Agriculture news in Marathi Only 27% of the country's soybean harvest | Page 2 ||| Agrowon

देशातील सोयाबीनची केवळ २७ टक्के काढणी

टीम अॅग्रोवन
सोमवार, 18 ऑक्टोबर 2021

खरीप हंगाम २०२१-२२मध्ये सोयाबीनची लागवड १२१.९७ लाख हेक्टरवर झाली होती. मात्र जून आणि जुलैमध्ये पावसाचा खंड पडल्याने अनेक भागांत पेरणीला उशीर झाल्याने पीक उशिरा हाती येत आहे.

पुणे : खरीप हंगाम २०२१-२२मध्ये सोयाबीनची लागवड १२१.९७ लाख हेक्टरवर झाली होती. मात्र जून आणि जुलैमध्ये पावसाचा खंड पडल्याने अनेक भागांत पेरणीला उशीर झाल्याने पीक उशिरा हाती येत आहे. तसेच सप्टेंबरच्या शेवटी आणि ऑक्टोबरच्या प्रारंभी पाऊस झाल्याने पीक काढणीत अडथळे निर्माण होत आहेत. त्यामुळे १४ ऑक्टोबरपर्यंत देशातील लागवडीपैकी ३३.६९ लाख हेक्टरवरील म्हणजेच २७.६२ टक्के सोयाबीनची काढणी पूर्ण झाली आहे, अशी माहिती केंद्रीय कृषी मंत्रालयाने 
दिली.

कृषी विभागाने दिलेल्या माहितीनुसार देशात १४ ऑक्टोबरपर्यंत खरिपातील ४९ टक्के कडधान्याची काढणी पूर्ण झाली आहे. यंदा देशात उडदाची ३६.१५ लाख हेक्टरवर पेरणी झाली होती. त्यापैकी २७ लाख हेक्टरवरील, म्हणजेच ७५ टक्के उडदाची काढणी झाली आहे. तर मुगाची यंदा ३४.४२ लाख हेक्टरवर पेरणी होती, त्यापैकी आतापर्यंत २५.५९ लाख हेक्टर म्हणजेच ७४ टक्के मुगाची काढणी पूर्ण झाली आहे. २०२१-२२ च्या हंगामात यंदा तुरीची लागवड ४८.५२ लाख हेक्टरवर झाली होती. तुरीची काढणी डिसेंबर महिन्यात सुरू होईल, अशी माहिती सूत्रांनी दिली. तर इतर कडधान्य पिकांची पेरणी १६.१० लाख हेक्टरवर होती, त्यापैकी ८५ टक्के काढणी पूर्ण झाली आहे. 

हंगाम २०२१-२२ मध्ये देशात सोयाबीनची लागवड १२१.९७ लाख हेक्टरवर झाली होती. लागवडीपैकी ३३.६९ लाख हेक्टरवरील सोयाबीनची १४ ऑक्टोबरपर्यंत काढणी पूर्ण झाली आहे. आतापर्यंत एकूण पिकांपैकी २७.६२ टक्के सोयाबीन शेतकऱ्यांनी काढले. भुईमुगाचा विचार करता यंदा ४८ लाख हेक्टरवर देशात लागवड होती. तर आतापर्यंत ५.८३ लाख हेक्टर म्हणजेच १२ टक्के भुईमुगाची काढणी शेतकऱ्यांनी केली आहे. तर तिळाची काढणी ७ टक्के झाली आहे, यंदा देशात १३.४१ हेक्टरवर तिळाची पेरणी झाली होती. 

मका काढणी ३१ टक्क्यांवर
कृषी विभागाने दिलेल्या महितीनुसार देशात यंदा ज्वारीची १४.६ लाख हेक्टरवर पेरणी झाली होती. तर १४ ऑक्टोबरपर्यंत ज्वारीची लागवड ४.८६ लाख हेक्टरवरील, म्हणजेच ३३ टक्के ज्वारीची सोंगणी शेतकऱ्यांनी पूर्ण केली आहे. बाजरीची यंदा ६२.५२ लाख हेक्टरवर पेरणी होती, त्यापैकी ३१.९ लाख हेक्टर म्हणजेच ५१ टक्के काढणी झाली आहे. मक्याची आतापर्यंत ३१ टक्के काढणी पूर्ण झाली असून, यंदा ७६.४७ लाख हेक्टरवर मका लागवड होती, त्यापैकी २३.७१ लाख हेक्टरवरील पीक काढणी झाली आहे.

भाताची काढणी ५ टक्क्यांवर
देशात भाताखालील क्षेत्र सर्वाधिक आहे. यंदाच्या हंगामात २०२१-२२ मध्ये भाताची लागवड ही ४११.४६ लाख हेक्टरवर झाली होती. देशातील भाताची आतापर्यंत ५.१५ टक्के सोंगणी झाली आहे. म्हणजेच लागवड क्षेत्रापैकी केवळ २१.१९ लाख हेक्टरवरील भाताची काढणी पूर्ण झाली. सप्टेंबर आणि ऑक्टोबर महिन्यात झालेल्या पावसाने भात काढणीत अडचणी निर्माण झाल्या. तसेच अनेक भागांतील खाचरांमध्ये १५ दिवसांपर्यंत पाणी साचून होते, परिणामी भात काढणीला विलंब झाला.


इतर बातम्या
सिंधुदुर्ग जिल्हा परिषद कृषी समितीच्या...सिंधुदुर्गनगरी ः ‘‘बियाणे किट वितरण आणि...
सांगली जिल्ह्यात ‘किसान सन्मान’ची वसुली...सांगली : पंतप्रधान किसान सन्मान योजनेतील अपात्र...
सिद्धेश्‍वर कारखान्याच्या चिमणी ...सोलापूर ः कुमठे येथील श्री सिद्धेश्‍वर सहकारी...
औरंगाबाद, जालना, बीड जिल्ह्यात गाळपात...औरंगाबाद : ‘‘मराठवाड्यातील औरंगाबाद, जालना व बीड...
मराठवाड्यातील ८७५ मोठ्या, मध्यम, लघू...औरंगाबाद : मराठवाड्यातील ८७५ मोठ्या, मध्यम, लघू...
नाशिक ः सिन्नरच्या पाणी प्रकल्पाचा...नाशिक : नाशिक व सिन्नरच्या विकासासाठी आवश्यक पाणी...
जळगाव जिल्ह्यात १७ हजार बेडची सज्जता जळगाव ः जिल्ह्यात कोरोनाच्या तिसऱ्या लाटेच्या...
नांदेड जिल्ह्यात पाच लाख खातेदारांना ‘...नांदेड जिल्ह्यात : पंतप्रधान किसान सन्‍मान निधी (...
निविष्ठा परवान्यांमधील ‘दुरूस्ती’ आता...पुणे ः गुणनियंत्रण विभागातील गैरव्यवहाराला आळा...
ऊसतोड वजावट रद्द करावी पुणे : राज्यात यंत्राच्या साहाय्याने होणारी...
कोकण, मध्य महाराष्ट्रात विजांसह पावसाची...पुणे : किमान तापमानाचा पारा घसरल्याने गारठा वाढला...
गोदावरी-वैनगंगा नदीजोड प्रकल्प अद्याप...नागपूर : महागाई आणि भूखंडाच्या दरापेक्षाही वेगाने...
आंदोलनातील मृत शेतकऱ्यांच्या...नवी दिल्ली : कृषी कायदे रद्द झाल्यानंतर आता मोदी...
कृषी कायदे मागे घेण्यावर संसदेचे...नवी दिल्ली ः संसद अधिवेशनाच्या पहिल्याच दिवशी...
वीजजोड जबरदस्तीने तोडल्यास जशास तसे...सांगली ः महावितरण कंपनीने शेतीपंपांची वीजबिल वसूल...
राजस्थानमधील शेतकऱ्यांची  मोहरी आणि...पुणे ः रब्बी हंगाम २०२०-२१ मधील मोहरी आणि गव्हाला...
गोदावरी, पैनगंगा उपखोऱ्याची तूट भरून...औरंगाबाद ः ‘‘गोदावरी, पैनगंगा उपखोऱ्याची तूट भरून...
कृषी विजबिले अवास्तवअकोला ः ग्रामीण भागात सध्या एकीकडे रब्बीची लगबग...
खानदेशात अनेक गावांमधील शिवारात वीज बंद जळगाव ः  खानदेशात जळगाव, धुळे, नंदुरबारमधील...
अवकाळीच्या सावटामुळे द्राक्ष पट्ट्यात...नाशिक : गेल्या काही वर्षांपासून पूर्वहंगामी...