पुणे-मुळशी बाजार समितीच्या विलीनीकरणास अडत्यांचा विरोध

पुणे-मुळशी बाजार समितीच्या विलीनीकरणास अडत्यांचा विरोध
पुणे-मुळशी बाजार समितीच्या विलीनीकरणास अडत्यांचा विरोध

पुणे : पुणे कृषी उत्पन्न बाजार समितीची पाचव्यांदा पुनर्रचना करण्यात आली असून, आता मुळशी बाजार समितीचे पुणे बाजार समितीमध्ये विलीनीकरण करण्यात आले आहे. या विलीनीकरणास श्री छत्रपती शिवाजी मार्केट यार्ड आडते असोसिएशनने विरोध दर्शविला आहे. बाजार घटकांना विश्वासात घेतले नसल्याचा आरोप करतानाच, पुणे बाजार समितीच्या उत्पन्नातून मुळशी बाजार समितीच्या विकास करू नये, अशी मागणीदेखील असोसिएशनने पत्रकार परिषदेत केली. 

असोसिएशनचे अध्यक्ष विलास भुजबळ, उपाध्यक्ष राजेंद्र कोरपे, अमोल घुले, युवराज काची, सचिव रोहन उरसळ यावेळी उपस्थित होते. भुजबळ म्हणाले, ‘‘पुणे बाजार समिती नवीन बाजारासाठी दिवे येथे ४०० एकर जागा खरेदीसाठी पाठपुरावा करीत आहे. मग मुळशी बाजार समिती विलणीकरणाचा घाट कशासाठी घातला जात आहे. कार्यक्षेत्रात सतत बदल करून निवडणुका टाळल्या जातात. मागील १५ ते १६ वर्षांपासून पुणे बाजार समितीची निवडणक झालेली नाही.’’ 

दरम्यान बाजार समितीचे प्रशासक बी. जे. देशमुख म्हणाले, ‘‘मुळशी बाजार आवारासाठी १०० एकर जमीन संपादित करण्यासाठी जिल्हाधिकाऱ्यांकडे पैसे जमा आहेत. यातच आता नव्याने भूसंपादन प्रक्रिया राबवावी लागणार आहे. जमीन संपादनासाठी निधी उभारण्यासाठी बाजार समितीच्या १७० कोटींच्या ठेवीतून रक्कम देण्यात येईल’’, असेही देशमुख यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com