अमरावती ः महात्मा जोतिराव फुले शेतकरी कर्जमुक्‍ती योजनेचा लाभ न मिळालेल्या शेतकऱ्यांचे व्याज राज्य शासन भरणार आहे. खरिपासाठी कर्ज मिळावे याकरिता हा निर्णय घेण्यात आला असून जिल्ह्यातील सुमारे १ लाख ३२ हजार शेतकऱ्यांना याचा लाभ होणार आहे.
जिल्ह्यातील एकही शेतकरी कर्जमाफीपासून वंचित राहू नये, याकरिता महिला व बालविकास मंत्री तसेच पालकमंत्री यशोमती ठाकूर यांनी मुख्यमंत्री उद्धव ठाकरे यांच्यासह संबंधित मंत्र्यांकडे पाठपुरावा केला होता. त्यानुसार शेतकऱ्यांना कर्ज उपलब्ध करुन देण्यासाठी कर्जमाफीपात्र शेतकऱ्यांचे व्याज शासनस्तरावरुन भरण्याचा निर्णय घेण्यात आला आहे.
अमरावती जिल्ह्यातील १ लाख ३२ हजार खात्यांची यादी या संदर्भाने अपलोड करण्यात आली असून लवकरच याबाबत पुढील कार्यवाही होईल, अशी माहिती जिल्हा उपनिबंधक संदीप जाधव यांनी दिली. जिल्हा बॅंकेतील प्रसिद्ध झालेल्या यादीनुसार ज्या लाभार्थ्यांना त्यांच्या कर्ज खात्यावर अद्याप योजनेचा लाभ मिळालेला नाही, त्यांना थकबाकीदार न कानता पीककर्ज देण्याची तरतूद करण्यात आली आहे. त्याचप्रमाणे संबंधित बॅंकांनी सदर खातेदाराची थकबाकी ही शासनाकडून येणे दर्शवावे व त्याला कर्ज द्यावे, असे स्पष्ट निर्देश आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.