agriculture news in marathi, onion plantation stop due to lack of rain, nagar, maharashtra | Agrowon

नगर जिल्ह्यात पावसाअभावी कांदा लागवड रखडली
टीम अॅग्रोवन
मंगळवार, 25 सप्टेंबर 2018

कर्जत तालुक्‍यासह जिल्ह्यातील बहुतांश भागात पाऊस नाही. दुष्काळी परिस्थिती निर्माण झाली आहे. यंदा कांदा लागवडही रखडली आहे. अनेक शेतकऱ्यांकडे रोपे आहेत, मात्र त्याचे काय करायचे, असा प्रश्‍न त्यांच्यासमोर निर्माण झाला आहे.
- मनोहर लाडाणे, शेतकरी, डिकसळ, ता. कर्जत.

नगर  ः जिल्हाभरात पावसाअभावी कांदालागवड रखडली आहे. खरिपात तर लागवड झाली नाहीच; पण आता लेट खरिपातही लागवड होण्याची शक्‍यता नसल्याचे चित्र निर्माण झाले आहे. त्यामुळे आता शेतातील रोपेही वाया जाऊ लागली आहेत.

जिल्ह्यामध्ये दरवर्षी खरीप आणि लेट खरिपात मिळून साधारण ६० हजार हेक्‍टरपेक्षा अधिक क्षेत्रावर कांदा लागवड होत असते. गेल्या दोन वर्षांत कांद्याचे क्षेत्र मोठ्या प्रमाणात वाढले आहे. यंदा मात्र याउलट स्थिती आहे.

खरिपात अजूनही पुरेसा पाऊस झालेला नाही. त्यामुळे गतवर्षीच्या तुलनेत यंदा निम्म्या क्षेत्रावरही कांदालागवड झालेली नाही. खरिपात चांगला पाऊस झाला की कांदा लागवड करता येईल यासाठी साधारण महिनाभर आधी रोपे टाकली जातात. यंदाही मोठ्या प्रमाणात रोपे टाकण्यात आली. मात्र खरिपाचा कालावधी संपला तरी पाऊस झाला नाही. आता सप्टेंबर-ऑक्‍टोबरमध्ये लेट खरिपाची लागवड सुरू होत असते, मात्र अजूनही पाऊस नाही. पाणीटंचाई वाढत असल्याने बाजारातही कांदा रोपांना मागणी नाही. त्यामुळे रोपांचे करायचे काय, असा प्रश्‍न शेतकऱ्यांना पडला आहे.

संगमनेर तालुक्‍यात निमगाव जाळी हे गाव डाळिंब, कांदा पिकासाठी प्रसिद्ध आहे. अनियमित पाऊस व बदलत्या हवामानाचा फटका बसल्याने शेतकऱ्यांनी पॉलिहाउसमधील शेतीचा मार्ग धरला. मात्र, उत्तरेकडील गोरक्षवाडी परिसरातील बहुतांश शेती जिरायती असल्याने तेथील शेतकऱ्यांना पावसावरच अवलंबून राहावे लागत आहे.

यंदा कांद्याला चांगला भाव मिळेल या आशेने परिसरातील सुमारे ५०० एकरांवर कांदा लागवड झाली होती. मोसमी पावसाने हुलकावणी दिल्याने, निर्माण झालेल्या दुष्काळसदृश स्थितीत ५० टक्के पीक करपले. काही शेतकऱ्यांनी टॅंकरचे पाणी विकत घेऊन कांदा जगविण्याचा प्रयत्न केला; मात्र आता रोपे वाया जात आहेत. जामखेड, कर्जत, पारनेर, पाथर्डी शेवगाव, भागातही अशीच परिस्थिती आहे.  
 

इतर ताज्या घडामोडी
पुण्यात हिरवी मिरची, गाजराच्या दरात वाढपुणे ः गुलटेकडी येथील पुणे कृषी उत्पन्न बाजार...
रब्बी हंगामासाठी ‘काटेपूर्णा’चे पाणी...अकोला ः यंदा तुडुंब भरलेल्या काटेपूर्णा...
शेतीमाल वाहतूकदारांची वाहने अडवीत पोलिस...अमरावती ः मॉन्सूनोत्तर पावसाच्या नुकसानीमुळे आधीच...
रब्बी हंगामासाठी कुळीथ, हरभरा बियाणे...रत्नागिरी ः अतिवृष्टी आणि अवकाळी पावसामुळे...
कर्जमाफीच्या याद्या करण्यासाठी...कोल्हापूर : पूरग्रस्त पंचनाम्यांची माहिती तातडीने...
आपत्तीचा सामना सकारात्मकतेने करा ः...नाशिक : ‘‘मुश्किलो से भाग जाना आसाँ होता है, हर...
पंचनाम्याच्या तुलनेत तीस टक्क्यांपेक्षा...रत्नागिरी ः अतिवृष्टीत रत्नागिरी जिल्ह्यातील भात...
सातारा : पावणेदोन लाख शेतकऱ्यांना...सातारा  : जिल्ह्यात अतिवृष्टीमुळे पिकांचे...
गडचिरोली : दुर्गंधीमुळे पोल्ट्री बंदचा...गडचिरोली ः मोठ्या प्रमाणात वातावरणात पसरणाऱ्या...
लष्करी अळीच्या भीतीने मका लागवडी...जळगाव ः खानदेशात हरभऱ्यानंतर महत्त्वाचे मानल्या...
खानदेशात कांदा लागवडी वाढण्याचे संकेतजळगाव ः रब्बी हंगामातील कांद्याची खानदेशात यंदा...
पुणे बाजार समितीतील बेकायदा हमाली,...पुणे  ः पुणे बाजार समितीमधील डाळिंब...
नगर जिल्ह्यात ‘जलयुक्त’मधून सहा...नगर  ः जलयुक्त शिवार अभियानातून करण्यात...
तीन जिल्ह्यांत दीड हजार क्विंटल मूग...नांदेड  ः किंमत समर्थन मूल्य योजनेअंतर्गत...
किसान सभेच्या दणक्यानंतर; परळीतील...पुणे ः परळी (जि. बीड) तालुक्यातील खरीप २०१८ मध्ये...
परभणी जिल्ह्यात रब्बीत चार; तर उन्हाळी...परभणी : यंदा परभणी जिल्ह्यातील दोन मध्यम आणि...
परभणी जिल्ह्यात रब्बीसाठी ४० हजार ९१७...परभणी ः जिल्ह्यात यंदाच्या रब्बी हंगामातील...
नगर जिल्ह्यात पावसाने ९४ टक्के कापसाचे...नगर ः आक्टोबर महिन्यात पावसाने झालेल्या नुकसानीची...
कोल्हापुरात ऊस दराबाबतची बैठक फिस्कटलीकोल्हापूर  : यंदाच्या हंगामात कोणत्याही...
शिवसेनाप्रमुखांच्या स्मृतिदिनानिमित्त ...मुंबई  ः शिवसेनाप्रमुख बाळासाहेब ठाकरे...