कांदा बियाणे मळणीला खानदेशात आला वेग

जळगाव ः खानदेशात कांदा बियाणे मळणी सुरू आहे. मळणी पुढील सात ते आठ दिवसांत १०० टक्के पूर्ण होईल. यंदा उत्पादन एकरी दोन ते अडीच क्विंटल एवढे येत आहे. काही शेतकऱ्यांना एकरी ५०किलोपर्यंतदेखील उत्पादन हाती आले आहे.
Onion seed threshing speed reached Khandesh
Onion seed threshing speed reached Khandesh

जळगाव ः खानदेशात कांदा बियाणे मळणी सुरू आहे. मळणी पुढील सात ते आठ दिवसांत १०० टक्के पूर्ण होईल. यंदा उत्पादन एकरी दोन ते अडीच क्विंटल एवढे येत आहे. काही शेतकऱ्यांना एकरी ५०किलोपर्यंतदेखील उत्पादन हाती आले आहे. 

कांदा बिजोत्पादनासंबंधी खानदेशात धुळे, जळगाव जिल्ह्यात अधिकची लागवड झाली होती. नंदुरबारात फारशी लागवड नव्हती. जळगावमधील जळगाव, जामनेर, रावेर, यावल, चोपडा भागात लागवड झाली होती. तर धुळ्यातील शिंदखेडा, शिरपूर भागात लागवड झाली होती. कांदा बियाणे मळणीयोग्य झाल्यानंतर बियांच्या फुले तोडणीचे काम सुरू झाले. ही तोडणी, साठवणूक प्रक्रिया काळजीपूर्वक राबविण्यासाठी शेतकऱ्यांना अधिकचा उत्पादन खर्चही आला आहे. 

बियाणे मळणी गेल्या आठवड्यातच सुरू झाली आहे. ही प्रक्रिया आणखी आठ ते १० दिवस सुरू राहील. यानंतर मळणीची प्रक्रिया आटोपण्याची स्थिती राहील. कांदा बिजोत्पादनासाठी विविध कंपन्यांनी शेतकऱ्यांसोबत करार केले होते. 

बिजोत्पादनाचा खर्च वाढला 

कांदा दर डिसेंबर २०२० मध्ये चढे असल्याने यंदा कांदा बिजोत्पादनाचा खर्च वाढला आहे. प्रतिकिलो २० रुपये या दरात कंपन्यांनी शेतकऱ्यांना कांदा बल्बचा पुरवठा केला. तर काही शेतकऱ्यांनी बाजारातून प्रतिकिलो २५ ते ३० रुपये या दरात कांद्याची खरेदी केली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com