खानदेशात कांदा काढणी लवकरच सुरू होणार 

खानदेशात कांद्याची लागवड सुमारे १८ हजार हेक्टरवर झाली आहे. काढणी लवकरच सुरू होईल. परंतु कांद्याचे दर गेल्या चार-पाच दिवसांपासून सतत घसरत आहेत. त्यामुळे शेतकऱ्यांचा हिरमोड झाला आहे.
खानदेशात कांदा काढणी लवकरच सुरू होणार Onion harvesting will start soon in Khandesh
खानदेशात कांदा काढणी लवकरच सुरू होणार Onion harvesting will start soon in Khandesh

जळगाव : खानदेशात कांद्याची लागवड सुमारे १८ हजार हेक्टरवर झाली आहे. काढणी लवकरच सुरू होईल. परंतु कांद्याचे दर गेल्या चार-पाच दिवसांपासून सतत घसरत आहेत. त्यामुळे शेतकऱ्यांचा हिरमोड झाला आहे. 

कोरोना व अधिक आवक यामुळे दरांवर परिणाम झाला आहे. कांदा लागवडीसाठी धुळे, नंदुरबार व जळगाव जिल्हा प्रसिद्ध आहे. धुळ्यात लागवड अधिक असते. तेथे सुमारे १० हजार हेक्टरवर लागवड झाल्याचा अंदाज आहे.

नंदुरबारातही सुमारे दीड हजार हेक्टर आणि जळगाव जिल्ह्यात सुमारे सात हजार हेक्टरवर कांदा लागवड झाल्याचा अंदाज आहे. धुळ्यातील लागवड बऱ्यापैकी असल्याने लागवडीत घट झालेली नसल्याची माहिती आहे. कांदा लागवड डिसेंबरच्या सुरवातीला सुरू झाली. जळगाव जिल्ह्यात सुमारे सहा ते साडेसहा हजार हेक्टरवर लागवड अपेक्षित होती. जळगाव जिल्ह्यात चोपडा, धरणगाव, चाळीसगाव, भडगाव, एरंडोल, जामनेर, जळगाव या तालुक्यांत लागवड झाली आहे. कांद्याचे दर बऱ्यापैकी मिळाल्याने शेतकऱ्यांनी लागवड केली होती. 

धुळ्यातील शिंदखेडा, साक्री भागात लागवड अधिक आहे. धुळे तालुक्यातील कापडणे, देवभाने, लामकानी, कुसुंबा आदी भागातही चांगली लागवड झाली आहे. कांद्याची लागवड यंदा खर्चिक ठरली आहे. कारण बियाण्याचे दर यंदा प्रतिकिलो चार हजार रुपयांपर्यंत होते. महागडे बियाणे व लागवड खर्च यामुळे खर्च अधिकचा आला आहे.

लागवडीसाठी एकरी चार ते साडेचार हजार रुपये एवढा खर्च आला आहे. लागवडीला डिसेंबरच्या अखेरीस वेग आला. लाल कांद्याची लागवड अधिक झाली आहे. नंदुरबारात अक्कलकुवा, शहादा भागात पांढऱ्या कांद्याची लागवड काही कंपन्यांच्या मदतीने झाली आहे. यंदा अतिपावसात कांद्याचे खरिपात नुकसान झाले. बियाणे महाग होते, यामुळे लागवडीवर परिणाम होईल, अशी शक्यता होती.

परंतु लागवड स्थिर राहिली आहे. आता आगाप लागवडीच्या कांद्याची काढणी येत्या १५ दिवसांनंतर सुरू होईल. तोपर्यंत दर आणखी कमी होतील, अशी स्थिती आहे. कारण कांदा लागवड स्थिर राहिली. त्यात कोरोनाचे संकट आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com