Agriculture news in marathi Onion cultivation in Khandesh on 14000 hectares | Agrowon

खानदेशात कांदा लागवड १४ हजार हेक्‍टरवर

टीम अॅग्रोवन
शुक्रवार, 21 फेब्रुवारी 2020

जळगाव  ः खानदेशात रब्बी हंगामातील कांदा लागवड जवळपास पूर्ण झाली आहे. लागवड सुमारे १४ हजार हेक्‍टरवर झाली आहे. कांदा लागवडीची मजुरी यंदा महागली असून, एकरी सात हजार रुपयांपर्यंतचा खर्च येत आहे. परंतु टिकून राहिलेले दर व मुबलक जलसाठे यामुळे सर्वत्र कांदा लागवड झाली आहे. 

जळगाव  ः खानदेशात रब्बी हंगामातील कांदा लागवड जवळपास पूर्ण झाली आहे. लागवड सुमारे १४ हजार हेक्‍टरवर झाली आहे. कांदा लागवडीची मजुरी यंदा महागली असून, एकरी सात हजार रुपयांपर्यंतचा खर्च येत आहे. परंतु टिकून राहिलेले दर व मुबलक जलसाठे यामुळे सर्वत्र कांदा लागवड झाली आहे. 

जळगाव जिल्ह्यात चाळीसगाव तालुक्‍यात सुमारे साडेचार हजार हेक्‍टरवर लागवड झाली आहे. चाळीसगावात मागील हंगामात फक्त १२०० हेक्‍टरवर लागवड झाली होती. तर यावल, चोपडा, रावेर, मुक्ताईनगर, जामनेर, पाचोरा भागात लागवड बऱ्यापैकी झाली आहे. धुळे जिल्ह्यात सुमारे चार हजार हेक्‍टरवर लागवड झाली आहे. तर नंदुरबार जिल्ह्यातही सुमारे दोन हजार हेक्‍टरवर कांदा लागवड झाली आहे. धुळ्यात धुळे, शिरपूर, साक्री व शिंदखेडा या चारही तालुक्‍यांमध्ये कांदा लागवड वाढली आहे. तर नंदुरबारमध्ये शहादा, तळोदा, नवापूर, अक्कलकुवा भागात कांदा लागवड अधिक झाल्याचे सांगण्यात आले. 

कांदा लागवड यंदा वाढेल, असा अंदाज यापूर्वीच कृषी यंत्रणांनी व्यक्त केला होता. कांद्याचे दर टिकून असल्याने अनेक शेतकरी कांदा लागवडीकडे वळले आहेत. लागवड डिसेंबरपासून सुरू झाली. ही लागवड जानेवारी अखेरपर्यंत सुरू होती. कांदा लागवडीसाठी अनेक शेतकऱ्यांनी रोपवाटिका तयार केल्या होत्या. तर काही शेतकऱ्यांनी कांदा रोपे खरेदी करून लागवड करणे पसंत केले आहे. रोपवाटिकांचे दरही यंदा अधिक राहिले असून, एका अडीच फूट बाय ३० फुटांच्या वाफ्यातील रोपांचे दर तीन हजार रुपयांपर्यंत होते. एका वाफ्यात अर्धा एकरात कांदा लागवड करणे शक्‍य झाले. 

लागवडीसाठी विविध गावांमध्ये महिला मजुरांचे गट असून, या मजुरांकरवी लागवड शेतकऱ्यांनी उरकली. जळगाव जिल्ह्यातील यावल, चोपडा, जळगाव, धुळ्यातील शिरपूर, धुळे तालुक्‍यातील अनेक गावांमध्ये महिला मजुरांचे गट असून, त्यांची मदत शेतकरी लागवडीसाठी घेतात. एकरी सात हजार रुपये लागवडीनंतर लागलीच दिले जातात. तसेच त्यांना शेतापर्यंत आणण्यासाठीचा वाहतूक खर्चही शेतकऱ्यांना द्यावा लागला. तर मध्यंतरी कांदा रोपांवर करपा रोगही विषम वातावरणामुळे आला होता. त्याचा फटकाही बसला. यामुळे शेतकऱ्यांचा उत्पादन खर्च वाढला असून, पुढे दर टिकून राहावेत किंवा किमान दोन हजार रुपये प्रतिक्विंटलचा दर मिळावा, अशी अपेक्षा शेतकरी व्यक्त करीत आहेत. 


इतर ताज्या घडामोडी
सोयाबीन बियाणे निर्बंध मध्य प्रदेशकडून...पुणे ः परराज्यांत सोयाबीन बियाणे विक्रीवर निर्बंध...
‘महाबीज’चे सोयाबीन बियाणे दर ‘जैसे थे’अकोला : खरीप हंगामासाठी ‘महाबीज’ने सोयाबीन...
देशाच्या तुलनेत निम्मी साखर एकट्या...कोल्हापूर : देशाच्या साखरनिर्यात कोट्यापैकी जवळ...
‘गोकुळ’चा कल सत्तांतराकडेकोल्हापूर : अत्यंत चुरशीने झालेल्या कोल्हापूर...
‘सह्याद्री’च्या पर्वतरांगेमधून...नाशिक : सह्याद्रीच्या पर्वतरांगेत पश्‍चिम घाट...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोशल मीडियाद्वारे ६५ टन कलिंगड विक्रीपुणे : कोरोनामुळे सलग दुसऱ्या वर्षी एप्रिल...
मध्य प्रदेश सरकारकडून बियाणे विक्रीवर...पुणे ः सोयाबीन बीजोत्पादनात देशात सर्वात मोठा...
पशुखाद्य निर्मितीचा कच्चा माल दुपटीने...सांगली : पशुखाद्य तयार करण्यासाठी लागणाऱ्या...
दक्षिण भागात गारपिटीची शक्यतापुणे :  गेल्या काही दिवसांपासून उन्हाचा चटका...
परभणी जिल्ह्यात कडक निर्बंध लागूपरभणी ः  कोरोनाचा प्रसार रोखण्यासाठी...
परभणी जिल्ह्यात लघु तलावांत सरासरी १९...परभणी ः वाढते तापमान, बाष्पीभवनाचा वाढलेला वेग,...
नाशिक जिल्ह्यात बाजार समित्यांमध्ये...नाशिक : पणन विभागाच्या परिपत्रकात सलग ३...
नाशिक : 'ऑक्सिजन एक्स्प्रेस'द्वारे २७....नाशिक : ‘‘जिल्ह्यातील प्राणवायूची तूट भरून...
सांगलीत केळीच्या क्षेत्रात घट होण्याची...सांगली ः जिल्ह्यात गेल्या दोन वर्षात झालेल्या...
रत्नागिरीत ३७ टन काजू बी तारणरत्नागिरी ः काजूचे बाजारातील दर घसरल्यानंतर...
आदिवासी विकास मंडळ करणार गव्हाची खरेदीयवतमाळ : आदिवासी विकास महामंडळाकडून राज्यात...
परभणीत सोयाबीनचे दीड हजार क्विंटल...परभणी ः परभणी तालुक्यात यंदा ११० हेक्टरवर उन्हाळी...
भुईमुगाचे वाण निकृष्ट, कंपन्यांवर...यवतमाळ : जिल्ह्यात भुईमुगाच्या शेंगा न धरण्याचे...
नगरमध्ये महावितरणच्या पायाभूत सुविधांचे...नगर : कृषिपंप वीज धोरण २०२०च्या अंमलबजावणीमुळे...