Agriculture news in Marathi Onion cultivation in Khandesh will be affected | Agrowon

खानदेशात कांदा लागवडीवर परिणाम होणार

टीम अॅग्रोवन
मंगळवार, 27 ऑक्टोबर 2020

खानदेशात उन्हाळ किंवा रब्बी हंगामातील कांदा लागवडीवर महागडे बियाणे व इतर कारणांमुळे परिणाम होईल, अशी स्थिती आहे. लागवड धुळ्यासह जळगाव जिल्ह्यात कमी होऊ शकते.

जळगाव ः खानदेशात उन्हाळ किंवा रब्बी हंगामातील कांदा लागवडीवर महागडे बियाणे व इतर कारणांमुळे परिणाम होईल, अशी स्थिती आहे. लागवड धुळ्यासह जळगाव जिल्ह्यात कमी होऊ शकते.

गेल्या हंगामात जळगाव जिल्ह्यात उन्हाळ कांद्याची सुमारे १४ हजार हेक्टरवर लागवड झाली होती. धुळ्यातही सुमारे १० हजार हेक्टरवर उन्हाळ कांदा होता. तर नंदुरबारातही सुमारे अडीच हजार हेक्टरवर कांदा होता. कारण गेल्या वर्षी पाऊस चांगला होता. पण गेल्या वर्षी मार्चपासून लॉकडाऊन सुरू झाले. कोरोनामुळे बाजार समित्यांचे कामकाज बंदावस्थेत गेले. यामुळे दर कमी मिळाले. अनेक शेतकऱ्यांचा उत्पादन खर्चही निघाला नाही. यंदाही पाऊस चांगला आहे. पाणी अवर्षणप्रवण भागातही मुबलक आहे.

उन्हाळ कांद्यासाठी जळगाव जिल्ह्यात चोपडा, पाचोरा, धरणगाव, जामनेर आदी भाग प्रसिद्ध आहे. धुळ्यातील धुळे, साक्री, शिंदखेडा भागात कांद्याची लागवड बऱ्यापैकी होते. तर नंदुरबारमधील नंदुरबार व नवापूर तालुक्यात कांदा लागवड बऱ्यापैकी होत असते. यंदा ही लागवड वाढेल, असे सुरुवातीला वाटत होते. परंतु बियाण्याचे दर वाढले आहेत. प्रतिकिलो ३००० ते ४२०० रुपये दर कांदा बियाण्यासाठी घेतले जात आहेत. एकरी एक किलो बियाणे हवे असते. खरिपातील कांदा बियाण्याबाबत कमी उगवणशक्तीच्या अनेक तक्रारी आल्या. यामुळे हे बियाणे किती उगेल, याची शाश्‍वती नाही.

गेल्या वर्षी कांदा बियाणे १००० ते १२०० रुपये प्रतिकिलो, या दरात मिळत होते. यंदा बियाण्याची मोठी टंचाई आहे. अधिक मागणी असलेले बियाणे बाजारात उपलब्ध नाही. काळाबाजारही सुरू आहे. यामुळे शेतकरी संभ्रमातही आहेत. परिणामी कांदा लागवड कमी होईल, अशी स्थिती आहे. कांद्याचे दर सध्या चांगले आहेत. परंतु पुढे दर टिकून राहतील, का हा मुद्दा आहे. कांदा लागवड खानदेशात यंदा २० ते २५ टक्के कमी होवू शकते, असा अंदाज आहे.

सध्या कांद्याचे दर वाढले आहेत. पण अपवादानेच शेतकऱ्यांकडे कांदा आहे. बियाणे महाग आहे. यामुळे शेतकरी कांदा लागवड टाळत असल्याची स्थिती आहे.
- आत्माराम पाटील, शेतकरी, कापडणे, जि. धुळे


इतर बातम्या
एफआरपीप्रश्नी सोलापूर जिल्ह्यातील बैठक...सोलापूर : जिल्ह्यातील साखर कारखान्यांनी अद्यापही...
नांदेड जिल्ह्यात ढगाळ वातावरणाचा...नांदेड : खरिपातील नुकसानीनंतर शेतकऱ्यांनी...
शहीद नितीन भालेराव अनंतात विलीननाशिक : भारतीय निमलष्कराच्या केंद्रीय राखीव पोलिस...
डाळिंब, आंब्याच्या विम्यासाठी ३१...नाशिक : ‘‘राज्य शासनाच्या पुनर्रचित हवामान आधारित...
परभणी, पाथरी, गंगाखेडमधील कापसाची...परभणी : ‘‘राज्य सहकारी कापूस उत्पादक पणन...
परभणीतील अपात्र शेतकऱ्यांकडून ‘शेतकरी...परभणी : पंतप्रधान किसान सन्मान निधी (पीएम- किसान...
खानदेशात रब्बीसाठी आवर्तनांची प्रतीक्षाजळगाव : खानदेशात सर्वच प्रकल्पांमधील जलसाठे मुबलक...
औरंगाबाद, बीड जिल्ह्यात विशेष पथके...औरंगाबाद : औरंगाबाद व बीड जिल्ह्यात बिबट्याच्या...
जळगाव जिल्हा परिषदेत रिक्त पदांमुळे...जळगाव : ग्रामविकासाचा केंद्रबिंदू असलेल्या जिल्हा...
अंबड तालुक्यात चार ठिकाणी कापूस खरेदी...अंबड, जि. जालना : तालुक्यात चार ठिकाणी कापूस...
पपई उत्पादकांना खर्चही निघेनाअकोला : पारंपरिक पिकांची चाकोरी सोडत शेतकरी...
मराठवाड्यात तुरीवरच शेतकऱ्यांचे आर्थिक...औरंगाबाद : यंदा अतिपावसाने उडीद, सोयाबीनचे अतोनात...
खडकपूर्णा धरणाचे आवर्तन अखेर सुरूबुलडाणा : देऊळगावराजा तालुक्यातील शेतकऱ्यांना...
...तर महावितरणचे कार्यालय जाळणार :  आ....अमरावती :  वरुड, मोर्शी तालुक्यांत...
मक्यावर अमेरिकन लष्करी अळीनगर  : नगर तालुक्यातील पिंपळगाव वाघा परिसरात...
पुण्यात भात काढणी अंतिम टप्प्यातपुणे  : दिवाळी सणामुळे भात पट्यात अनेक...
टेंभूचे आवर्तन सुरू करण्याची मागणीकडेगाव, जि. सांगली  : रब्बी हंगामासाठी टेंभू...
केंद्राचा चर्चेचा प्रस्ताव नाकारला;...नवी दिल्ली (वृत्तसंस्था) : केंद्र सरकारच्या वतीने...
सांगलीत एफआरपीची प्रतीक्षासांगली : जिल्ह्यातील साखर कारखानदारांनी ऊस...
शेतकऱ्यांच्या अनुदानाबाबत ठाकरे सरकार...नांदेड : निवडणुकीच्या तोंडावर उद्धव ठाकरे यांनी...