नाशिक : नाशिक कृषी उत्पन्न बाजार समितीमध्ये चालू सप्ताहात उन्हाळ कांद्याची आवक ९६७५ क्विंटल झाली. बाजारभाव २००० ते ३५०० प्रतिक्विंटल होते. परपेठेत मागणी वाढल्याने बाजारभाव वाढल्याचे दिसून आले. मात्र, मागील सप्ताहाच्या तुलनेत आवकेत घट झाली, अशी माहिती बाजार समितीच्या सूत्रांकडून देण्यात आली.
सप्ताहात वालपापडी घेवड्याची आवक ५३३९ क्विंटल झाली. वालपापडीला प्रतिक्विंटल १५०० ते २५०० दर मिळाला. तर घेवड्याला ५५०० ते ७००० प्रतिक्विंटल दर मिळाला. घेवड्याच्या दरात वाढ झाली आहे. या सप्ताहात वालपापडी घेवड्याची आवक कमी झाल्याने मागणी वाढल्याने बाजारभावात वाढ झाली. हिरव्या मिरचीची आवक ११०१ क्विंटल झाली. परपेठेत मागणी वाढल्याने बाजारभावात वाढ झाली.
लवंगी मिरचीला २००० ते ३०००, तर ज्वाला मिरचीला १२०० ते २००० प्रतिक्विंटल दर मिळाला. परपेठेत मागणी वाढल्याने मिरचीच्या बाजारभावात वाढ झाली. वाटाण्याची आवक ७६९ क्विंटल झाली. वाटण्याची आवक घटली असून, बाजारभावात वाढ झाली. त्यास ६५०० ते १०००० प्रतिक्विंटल दर मिळाला. बटाट्याची आवक ७३९३ क्विंटल झाली. बाजारभाव ८५० ते १२०० प्रतिक्विंटल होते.
लसणाची आवक १५८ क्विंटल झाली. त्यास प्रतिक्विंटल ५००० ते १५००० रुपये प्रतिक्विंटल दर मिळाला. आद्रकची आवक १८० क्विंटल झाली. त्यास १४५०० ते १७००० प्रतिक्विंटल दर मिळाला. चालू सप्ताहात काही फळभाज्यांची आवक कमी जास्त झाल्याने बाजारभावातसुद्धा चढउतार दिसून आली. फळभाज्यांमध्ये टोमॅटोला १०० ते ३००, वांगी २०० ते ५००, फ्लॉवर १३५ ते ३१० असे प्रति १४ किलोस दर मिळाले. तर कोबी ११० ते २०० असा प्रति २० किलोस दर मिळाला.
ढोबळी मिरची १६० ते ३०० असे प्रति ९ किलोस दर मिळाला. भोपळा ७० ते १५०, कारले १०५ ते २५०, गिलके १७५ ते ३००, भेंडी १८० ते ३०० असे प्रति १२ किलोस दर मिळाले. तर काकडीला १०० ते ३००, लिंबू ४०० ते ९००, दोडका १२५ ते ३०० असे प्रति २० किलोस दर मिळाले.
पालेभाज्यांमध्ये कोथिंबीर ६०० ते ३५००, मेथी ८०० ते २३००, शेपू ११०० ते ३०००, कांदापात ११०० ते २१००, पालक २१० ते ३५०, पुदिना ९० ते २०० असे प्रति १०० जुड्यांना दर मिळाले.
फळांमध्ये चालू सप्ताहात डाळिंबाची आवक ७५२३ क्विंटल झाली. आवक कमी झाली असून, परपेठेत मागणी वाढल्याचे दिसून आले. त्यासाठी आवकेच्या तुलनेत वाढ झाली असून, बाजारभाव किंचित वाढलेले दिसून आले. आरक्ता वाणास प्रतिक्विंटल ४५० ते ४५०० व मृदुला वाणास ५०० ते ८५०० प्रतिक्विंटल दर मिळाला. केळीची आवक ६०५ क्विंटल झाली. बाजारभाव ५०० ते ११०० प्रतिक्विंटल मिळाला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.