Agriculture news in marathi To the onion trader of Nepal The amount received with the help of the police | Page 2 ||| Agrowon

नेपाळच्या कांदा व्यापाऱ्याला पोलिसांच्या मदतीने मिळाली रक्कम 

टीम अॅग्रोवन
शनिवार, 27 फेब्रुवारी 2021

नेपाळमधील कांदा व्यापाऱ्याची फसवणूक झाल्यानंतर ते मदतीला धावून आले आहेत. त्यांच्या माध्यमातून फसवणूक झालेल्या नेपाळच्या कांदा व्यापाऱ्यास अवघ्या २४ तासांत पैसे परत मिळाले आहेत. 

नाशिक : जिल्ह्यात शेतमाल विक्री पश्चात शेतकऱ्यांच्या होणाऱ्या फसवणुकीला आळा घालण्यासाठी विशेष पोलिस महानिरीक्षक डॉ. प्रताप दिघावकर यांनी मोहीम हाती घेतली आहे. या माध्यमातून द्राक्ष, डाळिंब व भाजीपाला उत्पादकांना पैसे मिळवून देण्यात मोठी मदत झाली. मात्र नुसते शेतकरीच नाही तर आता नेपाळमधील कांदा व्यापाऱ्याची फसवणूक झाल्यानंतर ते मदतीला धावून आले आहेत. त्यांच्या माध्यमातून फसवणूक झालेल्या नेपाळच्या कांदा व्यापाऱ्यासा अवघ्या २४ तासांत पैसे परत मिळाले आहेत. 

नेपाळमधील कांदा व्यापारी राजाराम मुक्तीनाथ रेग्मी यांना स्वस्तात कांदा देतो म्हणून ग्रीबेल एक्सपोर्टचे संचालक राहुल कचरू चौधरी (रा. निंबोळे, ता. चांदवड) याने ऑनलाइन पद्धतीने साडेसहा लाख रुपयांची रक्कम घेतली होती. मात्र, पैसे घेऊनही कांदा दिला नाही. रेग्मी यांनी चौधरी यांना वेळोवेळी संपर्क साधला. कांदा द्या नाहीतर पाठवलेले पैसे परत द्या, अशी वेळोवेळी मागणी केली. परंतु व्यापाऱ्यांकडून पैसे देण्यास टाळाटाळ होत असल्याचे बघताच नेपाळच्या खरेदीदाराने व्यापाऱ्यास गाठले. मात्र, व्यापाऱ्याने बनावट धनादेश देत फसवणूक केल्याचे त्यांच्या लक्षात आले.  

फसवणूक झाल्याचे स्पष्ट झाल्यानंतर व्यापाऱ्याने विशेष पोलिस महानिरीक्षक डॉ. प्रताप दिघावकर माहिती मिळाल्यानंतर त्यांची भेट घेतली. झालेल्या फसवणुकीबाबत त्यांनी डॉ. दिघावकर यांना माहिती दिली. त्यांनी नाशिक ग्रामीणचे पोलिस अधीक्षक सचिन पाटील यांना कारवाईचे आदेश दिले. खाक्या दाखविताच अवघ्या २४ तासांत नेपाळच्या खरेदीदारास साडेसहा लाख रुपये परत मिळाले. 

अवघ्या २४ तासात रक्कम केली परत 
पोलिस अधीक्षक सचिन पाटील यांनी लासलगाव पोलिस ठाण्याचे प्रभारी साहाय्यक निरीक्षक राहुल वाघ, उपनिरीक्षक विश्‍वनाथ निमसे, रामकृष्ण सोनवणे, शिपाई प्रदीप आजगे, गणेश बागूल, सागर आरोटे यांचे पथक पाठविले. अवघ्या २४ तासांत संबंधित व्यापाऱ्यास चौधरी यांच्याकडून साडेसहा लाख रुपये मिळवून दिले. 


इतर ताज्या घडामोडी
पाच दिवसांत तब्बल ५० टन काजू बी खरेदी सिंधुदुर्गनगरी ः फळपीक बागायतदार संघाने गेल्या...
वाढत्या तापमानातील द्राक्ष बागेतील...प्रत्येक भागात सध्याच्या परिस्थितीचा विचार करता...
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...
फळाचे ‘प्रमोशन’, मूल्यवर्धन होण्याची...चिकू बागायतदार संघाच्या वतीने राज्यातील चिकू...
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
प्रक्रिया उद्योगाला चालना देणारनारळ लागवडीचे क्षेत्र वाढविताना शेतकऱ्यांच्या...
सामूहिक प्रयत्नातून काजू उत्पादकांची...जागतिक बाजारपेठेत वैशिष्ट्यपूर्ण चव असलेल्या...
क्षेत्र वाढ, प्रक्रियेसाठी सरकारी...देशात पेरू लागवडीचे सुमारे तीन लाख हेक्टर आणि...