agriculture news in marathi, one lack hector crops damages due to rain, pune, maharashtra | Page 2 ||| Agrowon

पावसामुळे पुणे विभागात सव्वालाखावर हेक्टरवरील पिकांचे नुकसान

टीम अॅग्रोवन
सोमवार, 4 नोव्हेंबर 2019

पुणे  : गेल्या आठ दिवसांत झालेल्या मॉन्सूनोत्तर पावसामुळे पुणे विभागातील सुमारे एक लाख ३६ हजार १४८ हेक्टर क्षेत्रावरील पिकांचे नुकसान झाले आहे. नुकसानीचे पंचनामे वेगाने करण्याचे आदेश दिले असून येत्या पाच दिवसांत पंचनाम्याचे काम पूर्ण होईल आणि शेतकऱ्यांना तातडीने मदत केली जाईल, अशी माहिती विभागीय आयुक्त डॉ. दीपक म्हैसेकर यांनी दिली.

पुणे  : गेल्या आठ दिवसांत झालेल्या मॉन्सूनोत्तर पावसामुळे पुणे विभागातील सुमारे एक लाख ३६ हजार १४८ हेक्टर क्षेत्रावरील पिकांचे नुकसान झाले आहे. नुकसानीचे पंचनामे वेगाने करण्याचे आदेश दिले असून येत्या पाच दिवसांत पंचनाम्याचे काम पूर्ण होईल आणि शेतकऱ्यांना तातडीने मदत केली जाईल, अशी माहिती विभागीय आयुक्त डॉ. दीपक म्हैसेकर यांनी दिली.

पुणे विभागात झालेल्या पिकांच्या नुकसानीसंदर्भात रविवारी येथील विभागीय आयुक्तलयात आयोजित पत्रकार परिषदेत डॉ. म्हैसेकर यांनी ही माहिती दिली. ते म्हणाले, की गेले दोन दिवस सोलापूर व सांगली जिल्ह्याचा दौरा केला. नुकसान झालेल्या पिकांची पाहणी केली. विभागातील सांगली जिल्ह्यात ६५ हजार २६७, सोलापूर जिल्ह्यात ३६ हजार ३४५, पुणे जिल्ह्यात २१ हजार ६८०, सातारा जिल्ह्यात ११ हजार ८००  व कोल्हापूर जिल्ह्यात एक हजार ५५ हेक्टरवरील पिकांचे नुकसान झाले आहे. या जिल्ह्यांमध्ये प्रामुख्याने सोयाबीन, भात, ज्वारी, द्राक्ष बागांचे मोठ्या प्रमाणात नुकसान झाले आहे.

विभागातील ५१ तालुके बाधित
पुणे विभागात एकूण ५१ तालुके बाधित असून, एक लाख ३६ हजार १४८ हेक्टर क्षेत्रावरील पिकांचे नुकसान झाल्याचा प्राथमिक अंदाज आहे. सांगली, सोलापूर व सातारा जिल्ह्यांतील काही भागांतील गावांना भेटी देत आपण पाहणी केली असून, या सर्व भागांमध्ये पंचनामे करण्याचे काम सुरू असून, पुन्हा पाऊस आला नाही तर हे पंचनामे येत्या ५ नोव्हेंबरपर्यंत पूर्ण होतील. हे पंचनामे करीत असताना जिओ टॅगिंग फोटो काढण्याच्या सूचना दिल्या आहेत. तलाठी, ग्रामसेवक व कृषी सहायकांच्या माध्यमातून पंचनामे करण्यात येत आहेत. किती क्षेत्र बाधित झाले आहे, याबाबत माहिती घेण्याची प्रक्रिया सुरू करण्यात आली आहे. ज्या पिकाचा विमा काढलेला आहे, त्याबाबतही आम्ही वेगळी माहिती घेऊन त्या शेतकऱ्यांचे पंचनामे करून घेत असल्याचे डॉ. म्हैसेकर यांनी सांगितले.

मुख्यमंत्री देवेंद्र फडणवीस यांनी जाहीर केल्याप्रमाणे कोणताही शेतकरी मदतीपासून वंचित राहणार नाही. शेतकऱ्याला विमा कंपनी किंवा शासनाकडून मदत केली जाणार आहे. याकरिता सर्व विमा कंपन्यांचे प्रतिनिधी, जिल्हाधिकारी, कृषी विभागाचे अधिकारी यांची बैठक घेतली आहे. पुणे विभागात रविवार अखेर सरासरी १३७.२४ टक्के पाऊस झाला असून, सर्वाधिक १८२.५ टक्के पाऊस सांगली जिल्ह्यात झाला आहे. पुणे जिल्ह्यात १५८.५, सातारा जिल्ह्यात १७०.८६, सोलापूर जिल्ह्यात ९१.७५, तर कोल्हापूर जिल्ह्यात १२०.२४ टक्के पाऊस झाला आहे.

पावसामुळे झालेले नुकसानीचे क्षेत्र कमी दिसत असले तरी गेल्या महिन्यात झालेल्या सांगली, कोल्हापूर, सातारा भागात झालेल्या पावसामुळे सुमारे एक लाख ८९ हजार १४८ हेक्टरचे नुकसान झाले आहे. त्यामुळे विभागात एकूण दोन महिन्यांत झालेल्या नुकसानीचे क्षेत्र हे मोठे आहे. विभागात ३३ हजार १८० हेक्टरवरील ज्वारी पिकाचे नुकसान झाले आहे. त्यापाठोपाठ भात, बाजरी, मका, भूईमूग, सोयाबीन, तूर, भाजीपाला, फळांचे मोठे नुकसान झाले आहे, असे डॉ. म्हैसेकर यांनी सांगितले.


इतर अॅग्रो विशेष
हवामानबदलाशी लढण्यासाठी एक हजार कोटी...पुणे ः जागतिक हवामानबदलाची समस्या संपूर्ण जगासमोर...
राज्यात उन्हाच्या झळा वाढल्यापुणे : राज्यात कमाल तापमानात मोठी वाढ झाल्याने...
कापसाचे ६४७ कोटींचे चुकारे थकीतअमरावती ः बाजारात दर कोसळल्याने महाराष्ट्र राज्य...
‘पणन’ची कापूस खरेदी उच्चांकी दिशेनेऔरंगाबाद : महाराष्ट्र राज्य कापूस उत्पादक पणन...
शिवजयंतीनिमित्त मिरवणुकीत ८५ स्वराज्यरथ...पुणे : ‘‘पुण्यात शिवजयंती महोत्सव समितीतर्फे आज...
सेवानिवृत्त पोलिस उपअधीक्षकाची...औरंगाबाद शहरापासून सुमारे बारा किलोमीटरवर...
कापूस उद्योगाचे चीनमध्ये पाच हजार कोटी...जळगाव ः देशातील सूत व कापूस गाठींचा मोठा खरेदीदार...
हमीदराने खरेदीसाठी तुरीचे संपूर्ण...वाशीम ः तुरीचे स्वतंत्रपणे पीक घेण्याची पद्धत...
पंधरा लाख कापूस गाठींची खानदेशातील...जळगाव ः कापसाची खेडा खरेदी मागील आठवड्यात...
शेतीमाल निर्यातवाढीसाठी सुकाणू समितीची...पुणे : राज्य सरकारने स्वतंत्र कृषी निर्यात धोरण...
बियाणे परवान्यासाठी केंद्रीय पद्धती...नवी दिल्ली: केंद्र सरकार सुधारित बियाणे विधेयक...
शिवनेरीवर उद्या शिवजयंती सोहळापुणे: छत्रपती श्री शिवाजी महाराज यांच्या ३९० व्या...
चीनला होणाऱ्या कोळंबी निर्यातीला फटकानवी दिल्ली: चीनमध्ये कोरोना विषाणूने थैमान...
कापूस, मक्यावरील अळी नियंत्रणाचे काम...अकोला ः नवीन तंत्रज्ञानाचा वापर करून कापूस,...
किमान तापमानात वाढ होण्याचा अंदाजपुणे : राज्यात कमाल व किमान तापमानात सातत्याने...
'सोया’ पदार्थांना मिळवली ग्राहकांकडून...अमरावती जिल्ह्यातील दुर्गम अंजनसिंगी (ता. धामणगाव...
दर्जेदार फरसबीचे वर्षभर उत्पादनकमी कालावधीतील पिके वर्षभर टप्प्याटप्प्याने...
‘कीडनाशके कायदा’ हवा स्पष्ट शेतकऱ्यांना बनावट कीडनाशके विक्रेत्यांपासून...
राष्ट्रीय मुद्द्यांचा भाजपपुढे गुंतादिल्ली विधानसभा निवडणुकीच्या निकालांच्या...
‘कोरोना’च्या अफवेमुळे पोल्‍ट्री...पुणे ः चीनमधील कोरोना विषाणूने जगभरात भीतीचे...