विठ्ठल-रुक्मिणी मंदिर समितीला यंदा केवळ १६ लाखांचे उत्पन्न

आषाढी यात्रेला श्री विठ्ठल- रुक्‍मिणी मंदिर समितीला विविध देणग्यांच्या माध्यमातून गेल्यावर्षी तब्बल चार कोटी ४० लाख रुपये उत्पन्न मिळाले होते.
विठ्ठल-रुक्मिणी मंदिर समितीला यंदा केवळ १६ लाखांचे उत्पन्न
विठ्ठल-रुक्मिणी मंदिर समितीला यंदा केवळ १६ लाखांचे उत्पन्न

पंढरपूर जि. सोलापूर ः आषाढी यात्रेला श्री विठ्ठल- रुक्‍मिणी मंदिर समितीला विविध देणग्यांच्या माध्यमातून गेल्यावर्षी तब्बल चार कोटी ४० लाख रुपये उत्पन्न मिळाले होते. यंदा मात्र कोरोनामुळे आषाढी यात्रा भरू न शकल्यामुळे श्री विठ्ठल-रुक्‍मिणी मंदिर समितीला केवळ १६ लाख १५ हजार ८६० रुपये देणगी स्वरूपात उत्पन्न मिळाले आहे, अशी माहिती श्री विठ्ठल- रुक्‍मिणी मंदिर समितीचे कार्यकारी अधिकारी सुनील जोशी यांनी दिली. दरम्यान वाढत्या टाळेबंदीमुळे १५ जुलैपर्यंत भाविकांना मंदिर दर्शनासाठी बंद ठेवण्याचा निर्णय घेण्यात आला आहे.  दरवर्षी आषाढी आणि कार्तिकी यात्रा काळात आठ दिवस लाखोंच्या संख्येने भाविक श्री विठ्ठलाचे दर्शन घेतात. आलेले भाविक मंदिरातील देणगी पेटीमध्ये काही ना काही रक्कम टाकतात तर काही भाविक देणगी पावती करतात. वारकरी भाविकांच्या माध्यमातून श्री विठ्ठल- रुक्‍मिणीच्या चरणाजवळ देखील मोठ्या प्रमाणावर रक्कम जमा होत असते. २०१८ मध्ये श्री विठ्ठल- रुक्‍मिणी मंदिर समितीला आषाढी यात्रा काळात दोन कोटी ९० लाख ४४ हजार ६४१ एवढे उत्पन्न मिळाले होते. मागील वर्षी २०१९ मधील आषाढी यात्राकाळात त्यामध्ये एक कोटी ४४ लाख ९३ हजार १४५ रुपयांची वाढ होऊन श्री विठ्ठल- रुक्‍मिणी मंदिर समितीला तब्बल चार कोटी ४० लाख ३७ हजार ७८६ इतके उत्पन्न मिळाले होते. यंदा मात्र आषाढी यात्रा भरू शकली नाही. कोरोनामुळे भाविकांना पंढरपूरला येण्यास मनाई करण्यात आली होती. त्यामुळे उत्पन्नात लक्षणीय घट झाली.

यंदा १६ लाखांचे उत्पन्न आषाढी एकादशी दिवशी श्री विठ्ठल- रुक्‍मिणी मंदिर समितीला दरवर्षी आयआरबी कंपनीकडून देणगी दिली जाते. यंदा या कंपनीकडून ११ लाख रुपये देणगी धनादेश जमा करण्यात आला. याशिवाय अन्य काही भाविकांनी देणगी जमा केली. याशिवाय अन्नछत्र कायमस्वरूपी ठेव योजनेसाठी ऑनलाइनद्वारे ६६ हजार रुपये जमा झाले. महानैवेद्य योजनेसाठी ऑनलाइन ३० हजार रुपये जमा झाले तर तीन लाख ४२ हजार ७१२ रुपये ऑनलाइन देणगी जमा झाली. एकूण १६ लाख १५ हजार ८६० रुपये उत्पन्न मंदिर समितीला मिळाले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com