सोलापुरात दरवाढीनंतर कांद्याच्या आवकेत वाढ

Onion incoming increase in Solapur after rise the rate in Solapur
Onion incoming increase in Solapur after rise the rate in Solapur

सोलापूर : सोलापूर कृषी उत्पन्न बाजार समितीमध्ये गुरुवारी (ता. ५) कांद्याच्या दराने या हंगामातील सर्वाधिक २० हजार रुपये प्रतिक्विंटलपर्यंतच्या दराचा उच्चांक केला. दुसऱ्या दिवसी शुक्रवारी (ता. ६) बाजाराला सुटी होती. पण, शनिवारी (ता. ७) बाजाराला सुरुवात झाली. पण कालची सुटी आणि दरवाढीचा परिणाम म्हणून की काय बाजारात कांद्याची आवक मोठ्याप्रमाणत वाढली. तब्बल ५०० हून अधिक गाड्या बाजाराच्या आवारात दाखल झाल्या.

विशेषतः शेजारील कर्नाटक आणि आंध्रप्रदेश, तेलंगणा या राज्यांतूनही कांद्याच्या आवकेचे प्रमाण अधिक राहिले. परिणामी, या आवकेचा दरावर परिणाम झाला. शनिवारी प्रतिक्विंटलला सर्वाधिक १५ हजार रुपयांपर्यंत दर मिळाला.  

सोलापूर बाजार समिती गेल्या पंधरवड्यापासून कांद्याच्या उच्चांकी दरामुळे चर्चेत आहे. आधी ८ हजार, ९ आणि १५ हजार रुपये अशा चढत्या क्रमाने बाजारात कांद्याला दर मिळत असल्याने बाजार चांगलाच तेजीत आहे. गुरुवारी (ता. ५) बाजाराने आणखीन एक इतिहास घडवला. यादिवशी  प्रतिक्विंटलला तब्बल २० हजार रुपयांचा दर कांद्याने मिळवला. त्यामुळे सर्वंच बाजारांच्या भुवया उंचावल्या. त्यामुळे दोनच दिवसांत अनेक भागांतून कांदा सोलापूर बाजार समितीकडे वळला. 

शेजारच्या कर्नाटक, आंध्रप्रदेश आणि तेलंगणातूनही कांदा आल्याचे सांगण्यात आले. डॅा. बाबासाहेब आंबेडकर यांच्या महापरिनिर्वाण दिनानिमित्त शुक्रवारी (ता. ६) बाजाराला सुटी होती. पण शनिवारी मात्र ही आवक वाढली. तब्बल ५०० गाड्यांपर्यंत ही आवक पोचली. तरीही बाजार काहीसा तेजीचाच राहिला.

शनिवारी कांद्याला किमान २०० रुपये, सरासरी ५५०० रुपये आणि सर्वाधिक १५ हजार रुपये इतका दर मिळाला. बाजार समितीतील अलीकडच्या या तीन दिवसांत केवळ कांद्याच्या वाढत्या दरामुळे बाजार समितीची उलाढालही वाढली आहे. केवळ या तीन दिवसांत कांद्याची उलाढाल ३८ कोटी २० लाख ७८ हजाराच्या घरात पोचली आहे.

आज रविवारीही सुरू राहणार बाजार

सोलापूर बाजार समितीत कांद्याच्या लिलावाला रविवारी साप्ताहिक सुटी असते. त्यामुळे बाजार बंद असतो. पण कांद्याची वाढती आवक आणि वाढलेले दर विचारात घेऊन पणन संचालकांनी रविवारीही बाजार सुरू ठेवण्याची सूचना बाजार समिती प्रशासनाला केली आहे. त्यामुळे आज रविवारी (ता. ८) कांद्याचे लिलाव नेहमीप्रमाणे होतील. याचा फायदा दूरवरुन आलेल्या शेतकऱ्यांना होणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com