Agriculture news in Marathi Only after Diwali, agricultural colleges will flourish | Page 3 ||| Agrowon

दिवाळीनंतरच कृषी महाविद्यालये गजबजणार

टीम अॅग्रोवन
गुरुवार, 21 ऑक्टोबर 2021

राज्यात कोविडमुळे बंद पडलेले कृषी विद्यापीठे व संलग्न कृषी महाविद्यालयांमधील वर्ग पुन्हा सुरू करण्यास शासनाने मान्यता दिली आहे.

पुणे ः राज्यात कोविडमुळे बंद पडलेले कृषी विद्यापीठे व संलग्न कृषी महाविद्यालयांमधील वर्ग पुन्हा सुरू करण्यास शासनाने मान्यता दिली आहे. मात्र, स्थानिक जिल्हा प्रशासनाची मान्यता आणि लसीकरण अशा दोन मुख्य अटींचे पालन सक्तीचे असल्याने प्रत्यक्षात दिवाळीनंतरच विद्यापीठे व महाविद्यालये गजबजतील, अशी माहिती सूत्रांनी दिली.  

राज्यातील नियमित शिक्षणाचे पहिली ते बारावीचे वर्ग यापूर्वीच सुरू झालेले आहेत. याशिवाय अकृषी विद्यापीठे व उच्च शिक्षणाची अकृषी महाविद्यालये झाली. त्यामुळे, कृषी शिक्षण संस्थांचे वर्ग केव्हापासून सुरू होणार, याबाबत राज्यभरातून विचारणा सुरू होती. त्यामुळे कृषिमंत्री दादा भुसे यांनी परिस्थितीचा आढावा घेतला व ‘कृषी’चे वर्ग बुधवारपासून (ता. २०) सुरू करण्यास मान्यता दिली. कोविडमुळे गेल्या दोन वर्षांपासून विद्यापीठांचे प्रत्यक्ष पदवीदान समारंभ झालेले नाहीत. तसेच, काही अभ्यासक्रमांचे ऑनलाइन वर्ग चालू असले तरी प्रत्यक्ष अध्यापनातून होणारे लाभ विद्यार्थ्यांना मिळत नसल्याचे आढळून आलेले आहे. त्यामुळे ऑनलाइन ऐवजी प्रत्यक्ष वर्ग होण्यासाठी अध्यापक वर्ग व विद्यार्थी उत्सुक आहेत.

‘‘कृषी शिक्षणाचे वर्ग सुरू करण्यासाठी मान्यता मिळाली असली तरी स्थानिक पातळीवर तयारी झाली नाही. स्थानिक प्रशासनाची मान्यता मिळवणे, परराज्यातून येणाऱ्या विद्यार्थ्यांबाबत वेगळी तयारी, विद्यार्थ्यांचे लसीकरण याविषयीचे नियोजन बाकी आहे. त्यासाठी दिवाळीपर्यंत कालावधी हवा आहे,’’ अशी माहिती विद्यापीठाच्या सूत्रांनी दिली. राहुरी येथील महात्मा फुले कृषी विद्यापीठाचे प्रभारी शिक्षण संचालक डॉ. प्रमोद रसाळ म्हणाले की, ‘‘आमच्या विद्यापीठाच्या अखत्यारित पाच हजार विद्यार्थी शिकतात. नियोजनाची बाजू किचकट व आव्हानात्मक आहे. नगर जिल्ह्यात कोविडची भीती अद्यापही आहे. परिणामी आम्ही सावधपणे पावले टाकत आहोत. यंदाचा पदवीदान सोहळादेखील निवडक विद्यार्थ्यांसाठी असेल. इतर विद्यार्थी दूरदृष्यप्रणालीद्वारे सहभागी होतील.’’

अकोला येथील डॉ. पंजाबराव देशमुख कृषी विद्यापीठाचे कुलगुरू डॉ. विलास भाले म्हणाले की, ‘‘कोविडमुळे गेल्या दोन वर्षांपासून प्रत्यक्ष वर्गांत उपस्थित राहून शिक्षण घेण्यापासून विद्यार्थी वंचित आहेत. पदव्युत्तर, आचार्य पदवी घेणाऱ्या विद्यार्थ्यांना प्रत्यक्ष अध्ययनाची उणीव मोठ्या प्रमाणात भासत होती. त्यामुळे अनेक विद्यार्थी स्वतःहून हजर झालेले आहेत.’’

मुलांमुलांनी फुलून गेलेला कृषी विद्यापीठाचा परिसर आणि गजबजलेले वर्ग बघण्यासाठी अध्यापक वर्ग कमालीचा उत्सुक आहे. मात्र, मलाही विद्यार्थ्यांच्या स्वागताची ओढ आहे. मात्र, गेल्या दोन वर्षांपासून सुरू असलेले ‘ऑनलाइन’ अध्यापनाचे वेळापत्रक सध्या लागू आहे. विविध ऑनलाइन परीक्षा यापूर्वीच निश्चित होत्या. त्यामुळे कोविडची नियमावली पाळून कृषी शिक्षणाचे वर्ग दिवाळीनंतरच पूर्ण क्षमतेने सुरू होतील, असे वाटते.
- डॉ. अशोक ढवण, कुलगुरू, वसंतराव नाईक मराठवाडा कृषी विद्यापीठ, परभणी


इतर अॅग्रो विशेष
वीजप्रश्नी संतप्त शेतकरी  महावितरण...नाशिक : महावितरण कंपनीकडून सटाणा तालुक्यात थकीत...
कापूस खेडा खरेदी करणाऱ्या ...बुलडाणा ः खेडा खरेदीच्या माध्यमातून शेतकऱ्यांना...
कडुलिंबाची झाडे वाळू लागली पुणे नगर ः नगर जिल्ह्यातील नेवासा तालुक्यातील...
राज्यातील १२१ आदिवासी  आश्रमशाळा होणार...पुणे ः शिक्षण व्यवस्थेमधील बदलांना सामोरे जात...
लाल कांद्याला उन्हाळच्या  तुलनेत मिळतोय...नाशिक : दिवाळीनंतर जिल्ह्यातील कृषी उत्पन्न बाजार...
नगर पंचायतींच्या निवडणुकांची रणधुमाळी...पुणे नगर ः राज्यातील मुदत संपलेल्या परंतु,...
सत्तावीस हजार सहकारी संस्थांच्या ...पुणे ः राज्यातील कृषी पतसंस्था, बहुउद्देशीय...
‘बेरीज् एक्सलन्स सेंटर’ उभारणीसाठी ...सातारा ः स्ट्रॅाबेरी मातृ रोपांवरील आयात शुल्क...
शेतकरी उत्पन्न दुपटीच्या बैठकीला २३... नवी दिल्ली ः संसदेच्या कृषी विषयक स्थायी...
दिवाळी सुटीनंतरच्या बेदाणा  सौद्यात...सांगली ः दिवाळीच्या सुटीनंतर सांगली कृषी उत्पन्न...
स्टॉक लिमिटला नकार;  सोयाबीन बाजाराला...पुणे ः राज्य सरकारने सोयाबीनवर स्टॉक लिमिट लावणार...
भाजीपाला,पूरक उद्योगातून महिलांची आघाडीमिरजोळी(ता.चिपळूण,जि.रत्नागिरी) गावातील उपक्रमशील...
तुर्कांबाद खराडीत करारावर बटाटा...औरंगाबाद : जिल्ह्यातील गंगापूर तालुक्‍यातील...
शेतकऱ्यांनो एकरकमी भरा अर्धेच वीजबिल ः...नगर : राज्यातील शेतकऱ्यांना दिलासा देण्याचे धोरण...
राज्याच्या किमान तापमानात घट पुणे : राज्यात पावसाने उघडीप दिल्यानंतर आकाश...
शेतकऱ्यांनी बांबू लागवडीकडे वळावे -...लातूर ः आज देशात गहू, तांदूळ, मका आणि साखर अधिकची...
शिंदीच्या झाडांचे आता जिओ टॅगिंग  नीरा...नागपूर ः राज्य शासनाने नीरा देणाऱ्या शिंदीच्या...
कंटेनर भाड्यात पाच पट वाढ नागपूर ः टाळेबंदीमुळे अमेरिका आणि युरोपियन देशात...
विमा योजनेकडे ७० टक्के शेतकऱ्यांनी...सांगली : पंतप्रधान पीकविमा योजनेअंतर्गत...
कापड उद्योगाला खुपतोय कापसाचा दर पुणे : तमिळनाडूतील राजकीय पक्ष तसेच कापड...