Agriculture news in Marathi Opposition to sale of lemons only in certain places in Pune | Page 2 ||| Agrowon

पुण्यात विशिष्ट ठिकाणीच लिंबे विक्रीला विरोध

टीम अॅग्रोवन
सोमवार, 21 सप्टेंबर 2020

गुलटेकडी येथील कृषी उत्पन्न बाजार समितीने लिंबाची विक्री ही फक्त फळबाजारातच करण्याच्या आदेशाला शेतकरी, आडते आणि आडते असोसिएशनने विरोध केला आहे

पुणे ः गुलटेकडी येथील कृषी उत्पन्न बाजार समितीने लिंबाची विक्री ही फक्त फळबाजारातच करण्याच्या आदेशाला शेतकरी, आडते आणि आडते असोसिएशनने विरोध केला आहे. विशिष्ट आडते संघटित होऊन, लिंबाचे दर पाडण्याचा धोका शेतकऱ्यांना वाटत असून, सध्याची लिंबे विक्रीची विकेंद्री पद्धतीत स्पर्धात्मक दर मिळत असल्याचा शेतकऱ्यांचा अनुभव आहे. मात्र,केवळ काही मोजक्या आडत्यांनी एजंटद्वारे नवीन प्रशासकांना चुकीची माहिती देत संभ्रम निर्माण करून आदेश काढण्यात आल्याची चर्चा आहे. या निर्णया विरोधात आडते असोसिएशन प्रशासकांना वस्तुस्थितीची जाणीव करून देणार आहे.   

बाजार समितीमध्ये वर्षानुवर्षे लिंबाची विक्री फळ आणि भाजीपाला विभागात सुरू आहे. मात्र, काही मोजक्या आडत्यांनी संघटितपणे आपल्याच गाळ्यावर लिंबाची विक्री व्हावी यासाठी एका एजंटाद्वारे प्रशासकांची भेट घेतली. यावेळी नव्याने पदभार घेतलेल्या आणि बाजार आवारासह बाजार व्यवस्थांची अपुरी माहिती असलेल्या प्रशासकांना संभ्रम निर्माण होणारी माहिती देत फक्त फळबाजारात लिंबे विक्रीचा आदेश काढण्यास भाग पाडले. मात्र, या निर्णयाला आडते असोसिएशन आणि इतर लिंबे विक्रेते आडतदारांनी विरोध
केला आहे. भाजीपाला विभागातील अनेक आडते लिंबाचा व्यवसाय करतात, तर बाजार समिती स्थापनेपासून लिंबे केवळ फळ विभागातच विक्री व्हावी असा कोणताही कायदा आणि नियम नसताना केवळ काही निवडक आडत्यांसाठी हा निर्णय का घेतला या बाबत बाजार घटकांमध्ये आश्‍चर्य व्यक्त होत आहे.

याबाबत भाजीपाला विभागातील लिंबाचे आडते विलास निलंगे म्हणाले, ‘‘माझ्यासह अनेकांच्या आडतीवर लिंबाची विक्री होते. यामुळे शेतकऱ्यांना स्पर्धात्मक दर मिळत आहे. मात्र फळ विभागात शेजारी शेजारी असणाऱ्या केवळ चार लिंबे आडत्यांनी आमच्याच आडतीवर माल यावा या उद्देशाने एका एजंटच्या माध्यमातून प्रशासकांना केवळ फळ विभागातच लिंबे विक्रीचा आदेश काढण्यात आला. हा दुर्देवी आहे. याबाबत आम्ही विभागप्रमुखांकडे तक्रार केली आहे. ’’

माझी १ हजार लिंबाची झाडे असून, सध्या दिवसाआड २५ ते ३० डाग माल सुरू आहे. लिंबे मी भाजीपाला विभागातील पाच सहा विविध आडतीवर विक्री करतो. मात्र, आता बाजार समितीने केवळ फळ विभागातच लिंबे विक्रीची केलेली सक्ती अन्यायकारक आहे. यामुळे दोन चार आडतीवर सगळा माल गेला आणि लिलावाला दुपार झाली तर लिंबाचे दर निम्म्याने कमी होतात. तर एकाच ठिकाणी दोन चार आडते असले की ते संघटीतपणे दर पाडण्याचा धोका आहे. यामध्ये शेतकऱ्यांचे नुकसान आहे. तरी पारंपरिक पद्धतीने भाजीपाला विभागातील आडतीवर देखील लिंबाच्या विक्रीची परवानगी हवी.’’
- बापू पडवळकर, लिंबू उत्पादक शेतकरी, चिलोडी. ता. कर्जत. जि.नगर


इतर ताज्या घडामोडी
काजूसाठी हवामान आधारित फळपीक विमा योजना...ही योजना काजू पीक विम्यासाठी अधिसूचित कोल्हापूर,...
नाशिकमध्ये दोडका सरासरी ४१६५ रूपये नाशिक : येथील कृषी उत्पन्न बाजार समितीमध्ये...
संरक्षित शेतीचे महत्त्वसंरक्षित शेतीमध्ये हरितगृह किंवा शेडनेटगृहाचा...
पोषक आहारासाठी बियाणे स्वावलंबन...येत्या काळात कमी पाण्यावर येणारी पिके बाजरी,...
सब्जा बियांचे आरोग्यदायी फायदे सब्जामध्ये प्रथिने तसेच आरोग्याच्या दृष्टीने...
सांगली जिल्ह्यातील भाजीपाला पिके...सांगली ः सांगली जिल्ह्याची ओळख भाजीपाला...
सणासुदीत निष्काळजीपणा नको ः पंतप्रधान...नवी दिल्ली ः देशातील लॉकडाउन संपला तरी कोरोनाचा...
कांदा बियाण्यांचा काळाबाजार सुरूचनाशिक : मागील वर्षी उन्हाळ कांदा बीजोत्पादनावेळी...
लाचखोर तलाठ्यास कारावासवर्धा : सातबारावरील चूक दुरुस्तीसाठी पंधरा...
‘गोकूळ’ देणार दूध संस्‍थांना दरफरकापोटी...कोल्‍हापूर : कोल्‍हापूर जिल्‍हा सहकारी दूध...
केंद्राने महाराष्ट्राच्या हक्काचे ३०...मुंबई : कोरोना संकटामुळे महाराष्ट्रासमोर आर्थिक...
बिहारला मदत, मग महाराष्ट्राला का नाही?...मंगळवेढा, जि. सोलापूर : केंद्र शासनाने बिहारमध्ये...
शेतकऱ्यांशी सरकारला देणेघेणे नाही ः...करमाळा, जि. सोलापूर : मुख्यमंत्री उद्धव ठाकरे हे...
पिकांचे पंचनामे करून प्रस्ताव तातडीने...सोलापूर : नुकसानग्रस्त शेतकऱ्यांच्या जीवनाला...
सोलापूर जिल्ह्यातील तब्बल ७५ महसूल...सोलापूर :  जिल्ह्याला अतिवृष्टीचा मोठा...
सांगली जिल्ह्यात कृष्णाकाठावरील कृषिपंप...सांगली : जिल्ह्यात गेल्या आठवड्यात अतिवृष्टी झाली...
रत्नागिरीत भातशेतीवर अस्मानी संकटरत्नागिरी : ‘‘ऑक्टोबर महिन्यातील मुसळधार...
नाशिक जिल्ह्यात मका विक्रीत...येवला, जि. नाशिक : सध्या बाजार समित्यांसह खासगी...
नुकसानपातळी अधिक, केंद्रानेही मदत करावी...नाशिक : ‘‘परतीच्या पावसामुळे कापणी योग्य झालेली...
रिसोड तालुक्यात सोयाबीनची हेक्टरी अडीच...रिसोड, जि. वाशीम ः  सततच्या पावसाने सोयाबीन...