पुणे ः इंदापूर तालुका कृषी उत्पत्र बाजार समितीमध्ये मका खरेदी केंद्र सुरू करण्यात आले आहे. त्यासाठी ऑनलाइन नोंदणी शुक्रवार (ता. २९) पासून सुरू केली आहे, अशी माहिती बाजार समितीचे सचिव वैभव दोशी यांनी दिली.
मका शेतमाल हमीभावात (आधारभूत दराने) खरेदीकरिता मार्केटिंग फेडरेशन व इंदापूर तालुका खरेदी-विक्री संघ लि. इंदापूर यांच्या सहकार्याने बाजार समितीच्या डाळिंब मार्केटमधील कार्यालयात ही नोंदणी सुरू होणार आहे. त्यासाठी शेतकरी बांधवांनी सात बारा उताऱ्यांची मूळ प्रत, पीक पेरा (२०१९ -२० मका नोंद आवश्यक, आधारकार्ड, झेरॉक्स, बॅक खाते पासबुक झेरॉक्स व मोबाईल नंबरसह मका विक्रीसाठी नोंदणी करावी लागणार आहे.
नोंदणीनंतर सरकारी धोरणानुसार शेतमाल आधारभूत किंमत १७६० रुपये दराने शेतकऱ्यांची मका एकरी ९.५० क्विंटल पीकपाणी पाहून खरेदी केली जाणार आहे. तरी शेतकऱ्यांनी मक्याची आर्द्रता १२ टक्केपेक्षा कमी असणे आवश्यक आहे. नोंदणी केल्यानंतर टोकन दिले जाणार असून एसएमएस आल्यानंतर स्वच्छ व वाळलेला, स्वच्छ व एफएक्यू दर्जाची मका विक्रीस आणून सहकार्य करावे, असे आवाहन करण्यात आले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.