Agriculture news in marathi, only supply about 31% loan in Kharif in Aurangabad, Jalna, Parbhani and Hingoli district | Page 2 ||| Agrowon

औरंगाबाद, जालना, परभणी, हिंगोली जिल्ह्यात खरिपात केवळ ३१ टक्‍केच कर्जपुरवठा

टीम अॅग्रोवन
शनिवार, 16 नोव्हेंबर 2019

औरंगाबाद : मराठवाड्यातील औरंगाबाद, जालना, परभणी व हिंगोली या चार जिल्ह्यांत यंदाच्या खरीप हंगामासाठी केवळ ३१.३३ टक्‍केच कर्जपुरवठा बॅंकांनी केला. त्यामुळे आता रब्बीसाठी मिळालेल्या उद्दिष्टाची पूर्ती करण्यात बॅंका स्वारस्य दाखवितील की नाही, हा प्रश्‍नच आहे. 

औरंगाबाद : मराठवाड्यातील औरंगाबाद, जालना, परभणी व हिंगोली या चार जिल्ह्यांत यंदाच्या खरीप हंगामासाठी केवळ ३१.३३ टक्‍केच कर्जपुरवठा बॅंकांनी केला. त्यामुळे आता रब्बीसाठी मिळालेल्या उद्दिष्टाची पूर्ती करण्यात बॅंका स्वारस्य दाखवितील की नाही, हा प्रश्‍नच आहे. 

या चार जिल्ह्यात जिल्हा मध्यवर्ती सहकारी बॅंका, व्यापारी बॅंका व ग्रामीण बॅंकांना खरीप हंगाम २०१९-२० साठी ४९११ कोटी ३३ लाख रूपये कर्जपुरवठ्याचे उद्दिष्ट देण्यात आले होते. त्याचा पाठलाग करणाऱ्या बॅंकांनी चारही जिल्ह्यातील २ लाख ४५ हजार ९५६ सभासदांना १५३८ कोटी ५७ लाख ९६ हजाराचे कर्जवाटप केले. केवळ ३१.३३ टक्‍केच उद्दिष्टपूर्ती केली. 

चारही जिल्ह्यातील जिल्हा मध्यवर्ती सहकारी बॅंकांना मिळालेल्या ८२२ कोटी १२ लाख २३ हजार रुपये कर्जपुरवठ्याच्या उद्दिष्टाच्या तुलनेत १ लाख २७ हजार २८८ शेतकऱ्यांना ३४६ कोटी ३२ लाख ५० हजार रूपयांचे कर्जवाटप केले. ४२.१३ टक्‍के उद्दिष्ट गाठले. ग्रामीण बॅंकेला ६५६ कोटी २७ लाख रुपयांचे उद्दिष्ट देण्यात आले. मात्र  ४५२६३ सभासदांना ३२१ कोटी १७ लाख ८ हजार रुपयांचा कर्जपुरवठा करून सर्वाधिक ४८.९४ टक्‍के उद्दिष्ट पूर्ती केली.

सर्वाधिक कर्जवाटपाचे उद्दिष्ट मिळालेल्या व्यापारी बॅंकेने ३४३२ कोटी ९३ लाख रुपयांपैकी केवळ ७३४०५ सभासदांना ८७१ कोटी ८ लाख ३८ हजार रूपयांचा कर्जपूरवठा केला. केवळ २५.३७ टक्‍केज उद्दिष्टपूर्ती केली. हिंगोली जिल्ह्यात लक्षांकाच्या सर्वात कमी केवळ १६.५५ टक्‍के, तर औरंगाबाद जिल्ह्यात सर्वांत जास्त ४७.७७ टक्‍के कर्जपुरवठा करण्यात आला. जालना जिल्ह्यात ४१.०८ टक्‍के, परभणी जिल्ह्यात २२.२९ टक्‍के कर्जपुरवठा विविध बॅंकांनी केला. 

बॅंकांना रब्बी हंगामसाठी औरंगाबाद, जालना, परभणी व हिंगोली जिल्ह्यात ६४८० कोटी ३४ लाख कर्जपुरवठ्याचे उद्दिष्ट आहे. बहुतांश पीक हातचे गेल्याने शेतकऱ्यांकडे पैसा नाही. रब्बीत तरी बॅंका शेतकऱ्यांना वाऱ्यावर सोडणार नाहीत, अशी अपेक्षा आहे. 

रब्बीसाठी जिल्हानिहाय उद्दिष्ट (रुपये)

औरंगाबाद १७६० कोटी 
जालना १४९९ कोटी ९८ लाख 
परभणी  १७८३ कोटी ९१ लाख
हिंगोली १४३६ कोटी ४५ लाख 

रब्बीसाठी बॅंकनिहाय उद्दिष्ट 

जिल्हा मध्यवर्ती सहकारी बॅंका  ११५५ कोटी ९२ लाख
व्यापारी बॅंका ४४६९ कोटी ३९ लाख
ग्रामीण बॅंक ८५५ कोटी ३ लाख

 


इतर ताज्या घडामोडी
परभणी जिल्ह्यात पणन महासंघातर्फे दोन...परभणी : ‘‘महाराष्ट्र राज्य सहकारी कापूस उत्पादक...
पगारासाठी ‘आदिनाथ’च्या कामगारांचे आंदोलनकरमाळा, जि. सोलापूर : करमाळा येथील श्री आदिनाथ...
नगर जिल्ह्यात कांद्याला मिळाला वीस...नगर ः जिल्ह्यातील घोडेगाव (नेवासा), नगर, पारनेर...
राजू शेट्टी यांना कृषिमंत्री करा,...सोलापूर : लोकसभा व विधानसभा निवडणुकीत राजू शेट्टी...
मोर्शी तालुक्‍यातील कपाशीला वगळले पीक...अमरावती ः मॉन्सूनोत्तर पावसामुळे...
पुणे : ज्वारी पीक अमेरिकन लष्करी...पुणे ः यंदा खरीप हंगामात मका, कपाशीचे मोठ्या...
उभी पिके वन्यप्राण्यांकडून फस्त; शेतकरी...ढेबेवाडी, जि. सातारा : पीक काढणी सुरू असतानाच...
नाशिक जिल्ह्यात मजूरटंचाईचा फटका; भात...नाशिक : जिल्ह्यातील मुख्य भात पट्टा असलेल्या...
सिन्नर तालुक्यात दरवाढीमुळे कांदा...नाशिक : अतिवृष्टीमुळे कांद्याच्या रोपांची मोठ्या...
नगर जिल्ह्यात हरभरा पेरणीलाही वेग येईना नगर ः जिल्ह्यात रब्बीत हरभऱ्याची सुमारे १ लाख २०...
कोल्हापूर जिल्ह्यात ऊसतोडणीत पावसाचा ‘...कोल्हापूर : जिल्ह्यातील साखर कारखाने सुरू...
‘ताकारी’च्या पूर्णत्वासाठी ४९० कोटींची...सांगली : ताकारी उपसा सिंचन योजनेसाठी सुधारित...
होय, पश्‍चिम विदर्भातही धान उत्पादन शक्यअकोला ः राज्यात धानाचे पीक पूर्व विदर्भात मोठ्या...
‘कृषी विभागाने केलेले पंचनामेच...नगर ः आॅक्टोबर महिन्यात झालेल्या पावसामुळे...
मराठा चेंबर ऑफ कॉमर्सच्या पुरस्कारांची...पुणे ः मराठा चेंबर ऑफ कॉमर्स इंडस्‍ट्रीज ॲण्ड ॲ...
ढगाळ हवामानाने वाढविली द्राक्ष...सांगली ः जिल्ह्यात रात्रभर पडलेला पाऊस आणि ढगाळ...
राज्य सरकारचा बुलेट ट्रेनला ब्रेकमुंबई  ः मुख्यमंत्री उद्धव ठाकरे यांनी पदभार...
चिमुकलीने गावातील अस्वच्छतेची कैफियत...अमरावती ः रस्त्यावरील सांडपाणी, अस्वच्छता आणि...
उत्तर महाराष्ट्रात सर्वाधिक एफआरपी...नाशिक : जिल्ह्यात सर्व सहकारी साखर कारखाने बंद...
पंकजा मुंडेंची पोस्ट समर्थकांना केवळ...बीड : माजी ग्रामविकासमंत्री आणि भाजप नेत्या पंकजा...