Agriculture news in Marathi Orange prices rise in Nagpur | Page 2 ||| Agrowon

नागपुरात संत्रा दरात तेजी

टीम अॅग्रोवन
मंगळवार, 19 जानेवारी 2021

आंबिया बहाराचा हंगाम अंतिम टप्प्यात असतानाच आता संत्रा दरात तेजी अनुभवली जात आहे. सुरुवातीला ८०० ते १००० रुपये क्‍विंटल असलेल्या संत्र्याचे व्यवहार २००० ते २४०० रुपये क्‍विंटलवर पोचल्याची माहिती व्यापारी सूत्रांनी दिली.

नागपूर ः आंबिया बहाराचा हंगाम अंतिम टप्प्यात असतानाच आता संत्रा दरात तेजी अनुभवली जात आहे. सुरुवातीला ८०० ते १००० रुपये क्‍विंटल असलेल्या संत्र्याचे व्यवहार २००० ते २४०० रुपये क्‍विंटलवर पोचल्याची माहिती व्यापारी सूत्रांनी दिली. मोठ्या आकाराच्या संत्रा फळांना हा दर मिळत आहे. बाजारातील संत्र्याची आवक १२०० क्‍विंटलची आहे. बाजारात मोसंबीची देखील आवक होत असून त्याचे दर ३००० ते ३५०० रुपये क्‍विंटलवर पोचले आहेत.

विदर्भाचे मुख्य फळपीक असलेल्या संत्र्याच्या आंबिया बहारातील आवक सध्या होत आहे. त्यासोबतच काही शेतकरी मृगातील संत्रा देखील विक्रीसाठी आणत आहेत. आंबिया बहारातील संत्र्यांचा हंगाम अंतिम टप्प्यात आहे. त्यामुळे दरात तेजी आली आहे. याच महिन्याच्या सुरुवातीला संत्रा दर १२०० ते १४०० रुपये होते. हंगाम अंतिम टप्प्यात आला असताना त्यात टप्याटप्याने वाढ होत गेली. १६०० ते २१०० रुपये आणि आता २००० ते २४००० रुपयांचा पल्ला संत्रा दराने गाठला आहे. ज्या शेतकऱ्यांनी व्यवस्थापनाच्या माध्यमातून संत्रा झाडावर ठेवला त्यांना या दरातील तेजीचा फायदा होत आहे.

बाजारात मोसंबीला जानेवारीच्या पहिल्या आठवड्यात २५०० ते ३००० रुपये दर होता. मोसंबीची आवक १००० क्‍विंटलची होती. त्यानंतरच्या काळात मोसंबीचे दर ३००० ते ३८०० रुपयांवर पोचले. आता ३००० ते ४००० रुपयांवर मोसंबी दर स्थिर आहेत. बाजारात केळीची आवक २२ क्‍विंटलच्या घरात आहे. केळीला कमीत कमी ४५० तर जास्तीत जास्त ५५० रुपये इतका दर मिळत असून हाच दर पंधरा दिवसांपासून स्थिर आहे. द्राक्षाचे व्यवहार ४००० ते ६००० रुपये क्‍विंटलने होत असून आवक १८९ क्‍विंटलची आहे.

डाळिंब ५००० ते १२ हजार रुपये क्‍विंटल असून आवक ४१२ क्‍विंटलची होती. बाजारात बटाट्याची आवक ३००० क्‍विंटलवर आहे. भंडारा तसेच लगतच्या मध्यप्रदेशातून बटाटा आवक होते. बटाटा दर १२०० ते २००० रुपये असे राहिले. बाजारात पांढऱ्या कांद्याची आवक १५०२ क्‍विंटल आणि दर २८०० ते ३५०० रुपये होते. लाल कांदा आवक १५०० आणि दर २८०० ते ३५०० रुपये मिळाले. बाजारात लसूण आवक सरासरी ४०० क्‍विंटल होती. लसूणाला ४००० ते ८५०० रुपयांचा दर मिळाला.


इतर ताज्या घडामोडी
निरा-भाटघरच्या कालवा दुरुस्तीसाठी ...सोलापूर : पंढरपूर तालुक्यातील अनवली येथील निरा...
नवीन बाग लागवडीचे नियोजनएकदा लागवड झाली, की पुढील १२ ते १४ वर्षे वेल...
मिरचीवरील किडींचे एकात्मिक व्यवस्थापनमिरची हे प्रमुख भाजीपाला पीक आहे. या पिकाची कमी...
भाजीपाला पिकावरील कीडनियंत्रणकाकडीवर्गीय भाजीपाला पिके, टरबूज, खरबूज, कांदा,...
औरंगाबाद, जालना, लातूरमध्ये हरभरा...लातूर : मराठवाड्यातील औरंगाबाद, जालना व लातूर या...
शेतकरी नियोजन पीक : डाळिंबनातेपुते (ता. माळशिरस) येथे माझी ६० एकर शेती आहे...
वारस नोंदीचे काम ३१ मार्चपर्यंत पूर्ण...सोलापूर ः जिल्ह्यात रखडलेले वारसनोंदीचे काम...
सोलापूर बाजार समितीत तपासणीशिवाय...सोलापूर ः कोरोनाच्या पार्श्‍वभूमीवर सोलापूर कृषी...
मोसंबी केंद्राच्या रोपवाटिकेची...बदनापूर, जि. जालना : ‘‘राष्ट्रीय पातळीवरील...
राज्यातील १००० तरुणांना पर्यटन...पुणे ः पर्यटनातून ग्रामीण भागातील अर्थव्यवस्था...
नुकसानभरपाईच्या निर्णयाची अंमलबजावणी...औरंगाबाद : ‘‘जिल्ह्यातील प्रत्येक तालुक्‍यात खरीप...
बुलडाण्यात एक लाख ८७ हजार क्विंटल...बुलडाणा ः यंदाच्या हंगामात शासनाने भरड धान्य...
‘पणन’ची कापूस खरेदीला मुदतवाढनागपूर : राज्यात २८ फेब्रुवारी पासून कापूस खरेदी...
परभणी जिल्ह्यात पीक कर्जवाटपाचे...परभणी ः जिल्ह्यात यावर्षी गुरुवार (ता.२५) पर्यंत...
चांदोली धरणात २५.७२ टीएमसी साठाशिराळा, जि. सांगली ः चांदोली धरणाची पाणीसाठा...
‘सीताई’कडून ‘शेतकरी ते ग्राहक’ थेट...सोलापूर ः सीताई नॅचरल फार्मर प्रोड्यूसर कंपनीच्या...
रत्नागिरी : गारपिटीचा आंबा बागांना फटकारत्नागिरी ः पंधरा दिवसांपूर्वी झालेल्या मुसळधार...
शेतकरी सन्मान योजना कृषी विभागाकडे वर्ग...परभणी ः पंतप्रधान शेतकरी सन्मान योजना पूर्णपणे...
वैधानिक मंडळावरून विदर्भातील नेते आक्रमकनागपूर : अर्थसंकल्पीय अधिवेशनाच्या पहिल्याच दिवशी...
हिंगोली जिल्ह्यास हळद क्लस्टर जाहीर करा...हिंगोली : ‘‘राज्याच्या अर्थसंकल्पामध्ये हिंगोली...