भाजीपाला उत्पादक शेतकऱ्यांना ‘पंदेकृवि’कडून ऑनलाईन मार्गदर्शन 

अकोला ः सद्यःस्थितीत शेती क्षेत्राला जबर फटका बसला आहे. या वाताहतीच्या केवळ नोंदी करण्यापेक्षा आता या संकटाला तोंड कसे द्यायचे, त्यातून मार्ग कसा काढायचा हा मुद्दा सर्वाधिक महत्त्वाचा आहे. या पार्श्वभूमीवर डॉ. पंजाबराव देशमुख कृषी विद्यापीठ आणि रिलायन्स फाऊंडेशन यांच्या संयुक्त विद्यमाने अकोला जिल्ह्यातील शेतकऱ्यांसोबत सोमवारी (ता. २१) ऑडिओ कॉन्फरन्सद्वारे मार्गदर्शन करण्यात आले. २७ गावांतील शेतकरी या सुविधेत सहभागी झाले होते.
भाजीपाला उत्पादक शेतकऱ्यांना ‘पंदेकृवि’कडून ऑनलाईन मार्गदर्शन 
भाजीपाला उत्पादक शेतकऱ्यांना ‘पंदेकृवि’कडून ऑनलाईन मार्गदर्शन 

अकोला ः सद्यःस्थितीत शेती क्षेत्राला जबर फटका बसला आहे. या वाताहतीच्या केवळ नोंदी करण्यापेक्षा आता या संकटाला तोंड कसे द्यायचे, त्यातून मार्ग कसा काढायचा हा मुद्दा सर्वाधिक महत्त्वाचा आहे. या पार्श्वभूमीवर डॉ. पंजाबराव देशमुख कृषी विद्यापीठ आणि रिलायन्स फाऊंडेशन यांच्या संयुक्त विद्यमाने अकोला जिल्ह्यातील शेतकऱ्यांसोबत सोमवारी (ता. २१) ऑडिओ कॉन्फरन्सद्वारे मार्गदर्शन करण्यात आले. २७ गावांतील शेतकरी या सुविधेत सहभागी झाले होते. 

सध्याच्या ‘कोरोना’ विषाणूच्या परिस्थितीमध्ये भाजीपाला उत्पादक शेतकऱ्यांना मल्टिलोकेशन ऑडिओ सुविधेद्वारे दोन तास मार्गदर्शन करण्यात आले. उन्हाळ्यातील जमिनीची मशागत, मातीचे नमुने, प्रमुख पिकाच्या लागवडीची तयारी, भाजीपाला व्यवस्थापन, विविध पिकांच्या संशोधित जाती, कृषी उत्पन्न बाजार समिती व बाजारपेठ यावर तज्ज्ञांनी मार्गदर्शन केले. 

या कार्यक्रमाकरिता प्रमुख मार्गदर्शक म्हणून विस्तार कृषी विद्यावेत्ता डॉ. विनोद खडसे तसेच भाजीपाला संशोधन केंद्राचे विभागप्रमुख डॉ. घावडे यांनी सहभागी शेतकऱ्यांना मार्गदर्शन केले. या कार्यक्रमामध्ये शेतकऱ्यांनी फोनद्वारे त्यांचे शेती व्यवस्थापनासंदर्भातील प्रश्न विचारले. 

सध्याच्या परिस्थितीत शेतकऱ्यांनी शेतीची कामे करीत असताना सामाजिक अंतर ठेवणे गरजेचे आहे, असा सल्ला देण्यात आला. लॉकडाऊन असल्यामुळे शेतकऱ्यांना भाजीपाला बाजारात आणायचा असल्यास पास सेवेसाठी तालुका कृषी विभागात संपर्क साधावा, असे सांगण्यात आले. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com