agriculture news in Marathi, Onion producers says, we have done our planning, Maharashtra | Agrowon

कांदा उत्पादक म्हणतात ‘आमचं ठरलंय...’

टीम अॅग्रोवन
शुक्रवार, 11 ऑक्टोबर 2019

चालू हंगामात प्रतिकूल परिस्थितीत कांदा उत्पादन घेतले. आवक शेतकऱ्यांनी कांदा विकला आहे, ज्यांच्याकडे माल शिल्लक आहे, त्यानुसार आम्ही कांदा विकणार. कांदा शिल्लक राहिलेला नाही, त्यामुळे भाव वाढतील, अशी अपेक्षा आहे. 
-विजय पगार, कांदा उत्पादक शेतकरी, कळवण

नाशिक : केंद्र सरकारच्या निर्बंधांनंतर ‘आम्ही आमचं नियोजन केलंय’ अशा भूमिकेतून कांदा उत्पादक शेतकऱ्यांनी ‘असहकार’ कायम ठेवला आहे. कांदा उपलब्धता कमी असल्याने तो एकदम बाजारात न आणता, आवश्‍यकतेनुसार विकण्याचेच धोरण शेतकऱ्यांनी राबविले आहे. जिल्ह्यातील बाजार समित्यांतील सध्या आवकेवरून हे स्पष्ट होते. यामुळे केंद्र सरकारच्या अपेक्षित दर घसरणीलाही बऱ्याच अंशी ‘ब्रेक’ लागला आहे.

अगोदरच पाणीटंचाईमुळे कांदा उत्पादनात घट झाली. त्यात साठवलेला कांदा पावसामुळे ओला झाल्याने तसेच हवेत आर्द्रता अधिक असल्याने खराब होत आहे. एकंदरीत कांद्याची टिकवण क्षमता व साठवणूक कालावधी संपत येत असल्याने कांदा उत्पादक शेतकरी बाजारभावाचा अंदाज घेऊनच विक्री करत असल्याचे दिसून येत आहे.

केंद्र शासनाने कांदा दर नियंत्रणात आणण्यासाठी निर्णय घेऊन अनेक प्रयत्न केले. त्यात काही अंशी दरही घसरले.  याच कारणाने आता आवक मोठ्या प्रमाणावर मंदावल्याने कांदा पुरवठा करताना सरकारलाही अडचणी येत आहेत. मात्र अशा परिस्थितीत प्रामुख्याने शेतकऱ्याची कोंडी करण्याचा प्रयत्न झाले. मात्र आता आवक घटल्याने व्यापारी व सरकारची कोंडी होणार, हे नक्की आहे. 

कांदा उत्पादक पट्ट्यातील माल अंतिम टप्प्यात 
कळवण, देवळा, बागलाण या प्रमुख उन्हाळ कांदा उत्पादक पट्ट्यात माल कमी प्रमाणावर शिल्लक राहिला आहे. या भागातील मोठी साठवणूक क्षमता असलेल्या कांदा उत्पादक शेतकऱ्यांकडे कांदा संपत आला आहे. त्यात कांद्याच्या प्रतवारीनुसार चांगला कांदा थोड्याच प्रमाणावर उपलब्ध आहे. त्यामुळे अजूनही नवीन कांदा बाजारात येत नसल्याने भाव टिकून कसे राहतील या अनुषंगाने शेतकऱ्यांचे नियोजन सुरू आहे. जर आमच्या मालाला भाव नसेल तर आम्ही टप्प्याटप्प्याने कांदा विक्री करणार आहोत असे कळवण तालुक्यातील भादवण येथील कांदा उत्पादक शेतकरी आकाश जाधव यांनी सांगितले.

प्रतिक्रिया
मागील वर्षीच्या तुलनेत ७० % पेक्षा अधिक कांदा या दिवसांमध्ये विकला गेला आहे. वातावरण पोषण असल्याने कांदा साठवणूक झाली. उत्पादन जरी चांगले होते, मात्र आता वातावरणामुळे कांदा सडत आहे. त्यात सरकारने निर्यात बंदीसारखा निर्णय घेतल्याने बाजारभाव कोसळले आहेत. आता चांगल्या बाजारभावाचा अंदाज आणि बाजारातील आवक लक्षात घेऊन उर्वरित मालाची विक्री करणार आहे. 
- प्रवीण आहिरे, कांदा उत्पादक शेतकरी, लोहोणेर, ता. देवळा

 


इतर अॅग्रो विशेष
कोकणात जोरदार पावसाची शक्यता पुणे  अरबी समुद्रातून होत असलेला...
मुंबईसह, कोकणात दमदार पाऊसपुणे : कोकण किनारपट्टीलगतच्या समुद्रात...
राज्यातील शिल्लक कापसाविषयी संभ्रम नागपूरः राज्यात कापसाच्या शिल्लक साठ्याविषयी...
पीकविम्याच्या साइटवरून चार गावांची...बुलडाणा ः संग्रामपूर तालुक्यातील काही गावांतील...
पुणे जिल्हा परिषदेची ‘हर घर गोठे- घर घर...पुणे : महात्मा गांधी राष्ट्रीय ग्रामीण रोजगार हमी...
पंचनाम्याची प्रक्रिया संशयास्पद :...पुणे: राज्यातील सोयाबीन बियाणे उगवणीबाबत...
टाळेबंदीतही कारखान्यांकडून ९७ टक्के...कोल्हापूर: टाळेबंदीच्या संकटामध्येही यंदा...
थेट भाजीपाला विक्रीतून शेती झाली सक्षमथेट ग्राहकांना शेतीमाल विक्रीसाठी शेतकरी स्वतःहून...
जीएम पिके- भारतात धोरण कोंडी कधी फुटणार?भारतात बीजी थ्री, एचटीबीटी कपाशी, बीटी वांगे या...
सिंधुदुर्ग, रत्नागिरीला पावसाने झोडपलेसिंधुदुर्ग :  सिंधुदुर्ग जिल्ह्यात मुसळधार...
तेरा बियाणे कंपन्यांवर अखेर फौजदारी...पुणे : राज्यातील शेतकऱ्यांना निकृष्ट बियाणे...
मुंबईत पावसाची दमदार हजेरी; आज...मुंबई : मुंबईतील अनेक भागांत शुक्रवार (ता.३...
वाढत्या तणावात कापसाच्या होताहेत वातीचालू हंगामातील कापूस वेचणी दोन ते अडीच महिन्यांत...
बाजारपेठा काबीज करण्याची हीच संधीको रोनाच्या वैश्‍विक संकटाशी लढताना जगातील अनेक ...
जिल्हा बॅंकांची थकबाकी २३ हजार कोटींवरसोलापूर : राज्यात कर्जमाफी योजना लागू असली, तरी...
कृषी पदविका, तंत्रनिकेतनच्या अंतिम...पुणे  : राज्यातील कृषी पदविका व तंत्रनिकेतन...
भारतीय अन्न महामंडळाबाबतचा शांता कुमार...पुणे : भारतीय अन्न महामंडळाची (एफसीआय) उपयुक्तता...
पंधरा हजार कोटींची शेतीमाल निर्यात...पुणे : जागतिक कृषी उत्पादनाच्या नकाशावर बलाढ्य...
सिंधुदुर्ग, रत्नागिरीत पावसाचा जोरपुणे  : मॉन्सूनचे आगमन झाल्यानंतर कोकणात दडी...
शेतकऱ्यांनी घोषणापत्र न दिल्यास बँका...पुणे  : खरीप विमा योजनेत सहभागी होण्यासाठी...