औरंगाबाद : येथील कृषी उत्पन्न बाजार समितीमध्ये शनिवारी (ता.२६) कांद्याची ५५२ क्विंटल आवक झाली. या कांद्याला २०० ते ३२०० रुपये प्रति क्विंटलचा दर मिळाला, अशी माहिती बाजार समितीच्या वतीने देण्यात आली.
औरंगाबाद बाजार समितीमध्ये शनिवारी हिरव्या मिरचीची ६७ क्विंटल आवक झाली. तिला २००० ते ३५०० रुपये प्रति क्विंटल असा दर मिळाला. फ्लॉवरची आवक ३१ क्विंटल, तर दर २५०० ते ३००० रुपये प्रतिक्विंटल राहिले. ११६ क्विंटल आवक झालेल्या टोमॅटोला १००० ते २२०० रुपये प्रतिक्विंटल असा दर मिळाला. १४ क्विंटल आवक झालेल्या वांग्यांचे दर ६०० ते २००० रुपये प्रतिक्विंटल राहिले. गवारची आवक ५ क्विंटल, तर दर १५०० ते ४००० रुपये प्रतिक्विंटल राहिले. १९ क्विंटल आवक झालेल्या काकडीला ८०० ते १२०० रुपये दर मिळाला. भेंडीची आवक ३६ क्विंटल, तर दर १२०० ते २००० रुपये प्रतिक्विंटल राहिले.
कोबीची आवक ६३ क्विंटल, तर दर ५०० ते ९०० रुपये प्रतिक्विंटल राहिले. ३० क्विंटल आवक झालेल्या लिंबांना १००० ते १८०० रुपये प्रतिक्विंटल दर मिळाला. शेवग्याची आवक २० क्विंटल, तर दर ३००० ते ५००० रुपये प्रतिक्विंटल राहिले. ३० क्विंटल आवक झालेल्या पपईला ८०० ते १२०० रुपये दर मिळाला. दुधी भोपळ्याची आवक १२ क्विंटल, तर दर ६०० ते ८०० रुपये राहिला. १६ क्विंटल आवक झालेल्या ढोबळ्या मिरचीला २००० ते ३५०० रुपये प्रतिक्विंटल दर मिळाला. कारल्याची आवक २० क्विंटल, तर दर २२०० ते ३००० रुपये राहिले. ३४ क्विंटल आवक झालेल्या मक्याला १००० ते १२०० रुपये दर मिळाला.
मोसंबीची आवक ५२ क्विंटल, तर दर १५०० ते ३००० रुपये प्रति क्विंटल राहिले. ६१ क्विंटल आवक झालेल्या डाळिंबाला १००० ते ५००० रुपये दर मिळाला. पेरूची आवक १६ क्विंटल, तर दर १२०० ते २००० रुपये प्रतिक्विंटल राहिले. २२ क्विंटल आवक झालेल्या संत्र्यांचे दर १५०० ते २००० रुपये प्रतिक्विंटल राहिले. १५ क्विंटल आवक झालेल्या डांगरला ४०० ते ६०० रुपये दर मिळाला. सीताफळांची आवक ३७ क्विंटल, तर दर २००० ते ३५०० रुपये राहिले.
भुईमूग शेंगांना २५०० ते ३५०० रूपये
भुईमूग शेंगांची आवक ५५ क्विंटल झाली. त्यांना २५०० ते ३५०० रुपये प्रतिक्विंटल दर मिळाला. बटाट्याची आवक ८०० क्विंटल, तर २३०० ते २७०० रुपये प्रति क्विंटल राहिले. १२२०० जुड्यांची आवक झालेल्या मेथीला ४०० ते ६०० रुपये प्रति शेकडा दर मिळाला. पालकाची आवक ११००० जुड्या, तर दर २०० ते २५० रुपये प्रतिशेकडा राहिले. कोथंबीरची आवक १३५०० जुड्या, तर दर ३०० ते ४०० रुपये प्रतिशेकडा राहिले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.