द्राक्षपट्ट्यासह आदिवासी भागात खुलली स्ट्रॉबेरीची लाली

द्राक्षपट्ट्यासह आदिवासी भागात खुलली स्ट्रॉबेरीची लाली
द्राक्षपट्ट्यासह आदिवासी भागात खुलली स्ट्रॉबेरीची लाली

नाशिक  : स्ट्रॉबेरी लागवडीसाठी महाबळेश्वरची राज्यभर ओळख आहे. त्याखालोखाल उत्तर महाराष्ट्रात सुरगाणा, कळवण या तालुक्यांत अल्प प्रमाणावर लागवडी होऊ लागल्या आहेत. मात्र, तांत्रिक मार्गदर्शन नसल्याने यात अडचणी होत्या. यावर ओम गायत्री शेतकरी उत्पादक कंपनीने आदिवासी भागासह द्राक्षपट्ट्यात स्ट्रॉबेरी लागवडीचा प्रयोग यशस्वी केला आहे. त्यामुळे द्राक्षपट्ट्यात आता स्ट्रॉबेरीची लाली पाहायला मिळत आहे.  गेल्या काही वर्षांत नाशिक जिल्ह्यात थंडीत तापमान ५ अंश सेल्सिअस खाली जात आहे. त्यात निफाड तालुक्यात तर यापेक्षाही कमी तापमानाच्या नोंदी झाल्या आहेत. त्यामुळे द्राक्ष उत्पादकांना याचा फटका बसत असल्याने एक पर्यायी पीक प्रयोग म्हणून त्यानुसार स्ट्रॉबेरी लागवडीचा निर्णय ओम गायत्री शेतकरी उत्पादक कंपनीने घेतला. लागवडीसाठी मातृवृक्ष उपलब्ध करून त्यानुसार निफाड तालुक्यातील खडक माळेगाव येथे तसेच कळवण, सुरगाणासह गुजरातमधील सापुतारा भागात ४०० शेतकऱ्यांना बरोबर घेऊन हा प्रयोग यशस्वी केला आहे. गेल्या महिन्यापासून स्ट्रॉबेरी हंगाम सुरू झाला आहे. या फळांना चांगली चव असल्याने स्थानिक बाजारात व पर्यटकांना थेट विक्री केली जात आहे.  पिकाचे अर्थकारण असे  दर दिवसाआड स्ट्रॉबेरीची काढणी सुरू असून, एक तोड्यात २०० किलो उत्पादन मिळत आहे. त्यास ६० ते ७० रुपये प्रतिकिलो स्थानिक बाजारात दर मिळत आहे. नाशिकमध्ये येणाऱ्या पर्यटकांना आता नाशिकच्या स्ट्रॉबेरीची चव चाखायला मिळत आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com