तुरीने खुल्या बाजारात ओलांडला हमीभावाचा टप्पा

तुरीचे शासनाकडून हमी दराने खरेदी केली जात असली तरी खुल्या बाजारात आता तुरीने हमीभावाचा टप्पा ओलांडला आहे. नगर येथील कृषी उत्पन्न बाजार समितीत तुरीला ६ हजार ६५० रुपयाचा प्रती क्विंटल दर मिळाला आहे.
तुरीने खुल्या बाजारात ओलांडला हमीभावाचा टप्पा In the open market with the trumpet Cross the guarantee stage
तुरीने खुल्या बाजारात ओलांडला हमीभावाचा टप्पा In the open market with the trumpet Cross the guarantee stage

नगर : तुरीचे शासनाकडून हमी दराने खरेदी केली जात असली तरी खुल्या बाजारात आता तुरीने हमीभावाचा टप्पा ओलांडला आहे. नगर येथील कृषी उत्पन्न बाजार समितीत तुरीला ६ हजार ६५० रुपयाचा प्रती क्विंटल दर मिळाला आहे. सध्या नगरसह जिल्हाभरात सुमारे पाचशे क्विंटलच्या जवळपास तुरीची आवक होत आहे. खुल्या बाजारात दर वाढल्याने हमी केंद्रावरील तूर खरेदीवर परिणाम होण्याची शक्यता आहे.

नगर जिल्ह्यात यंदा ५८ हजार हेक्टर क्षेत्रावर तुरीची पेरणी झाली होती. काही भागातील नुकसानीचा अपवाद वगळला तर यंदा चांगल्या पावसामुळे तुरीचे बंपर उत्पादन निघाले आहे. कृषी विभागाच्या अंदाजानुसार साडे नऊ क्विंटल हेक्टरी उत्पादन दाखवले जात असले तरी यंदा प्रत्यक्षात हेक्टरी पंधरा क्विंटलपेक्षा अधिक उत्पादन निघाले आहे. तूर बाजारात आल्यानंतर दर्जा चांगला नसल्याचे सांगत कमी दराने खरेदी केली जात असल्याने हमीदराने खरेदी करण्याची मागणी केली.

त्यानुसार नगर जिल्ह्यात १२ ठिकाणी जिल्हा मार्केटिंग फेडरेशनमधून तूर खरेदी केली जात आहे. मात्र अनेक वर्षांनंतर यंदा पहिल्यांदाच खुल्या बाजारात तुरीने हमी दराचा टप्पा ओलांडला आहे. एक महिन्यांपूर्वी साधारण पाच हजार रुपये तर पंधरा दिवसांपूर्वी साडेपाच हजारांचा तुरीला दर होता. गेल्या आठ दिवसांत त्यात वाढ होऊन सहा हजारांचा टप्पा ओलांडला आहे. तुरीची हमी केंद्रावर सहा हजार रुपये प्रती क्विंटल दराने खरेदी केली जात असली तरी खुल्या बाजारात ६ हजार ६५० रुपयाचा प्रती क्विंटल दर मिळत आहे.

खुल्या बाजारात दर वाढल्याने हमी केंद्रावरील तूर खरेदीवर परिणाम होताना दिसत आहे. तुरीच्या दरात अजून वाढ होण्याची शक्यता व्यक्त केली जात आहे. तुरीच्या दरवाढीचा मात्र तूर दाळीच्या दरावर परिणाम होण्याची शक्यता आहे.

तूर पिकावर दृष्टीक्षेप

  •   खरीप हंगामात ५८ हजार हेक्टरवर पेरणी
  •   हेक्टरी सुमारे पंधरा क्विंटल उत्पादन
  •   जिल्ह्यात बारा ठिकाणी हमीभाव खरेदी केंद्रे. हमीभाव खरेदी ६०००, तर खुल्या बाजारात ६६५० रुपये प्रति क्विंटल विक्री
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com