agriculture news in marathi One lakh hectare crop loss in Nanded district | Agrowon

नांदेड जिल्ह्यात एक लाख हेक्टर पिकांचे नुकसान

टीम अॅग्रोवन
रविवार, 18 ऑक्टोबर 2020

नांदेड : ऑक्टोबर महिन्यात सलग आठ दिवस झालेल्या परतीच्या पावसामुळे जिल्ह्यातील एक लाख दहा हजार हेक्टर क्षेत्रातील पिकांचे नुकसान झाल्याचा प्राथमिक नजर अंदाज आहे.

नांदेड : ऑक्टोबर महिन्यात सलग आठ दिवस झालेल्या परतीच्या पावसामुळे जिल्ह्यातील एक लाख दहा हजार हेक्टर क्षेत्रातील पिकांचे नुकसान झाल्याचा प्राथमिक नजर अंदाज आहे. जिल्हा प्रशासनाने शुक्रवारी (ता. १६) मुख्यमंत्री उद्धव ठाकरे यांच्या समवेत झालेल्या दूरचित्रवाणी संदेश प्रणालीव्दारे (व्हीसी) माहिती दिल्याचे सूत्रांनी सांगितले.

जिल्ह्यात एक जून ते ३० सप्टेंबर या कालावधीत अतिवृष्टी, पुरामुळे सोळा तालुक्यातील पाच लाख ६३ हजार ७२ शेतकऱ्यांना फटका बसला होता. यात तीन लाख ६१ हजार १२८ हेक्टरवरील खरीप पिकांचे नुकसान झाले. यात सोयाबीन, उडीद, मूग, कापूस, ज्वारी या हंगामी पिकांसह बागायती व फळपिकांचे ३३ टक्क्यांपेक्षा अधिक नुकसान झाले. त्यामुळे शेतकऱ्यांसाठी लागणाऱ्या ‘एनडीआरएफ’च्या निकषांनुसार २४६ कोटी ३७ लाख २९ हजार २५६ रुपयांची मागणी जिल्हाधिकारी डॉ. विपिन यांनी विभागीय आयुक्तांच्या माध्यमातून शासनाकडे केली. 

दरम्यान, ऑक्टोबरमध्येही सतत आठ दिवस झालेल्या परतीच्या पावसामुळे उभे तसेच कापणी केलेले सोयाबीन, वेचणीसाठी आलेला कापूस, ज्वारी व तुरीचे मोठ्या प्रमाणात नुकसान झाले. याबाबत मुख्यमंत्री उद्धव ठाकरे यांनी व्हीसीच्या माध्यमातून शुक्रवारी सर्व जिल्ह्यातील आढावा घेतला.

जिल्हाधिकारी डॉ. विपिन, जिल्हा परिषदेच्या मुख्यकार्यकारी अधिकारी वर्षा ठाकूर, जिल्हा अधीक्षक कृषी अधिकारी रविशंकर चलवदे उपस्थित होते. त्यांनी जिल्ह्यातील नुकसानीचा प्राथमिक नजर अंदाज शासनाला कळविला. ऑक्टोबरनंतर जिल्ह्यातील नुकसानीचे चित्र स्पष्ट होइल, अशी माहिती यावेळी सूत्रांनी दिली.


इतर ताज्या घडामोडी
चढ्या दराने कांदा बियाणे विक्री पडली...नाशिक : सध्या कांद्याच्या बियाण्यांचा मोठ्या...
केंद्राकडून सरकारी कर्मचाऱ्यांना ‘बोनस’...नवी दिल्ली : कोरोनासंकटामुळे महागाई भत्ता...
कृषी क्षेत्रात ‘पंदेकृवि’ची भरीव...अकोला ः कृषी विद्यापीठाने कृषी क्रांतीचे प्रणेते...
शासन शेतकऱ्यांच्या पाठीशी ः मुख्यमंत्री...उस्मानाबाद : खचून जाऊ नका, धीर धरा, शासन पूर्ण...
सरकारची शेतकऱ्यांना कोरडी आश्‍वासने :...जिंतूर, जि. परभणी, हिंगोली ः अतिवृष्टीमुळे...
एकनाथ खडसे उद्या ‘राष्ट्रवादी’तमुंबई : भाजपचे नाराज नेते एकनाथ खडसे यांच्या...
नगर जिल्ह्यात पिकांचे ६३ हजार हेक्टरवर...नगरः सप्टेंबर महिन्यातील सलगच्या २० दिवसांच्या...
शेतकऱ्यांना दिलेल्या आश्वासनाची पुर्तता...नांदेड : ‘‘शेतकऱ्यांना हेक्टरी २५ हजार रुपये...
सातारा जिल्ह्यात साडेपाच हजार हेक्टर...सातारा : अतिवृष्टीमुळे जिल्ह्यातील...
वर्धा जिल्ह्यात यंदा ६४ टक्के पीक...वर्धा  :  कर्जमाफी आणि शासनाच्या...
कासोळा फाट्यावर ‘स्वाभिमानी’चा रास्ता...यवतमाळ :  शेतकऱ्यांच्या विविध...
सांगली जिल्ह्यात द्राक्ष बागांची छाटणी...सांगली : जिल्ह्यात गेल्या आठवड्यात अतिवृष्टीमुळे...
रत्नागिरीत सप्टेंबरमध्ये ३४ हेक्टर...रत्नागिरी ः मुसळधार पावसामुळे जिल्ह्यात...
जळगाव जिल्ह्यात मुबलक पाणीजळगाव :  जळगाव जिल्ह्यातील मोठ्या व...
इगतपुरी तालुक्यात पावसामुळे २८५२...नाशिक : जिल्ह्यात झालेल्या परतीच्या...
चिखलीतील रस्त्याच्या दुरुस्तीसाठी ‘रयत’...बुलडाणा : चिखली तालुक्यातील पळसखेडा जयंती फाटा ते...
नांदेड जिल्ह्यात ओल्या दुष्काळासाठी...नांदेड : जिल्ह्यात अतिवृष्टीमुळे खरिपासह बागायती...
कांदा बीजोत्पादनाच्या शास्त्रीय पद्धती बिजोत्पादन करताना जातीची शुद्धता, मानक प्रमाण आणि...
सरकारने नाकर्तेपणा दाखवू नये : दरकेर सोलापूर ः राज्य सरकार पंचनाम्याशिवाय मदत...
द्राक्ष पीक : पावसामुळे उद्भवलेल्या...सध्याच्या परिस्थितीचा विचार करता, सर्व द्राक्ष...