परभणी जिल्ह्यात फळबागांची २३३ हेक्टरवरच लागवड

परभणी : जिल्ह्यात भाऊसाहेब फुंडकर फळबाग लागवड योजनेअंतर्गत २०१९-२० च्या हंगामात फळबाग लागवडीस ९५५ शेतकऱ्यांना प्रशासकीय मंजुरी मिळाली. यांपैकी २१७ शेतकऱ्यांनी २३३.५० हेक्टरवर फळबाग लागवड केली. त्यावर ७० लाख ५ हजार रुपये निधी खर्च झाला, अशी माहिती कृषी विभागाच्या सूत्रांनी दिली.

या योजनेअंतर्गत २०१९-२० या वर्षासाठी ४ कोटी २८ लाख ६२ हजार रुपये निधीची तरतूद आहे. २०१८-१९ आणि २०१९-२० मध्ये जिल्ह्यातील १५ हजार २३७ शेतकऱ्यांनी ३ हजार ३०५ हेक्टरवर फळबाग लागवडीसाठी प्रस्ताव दाखल केले होते. त्यापैकी ३ हजार ३०५ शेतकऱ्यांना ३ हजार ९८ हेक्टरवर फळबाग लागवडीसाठी पूर्वसंमती देण्यात आली. ९८७ शेतकऱ्यांना ८९५.२० हेक्टरवर फळबाग लागवडीसाठी तांत्रिक मान्यता देण्यात आली.

आजवर २३३.५० हेक्टरवरील फळबागेसाठी ७० लाख ५ हजार रुपयांचा निधी खर्च झाला आहे. अनेक मंडळांमध्ये अपुऱ्या पावसामुळे सिंचनासाठी पाणी उपलब्ध नसल्यामुळे फळबाग लागवड ठप्प झाली आहे.

फळबाग लागवड क्षेत्र (हेक्टरमध्ये)