agriculture news in Marathi orange export to Bangladesh on hold Maharashtra | Agrowon

बांगलादेशमधील संत्रा निर्यात लांबणीवर

टीम अॅग्रोवन
गुरुवार, 29 ऑक्टोबर 2020

नाशवंत शेतमाल उतरविण्यासाठीच्या सुविधांचा तेथील बेनापोल स्थानकावर अभाव असल्यामुळे ही निर्यात अनिश्चित काळासाठी लांबणीवर पडली आहे.

नागपूर : तांत्रिक कारणांमुळे बांगलादेशमध्ये रेल्वेने होणारी प्रस्तावित संत्रा निर्यात अडचणीत आली आहे. नाशवंत शेतमाल उतरविण्यासाठीच्या सुविधांचा तेथील बेनापोल स्थानकावर अभाव असल्यामुळे ही निर्यात अनिश्चित काळासाठी लांबणीवर पडली आहे. 

रेल्वेच्या माध्यमातून स्वस्त आणि कमी वेळात शेतमाल वाहतुकीचा पर्याय उपलब्ध करून देण्यात आला आहे. केंद्रीय मंत्री नितिन गडकरी यांनी यासाठी विशेष पुढाकार घेतला. त्यांच्याच प्रयत्नामुळे शेतमाल वाहतुकीवरील ५० टक्के अनुदान आता थेट दिले जाणार आहे.  त्यामुळे वाहतूक खर्च देखील निम्म्यावर आला आहे. शेतकऱ्यांनी देखील याला प्रतिसाद देत वीस पार्सल व्हॕनच्या माध्यमातून ४६० टन संत्रा बांगलादेशला निर्यात करण्याचा निर्णय घेतला. तब्बल अकरा वर्षांनंतर अमरावती जिल्ह्याच्या संत्रनगरी वरूड रेल्वेस्थानकावरून ही निर्यात  होणार होती. 

श्रमजीवी नागपुरी संत्रा उत्पादक कंपनीसह वरुड भागातील अनेक शेतकरी उत्पादक कंपन्यांचा संत्रा रेल्वेने बांग्लादेशला पाठविण्यात येणार होता. मंगळवार (ता.२०) त्याकरता निश्चित करण्यात आला होता. परंतु वरुड रेल्वे स्थानकावर तयार करण्यात आलेल्या तात्पुरता मालधक्का क्षतीग्रस्त झाला, त्यामुळे मंगळवारी ऐवजी शनिवारी (ता.२५) संत्रा स्पेशलगाडी मार्गस्थ करण्याचे ठरले. 

मात्र, बांगलादेशमधील बेनापोल स्थानकावर एकावेळी चारच पार्सल व्हॕन रिकामी करता येतात अशी माहिती समोर आली. एक पार्सल व्हॕन खाली करण्यासाठी साधारणतः तीन तासांचा वेळ लागतो. त्यानुसार विस पार्सल व्हॅनमधील माल उतरविण्यास ६० तास लागतील. रेल्वेच्या नियमानुसार पार्सल व्हॅनमध्ये मारणे आणि उतरविणे याकरिता सात तासांचा कालावधी दिला जातो.

त्यापेक्षा जास्त वेळ लागल्यास अतिरिक्त शुल्क आकारले जाते. त्यातच संत्रा फळ नाशवंत असल्याने माल चढविणे आणि उतरविणे तसेच ३० तास वाहतूक असा बराच वेळ जातो. परिणामी संत्रा खराब होण्याची भिती आहे. या कारणामुळे संत्र्याची  रेल्वेच्या माध्यमातून बांगलादेश पर्यंतची निर्यात अनिश्चित काळासाठी लांबणीवर पडली आहे.

प्रतिक्रिया
सुरुवातीला मंगळवार (ता.२०) त्यानंतर शनिवारी (ता. २५) बांगलादेशला संत्रा पाठवविण्याचे ठरले होते. परंतु आता तांत्रिक अडचणीमुळे ही निर्यात लांबणीवर पडली आहे. किसान रेल्वेच्या माध्यमातून दर बुधवारी दिल्लीपर्यंत संत्रा नियमित पाठविला जात आहे. 
- रमेश जिचकार, कार्यकारी संचालक, श्रमजीवी नागपुरी संत्रा उत्पादक कंपनी, वरुड, जि.  अमरावती


इतर अॅग्रोमनी
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
तूर, उडीद आयात कालावधी वाढविल्याचा होईल...पुणे : केंद्र सरकारने तूर आणि उडीद आयातीसाठीचा...
हळद निर्यात ऑगस्टमध्ये ११ टक्क्यांनी...पुणे : देशात निर्यातयोग्य हळदीचा साठा उपलब्ध आहे...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
केंद्राच्या निर्य़ातीनंतर सोयाबीनच्या...पुणे : केंद्र सरकारने खाद्यतेल आयात शुल्कात कपात...
केंद्र सरकारकडून खाद्यतेल आयात शुल्कात...नवी दिल्ली ः देशात खाद्यतेलाच्या वाढत्या किमतीवर...
वाढत्या मागणीने हरभरा दरात सुधारणापुणे : साठेबाज, व्यापारी आणि मिलर्सवर असलेली...
तूर, मूग, उडीद आयातीची प्रक्रिया सुरू;...पुणे : केंद्र सरकारने पंचवार्षिक करार करून...
रब्बीचे हमीभाव जाहीर : गव्हात ४०; हरभरा...नवी दिल्ली : केंद्र सरकारने रबी हंगामासाठी...
उडीद दरात सुधारणेची चिन्हेपुणे ः गेल्या हंगामात देशात उडदाचे उत्पादन कमी...
बेदाणा दरात प्रतिकिलो २५ ते ३० रुपयांची...सांगली : अफगाणिस्तानात तालिबानी राजवट आल्यामुळे...
जालन्यात रेशीम कोषाला उच्चांकी ५१...जालना : जालना कृषी उत्पन्न बाजार समिती अंतर्गत...
साखरेच्या किमान विक्री दरात वाढ करावी...नागपूर : एफआरपीत वाढ झाली असतानाच साखरेच्या...
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...
साखरदराचा वारू चौखूर उधळला; ३५०० चा...कोल्हापूर : गेल्या पंधरा दिवसांपासून स्थानिक...
पंढरपुरात बेदाण्यास सर्वाधिक ३०५ रुपये...सोलापूर : पंढरपूर कृषी उत्पन्न बाजार समितीमध्ये...
सोयापेंड आयात थांबवा : राज्य सरकारचे...पुणे : जनुकीय परावर्तित (जीएम) सोयाबीनपेंडच्या...
साखर दराला झळाळी; दोन वर्षांतील...कोल्हापूर : साखरेच्या आंतरराष्ट्रीय बाजारात...
ब्राझीलला दणका; भारतीय साखर उद्योगास...जगात घडणाऱ्या प्रत्येक छोट्या-मोठ्या घटनांमुळे...