जळगावात हरभऱ्याची ऑनलाइन नोंदणी आज बंद

जळगावात हरभऱ्याची ऑनलाइन नोंदणी आज बंद
जळगावात हरभऱ्याची ऑनलाइन नोंदणी आज बंद

जळगाव : जिल्ह्यात शासकीय हरभरा खरेदीसाठी अजून केंद्र सुरू झाली नाहीत. नोंदणी मंगळवारपर्यंत (ता. २३) करण्याचे आदेश होते. परंतु, मतदानामुळे ऑनलाइन नोंदणी करून घेणाऱ्या केंद्रांची कार्यालये बंद राहतील. त्यामुळे आज कुठलीही ऑनलाइन नोंदणी होणार नसल्याची माहिती मिळाली.  

हरभरा खरेदीची तयारी मागील दीड महिन्यापासून जिल्ह्यात सुरू आहे. बाजारात देशी हरभऱ्याचे दर हमीभावापेक्षा २०० ते ४०० रुपयांनी कमी आहेत. मागील महिन्यात तर दर ३८०० ते ३९०० रुपयांपर्यंत होते. शासकीय केंद्रांमध्ये फक्त देशी हरभऱ्याची ४६२० रुपये प्रतिक्विंटलने खरेदी करण्याचे नियोजन प्रशासनाने केले. नऊ केंद्र त्यासाठी मंजूर अाहेत. त्यात पाचोरा, अमळनेर, चाळीसगाव, जामनेर, जळगाव, मुक्ताईनगर, बोदवड, रावेर, यावल या केंद्रांचा समावेश आहे. यातील सर्व केंद्रांमध्ये हरभरा विक्रीसाठी सुमारे १२०० शेतकऱ्यांची ऑनलाइन नोंदणी झाली. अनेक शेतकरी उधारीवर हरभरा विक्री न करण्याच्या विचारात अाहेत. त्यांनी नोंदणीच टाळल्याचे सांगितले जात आहे. 

ऑनलाइन नोंदणी करून घेण्याची मुदत आटोपताच खरेदी सुरू करण्याचे निर्देश होते. मात्र, निवडणुकीमुळे नोंदणी बंद राहील. एक दिवस नोंदणीसाठी कमी मिळणार असल्याचे समोर आले आहे. यामुळे येत्या बुधवारी (ता. २४) हरभरा खरेदी कमाल केंद्रांमध्ये सुरू होईल, असे सूत्रांनी सांगितले. 

जळगाव येथे हरभरा खरेदीसाठी सबएजंट म्हणून मार्केटिंग फेडरेशनने कृषी औद्योगिक बहुउद्देशीय संस्थेची नेमणूक केली. या संस्थेच्या जळगाव येथील कार्यालयात सुमारे १०० शेतकऱ्यांनी हरभरा विक्रीसाठी ऑनलाइन नोंदणी केली. यातील ३० शेतकऱ्यांना बुधवारी हरभरा विक्रीसाठी केंद्रात आणण्याचे संदेश सोमवारी पाठविण्यात आले, असे सूत्रांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com