Agriculture news in Marathi Onion price improvement in Khandesh | Agrowon

खानदेशात कांदा दरात सुधारणा

टीम अॅग्रोवन
गुरुवार, 17 जून 2021

खानदेशात लाल कांद्याच्या दरात गेल्या चार-पाच दिवसांत सुधारणा झाली असून, कमाल दर १५५० रुपये प्रतिक्विंटलपर्यंत पोहोचले आहेत. किमान दरही ८५० रुपये प्रतिक्विंटल, असे आहेत. 

जळगाव ः खानदेशात लाल कांद्याच्या दरात गेल्या चार-पाच दिवसांत सुधारणा झाली असून, कमाल दर १५५० रुपये प्रतिक्विंटलपर्यंत पोहोचले आहेत. किमान दरही ८५० रुपये प्रतिक्विंटल, असे आहेत. 

दरात सुधारणा होत असतानाच आवकेत मात्र गेले सात-आठ दिवस घट दिसून आली आहे. कांद्यासाठी खानदेशात धुळे, साक्री (ता. धुळे), अडावद (ता. चोपडा), जळगाव, चाळीसगाव येथील बाजार प्रसिद्ध आहेत. या बाजारांमध्ये कांद्याची आवक गेले तीन दिवस सरासरी पाच हजार क्विंटल सरासरी एवढी राहिली आहे. जळगावच्या बाजारात यावल, चोपडा, जळगाव, जामनेर, औरंगाबादमधील सोयगाव येथूनही कांद्याची आवक होत आहे. ही आवक पुढे आणखी कमी होईल, असे सांगण्यात आले. 

गेल्या पंधरवड्यात प्रतिदिन सरासरी पाच हजार क्विंटल आवक या बाजार समित्यांमध्ये झाली होती. अनेक शेतकऱ्यांनी आपल्याकडील कांद्याची मे महिन्यात सुरुवातीला किंवा मे महिन्याच्या पहिल्या पंधरवड्यात बाजारात विक्री केली आहे. कांद्याला सुरुवातीपासून उचल होती. एप्रिलमध्येही कोविडमुळे लॉकडाउनची समस्या होती. यामुळे या काळात काही खरेदीदार, व्यापाऱ्यांनी थेट शेतातून किंवा शिवार खरेदीतून कांद्याची उचल केली. 

सध्या शेतकऱ्यांकडे फारसा कांदा शिल्लक नाही. परंतु काही शेतकऱ्यांनी योग्य व्यवस्थापन करून कांदा चाळीत साठवणूक केली आहे. यामुळे या शेतकऱ्यांना सध्या दरवाढीचा लाभ मिळत आहे. जळगाव बाजार समितीमध्ये सध्या किंवा गेल्या आठवडाभरात प्रतिदिन सरासरी ६०० क्विंटल कांद्याची आवक झाली आहे. लाल कांद्याचीच अधिक आवक असून, पांढऱ्या कांद्याची तोकडी आवक होत आहे.

कांदा लागवड स्थिर
खानदेशात उन्हाळ कांद्याची सुमारे १५ हजार हेक्टर क्षेत्रात लागवड झाली होती. लागवड स्थिर होती. जळगाव जिल्ह्यात सुमारे आठ हजार हेक्टरवर लागवड झाली होती. तर धुळ्यात सुमारे सात हजार हेक्टर क्षेत्रात लागवड झाली होती. काढणी मार्च महिन्यात सुरू झाली. आवक एप्रिलमध्ये अधिक होती. कोविडच्या समस्येत सुरुवातीला दर कमी होते, नंतर दरवाढ झाली आहे, असे जाणकारांनी सांगितले.

चांगली उलाढाल
कांदा बाजारात खानदेशात गेले तीन महिने चांगली उलाढाल झाली आहे. जळगाव बाजार समितीत दर महिन्याला (गेले तीन महिने) कांदा खरेदी - विक्रीतून सुमारे ६५ लाखांची उलाढाल झाली होती. कोविड काळातही कांद्याची उचल व आवक बऱ्यापैकी राहिली, अशी माहिती मिळाली.

लागवडीची माहिती (क्षेत्र हेक्टरमध्ये)
वर्ष लागवड
२०१८ १४ हजार
२०१९ १६ हजार
२०२० १५ हजार

कांदा आवक एप्रिलमध्ये अधिक होती. त्या वेळी मागणी असल्याने थेट खेडा खरेदीदेखील सुरू झाली. सध्या मागणी टिकून आहे. यामुळे दरवाढ झाली आहे. 
- आश्‍विन पाटील, कांदा व्यापारी, जळगाव


इतर ताज्या घडामोडी
युरियाची विषबाधा टाळण्यासाठी काळजी...युरियाची विषबाधा ही सर्व पाळीव प्राण्यांमध्ये...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...
विमा कंपनीचा कारभार चालतोय कृषी...सातारा : जिल्ह्यात खरिपाच्या सुरूवातीस पावसाने...
चिपळूणमधील पूरग्रस्तांसाठी पुनर्वसन...रत्नागिरी : ढगफुटीसदृश पावसामुळे चिपळूणकरांचे...
पाणी ओसरताच तातडीने पंचनामेकोल्हापूर : पूरग्रस्तांना आवश्यक ती मदत राज्य...
शेतकरी नियोजन पीक : कांदाशेतकरी : नंदकुमार काशिनाथ उशीर गाव : धोडंबे, ता...