agriculture news in Marathi one lac farmers register for tur procurement Maharashtra | Agrowon

एक लाख शेतकऱ्यांची तूर विक्रीसाठी नावनोंदणी

टीम अॅग्रोवन
शुक्रवार, 22 जानेवारी 2021

राज्यात या हंगामात उत्पादित तूर खरेदीला काही ठिकाणी बुधवार (ता. २०) पासून सुरुवात झाली आहे. तूर खरेदी सुरू करण्यात विदर्भ मार्केटिंग फेडरेशनने पुढाकार घेतला आहे.

अकोला ः राज्यात या हंगामात उत्पादित तूर खरेदीला काही ठिकाणी बुधवार (ता. २०) पासून सुरुवात झाली आहे. तूर खरेदी सुरू करण्यात विदर्भ मार्केटिंग फेडरेशनने पुढाकार घेतला आहे. यंदा सुमारे साडेतीनशेपेक्षा अधिक खरेदी केंद्रे सुरू करण्याचे नियोजन करण्यात आले आहे. शासनाने यावर्षी ६ हजार रुपये प्रतिक्विंटल हमीभाव जाहीर केलेला असून, सध्या बाजारात या दराच्या बरोबरीने भाव मिळत असल्याने यंदाच्या शासकीय खरेदीला मिळणाऱ्या प्रतिसादाबाबत सुरुवातीपासूनच साशंकता व्यक्त होऊ लागली आहे.

तूर खरेदीच्या दृष्टीने यापूर्वीच नावनोंदणीचे आवाहन करण्यात आले होते. यानुसार बुधवारपर्यंत ९९७५० शेतकऱ्यांनी नोंदणी केली होती.  विदर्भ मार्केटिंग फेडरेशन राज्यातील १४ जिल्ह्यांत ३६ केंद्रांवरून खरेदी करणार आहे. तर पणन विभागाची १८३ केंद्रे राहणार आहेत. याशिवाय शेतकरी उत्पादक कंपन्यांना मोठी संधी देण्यात आली असून, या कंपन्यांमार्फत १३७ ठिकाणी केंद्रे उघडण्याचे नियोजन असल्याचे समजते. शेतकऱ्यांच्या नोंदणीचा आढावा घेतला असताना विदर्भ मार्केटिंग फेडरेशनकडे ३८२६९ शेतकरी, पणन विभागाकडे ५३९९९ आणि शेतकरी कंपन्यांच्या केंद्रावर ७४८६ शेतकऱ्यांची नोंदणी झालेली आहे.

सध्या बाजारपेठांमध्ये चांगल्या दर्जाची तूर सहा हजारांपेक्षा अधिक दराने विकत आहे. अकोला बाजार समितीत गुरुवारी उत्कृष्ट दर्जाच्या तुरीला ६१०० रुपये, तर सरासरी ५८०० रुपयांचा दर मिळाला. तुरीच्या दरात आणखी तेजी येण्याची शक्यता आहे. अशा वेळी शासनाच्या हमीभाव खरेदी केंद्रावर किती माल विक्रीला येईल याबाबत यंत्रणांना शंका आहे. सध्या तूर खरेदीसाठी जे केंद्र सुरू झाले तेथे मोजमापासाठीच तूर आलेली होती. कुठेही गर्दीसारखा प्रकार नसल्याचे सूत्राने सांगितले. सध्या तूर काढणीला वेग येत आहे. पुढील महिन्यात तूर विक्रीसाठी अधिक प्रमाणात उपलब्ध होऊ शकणार आहे. तेव्हा या खरेदी केंद्रांना अधिक प्रतिसादाची अपेक्षा वर्तविण्यात येत आहे.
 


इतर बातम्या
पुणे जिल्ह्यात अवकाळीचा १०८ हेक्टरवरील...पुणे : पुणे जिल्ह्यात १८ आणि १९ फेब्रुवारीला खेड...
खानदेशात कांदा काढणी लवकरच सुरू होणार जळगाव : खानदेशात कांद्याची लागवड सुमारे १८ हजार...
कोरोनामुळे अंतिम टप्प्यातील ऊस हंगाम...कोल्हापूर : राज्यातील गळीत हंगाम अंतिम टप्प्यात...
सातबारा, आठ ‘अ’च्या अधिकारासह पंतप्रधान...नाशिक : केंद्र तसेच राज्य शासनाच्या विविध...
क्षारपड जमिनी सुधारण्यासाठी सातारा...सातारा : जिल्ह्यातील नदीकाठी क्षारपड जमिनी...
बेदाणा निर्यात अनुदान बंदचा उत्पादकांना...सांगली ः गतवर्षी देशातून बेदाण्याची सुमारे ३०...
कृषी सहायकांची बैठक व्यवस्था योजना...नागपूर ः गावपातळीवर ग्रामविस्ताराला चालना मिळावी...
डिझेल दरवाढीने पीक काढणीचे दर वाढलेअकोलाः गेल्या काही दिवसांत डिझेलचे दर सातत्याने...
‘माफसू’तील प्राध्यापकांना सातवा वेतन...नागपूर : महाराष्ट्र पशू व मत्स्य विज्ञान...
सर्वोच्च न्यायालयातील सुनावणीपूर्वी ...मुंबई : ‘‘मराठा आरक्षणाचा लढा हा आता अंतिम...
शेतमाल बाजारपेठेसाठी सरकारचे विशेष...मुंबई : ‘विकेल ते पिकेल’ या अभियानामध्ये पीक,...
विठ्ठलराव शिंदे कारखान्याच्या...सोलापूर ः पिंपळनेर (ता. माढा) येथील विठ्ठलराव...
महावितरणचे राज्यात आता 'कृषी ऊर्जा...सोलापूर ः राज्य शासनाने कृषिपंप वीजजोडणी धोरण-...
...त्यानंतर वैधानिक मंडळे घोषित करू : ...मुंबई : ‘‘ज्या दिवशी राज्यपाल नियुक्त बारा...
मानोलीत रब्‍बी ज्‍वारीची पीक प्रात्‍...परभणी ः ‘‘आहारात ज्‍वारीच्‍या भाकरीस पोषणाच्‍या...
शेळ्या-मेंढ्यांना आधुनिक औषधोपचाराची...अकोला ः भारतातील बहुसंख्य अल्पभूधारक व भूमिहीन...
रानवाडी प्रकल्पाचा वनवास केव्हा संपणार?जलालखेडा, जि. नागपूर : नरखेड तालुक्यामधील पंचायत...
उन्हाळ्यासाठी चारवेळा मिळणार ‘इसापूर’चे...नांदेड : जिल्ह्याला वरदान ठरलेला ऊर्ध्व पैनगंगा...
भातगाव येथे आंबा, काजूची बाग होरपळलीगुहागर, जि. रत्नागिरी : तालुक्यातील भातगाव येथे...
गारपीटीने कांदा पातींसह स्वप्नेही तुटली...नाशिक : अतिवृष्टीमुळे रब्बी हंगामात अनेक कारणांनी...