खासगी वितरण कंपनीला देण्यात येणार आहे. कारण या तीनही ठिकाणी ५० टक्के वीज हानी सध्या असून, ती १५ टक्क्यांवर आणण्यासाठी फ्रँचाईजी नेमण्यात येणार असल्याचेही ऊर्जामंत्री बावनकुळे यांनी सांगितले.

चंद्रपूर व नागपूर जिल्ह्यांत ८९ गावांमध्ये एलईडी दिवे व ऊर्जासंवर्धन पथदर्शी प्रकल्पासाठी ५३.२५ कोटींच्या पुरवणी मागण्या विधानसभेत मंजूर करण्यात आल्या. ऊर्जामंत्री चंद्रशेखर बावनकुळे यांनी या मागण्या विधानसभेत मांडल्या. या पथदर्शी प्रकल्पात नागपूर जिल्ह्यातील ३१ गावे आणि चंद्रपूर जिल्ह्यातील ५८ गावांचा समावेश करण्यात आला आहे. हा पथदर्शी प्रकल्प महाऊर्जामार्फत राबविण्यात येणार आहे. या प्रकल्पासाठी अर्थमंत्र्यांच्या अध्यक्षतेखाली २ एप्रिलला  झालेल्या बैठकीत निधीला मान्यता देण्यात आली. त्यानुसार ही पुरवणी मागणी सादर करण्यात आली.

एलईडी दिव्यांचा व ऊर्जासंवर्धनाचा हा प्रकल्प पथदर्शी स्वरूपात दोन जिल्ह्यांत राबविण्यात येणार असून, या योजनेचा फायदा लक्षात घेता संपूर्ण राज्यात हा प्रकल्प राबविण्याचा शासनाचा विचार आहे. या प्रकल्पांतर्गत ८९ गावांमध्ये सीएफएल लाइट, वीज उपकरणे, ऊर्जा कार्यक्षम एलईडी लाइट बदलविण्यात येतील. ८९ गावांमध्ये विशिष्ट ठिकाणी हायमास्ट दिवे बसविण्यात येतील. या गावांमध्ये आवश्यक त्या ठिकाणी भूमिगत वायरिंग करण्यात येईल. या प्रकल्पात ५ वर्षे देखभाल दुरुस्तीचा खर्च अंतर्भूत आहे. ऊर्जा विभागाच्या पुरवणी मागण्यांवर आमदार भास्कर जाधव, सुनील केदार, चरण वाघमारे, डॉ. मुंदडा, छगन भुजबळ आदींनी ऊर्जा विभागाबाबत आपल्या मागण्या सभागृहात मांडल्या.

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...