Agriculture news in Marathi, Only 9 percent of crop loan disbursements in Buldana district | Page 2 ||| Agrowon

बुलडाणा जिल्ह्यात केवळ ९ टक्के पीक कर्जवाटप

टीम अॅग्रोवन
मंगळवार, 16 जुलै 2019

बुलडाणा ः वऱ्हाडात आजवरची स्थिती पाहली तर बुलडाण्यात समाधानकारक पाऊस झालेला आहे. त्यामुळे या जिल्ह्यातील पेरण्या ७५ टक्क्यांवर पोचल्या आहेत. लवकरच नियोजित क्षेत्र संपूर्णतः लागवडीखाली येईल. मात्र, खरिपासाठी १७७३ कोटींचे नियोजन असताना आत्तापर्यंत जिल्ह्यात १० टक्केही पीक कर्जवाटप झालेले नाही. पीक कर्जवाटपात सुधारणा झालेली नसल्याने शेतकऱ्यांमध्ये रोष वाढत आहे. दरम्यान, यंत्रणा स्तरावर केवळ आढावा बैठकांचे फार्स सुरू आहेत.   

बुलडाणा ः वऱ्हाडात आजवरची स्थिती पाहली तर बुलडाण्यात समाधानकारक पाऊस झालेला आहे. त्यामुळे या जिल्ह्यातील पेरण्या ७५ टक्क्यांवर पोचल्या आहेत. लवकरच नियोजित क्षेत्र संपूर्णतः लागवडीखाली येईल. मात्र, खरिपासाठी १७७३ कोटींचे नियोजन असताना आत्तापर्यंत जिल्ह्यात १० टक्केही पीक कर्जवाटप झालेले नाही. पीक कर्जवाटपात सुधारणा झालेली नसल्याने शेतकऱ्यांमध्ये रोष वाढत आहे. दरम्यान, यंत्रणा स्तरावर केवळ आढावा बैठकांचे फार्स सुरू आहेत.   

या पेरणीसाठी अनेक शेतकऱ्यांनी हातउसनवारी, पदरात असेल ते विकून पैसा उभा केला. पीककर्जासाठी बँकांकडे प्रकरणे दाखल केली. मात्र, तांत्रिक अडचणींमुळे अनेकांची प्रकरणे मंजूर झाली नाहीत. परिणामी, हजारो शेतकरी कर्जमाफीचा लाभ न मिळाल्याने व नंतर थकीत कर्जाचे पुनर्गठन न केल्याने वंचित राहलेले आहेत. या आठवड्यापर्यंत जिल्ह्यात १९ हजार ८९५ शेतकऱ्यांना केवळ ९ टक्के म्हणजे १६० कोटी ८६ लाख रुपयांचे पीक कर्जवाटप झाले होते. 

बुलडाणा जिल्ह्यात खरीप हंगामात ३ लाख ३३ हजार ९६५ शेतकरी खातेदार आहेत. या सभासद शेतकऱ्यांचा विचार करता खरिपासाठी १७७३ कोटींचे नियोजन करण्यात आले. आतापर्यंत पीककर्जासाठी १ लाख १५ हजार ६४२ शेतकरी हे पात्र ठरलेले आहेत. मात्र, यांच्या तुलनेत केवळ २० हजार शेतकऱ्यांना पीककर्ज मिळालेले आहे. प्रामुख्याने राष्ट्रीयीकृत बँकांकडून पीक कर्जवाटपात आखडता हात घेण्यात आला आहे. राष्ट्रीयीकृत बँकांना १२०४ कोटींचे नियोजित लक्ष देण्यात आलेले असताना आजवर केवळ ७८ कोटी ९६ लाख रुपयेच या बँकांनी दिले. ही कामगिरी केवळ ७ टक्के एवढी आहे. दुसरीकडे जिल्हा मध्यवर्ती सहकारी बँकेने २३ कोटी वाटप करून आपल्याला मिळालेल्या उद्दिष्टापैकी ४९ टक्के लक्ष्य साध्य केले. 

दरवर्षी पीक कर्जवाटपाची पिछाडी
जिल्ह्यात पीक कर्जवाटपाची ही गती मागील तीन वर्षांपासून आहे. पीक कर्जवाटप कधीच ४० टक्क्यांवर पोचले नाही. २०१७-१८ मध्ये १४५८ कोटींचे नियोजन होते. बँकांनी केवळ २६ टक्के म्हणजे ३८१ कोटी रुपयांचे वाटप केले. २०१८-२०१९ मध्ये १७४५ कोटींचे नियोजन असताना बँकांनी  प्रत्यक्ष ५९६ कोटी वाटप केले. केवळ ३४ टक्के शेतकऱ्यांना हे पीककर्ज मिळाले होते. यंदा पीककर्ज रकमेत सुमारे २८ कोटींची वाढ करीत हे नियोजन गेल्या वर्षीच्या १७४५ कोटींवरून १७७३ कोटींवर पोचविण्यात आले. मात्र, सध्याची कर्जवाटपाची गती पाहली तर मागील दोन हंगामांत वाटप झालेला आकडा तरी बँकांकडून पार होतो की नाही, याबाबत शंका उपस्थित होऊ लागली आहे.


इतर बातम्या
घराघरांत पोचणार नळ कनेक्‍शन, बसणार मीटर...जळगाव  : जिल्ह्यात ग्रामीण भागातील जनतेला...
जळगाव जिल्ह्यात कर्जमुक्ती योजनेतून...जळगाव : राज्यातील महाविकास आघाडी शासनाने महात्मा...
शेतकऱ्यांना सन्मानपूर्वक कर्जमुक्तीचा...अकोला ः शेतकरी कर्जदार नसून तो भूमीचा राजा आहे....
केंद्राच्या पथकाकडून लासलगावला कांदा...नाशिक  : कांद्याचे घसरते बाजार भाव पाहता...
रयत बाजारासारखे उपक्रम राबवावे ः डॉ....अकोला  ः ‘‘शेतकरी हिताचे सर्वाधिक उपक्रम...
`रेशीम प्रकल्पाच्या मंजुरीसाठी...औरंगाबाद : राज्यातील रेशीम उद्योगाच्या एकूणच...
अमरावती येथे जिल्हा परिषद अधिकाऱ्यांना...अमरावती ः जिल्हा परिषदेत आठवड्यातील दोन दिवस...
आंबा बागायतदारांच्या कर्जावरील... रत्नागिरी : आंबा बागायतदारांच्या कर्जावरील...
सोलापूर, नगर जिल्ह्यांतील ‘माळढोक’चे...सोलापूर : जिल्ह्यातील नान्नज (ता. उत्तर सोलापूर)...
सिंधुदुर्ग जिल्ह्यात ऊस उत्पादन घटणारसिंधुदुर्ग : जिल्ह्यात १५२० हेक्टर क्षेत्र ऊस...
शेतकरीच सरकारचा केंद्रबिंदूः उद्धव ठाकरेजळगाव : कर्जमाफी देणे, हा शेतकऱ्यांच्या...
सिंधुदुर्ग जिल्हा कृषी विभागात १०७ पदे...सिंधुदुर्ग: जिल्हा कृषी विभागातील ३६५ पदांपैकी...
अतिवृष्टी, पूरग्रस्तांच्या कर्जमाफीसाठी...मुंबई ः राज्यात जुलै ते ऑगस्ट २०१९ या काळात...
बॅंकांच्या कृषी पतपुरवठ्यावर सरकारचे...नवी दिल्लीः बॅंकांकडून ग्रामीण भागात होणाऱ्या...
चंदनाची सात-बारा उताऱ्यावर नोंद घ्या:...नगर ः शेतकऱ्यांना शेतात चंदन लागवड करण्यास...
सातारा जिल्ह्यातील सिंचन प्रकल्पांसाठी...सातारा  : राज्याच्या अर्थसंकल्पातून...
पीकपद्धतीनुसार शेतकरी उत्पादक कंपन्या...नाशिक  : आपल्या विभाग, जिल्ह्यातील...
खानदेशात कोरड्या चाऱ्याची टंचाईजळगाव  ः खानदेशात चाऱ्याची मोठी टंचाई दिसत...
राज्यात तूर्त मध्यावधी निवडणूक नाही :...मुंबई  : राज्यात तूर्तास तरी मध्यावधी...
एलईडीच्या मदतीने केल्या जाणाऱ्या...मुंबई  : समुद्रात एलईडीच्या मदतीने...