Agriculture news in marathi, Order for action on four sugar factories in Satara district | Agrowon

सातारा जिल्ह्यातील चार साखर कारखान्यांवर कारवाईचे आदेश

टीम अॅग्रोवन
रविवार, 22 सप्टेंबर 2019

सातारा  : गाळप हंगामातील ऊस उत्पादकांची एफआरपी रक्‍कम थकविणाऱ्या जिल्ह्यातील चार कारखान्यांविरुद्ध कारवाईचे आदेश साखर आयुक्‍त शेखर गायकवाड यांनी जिल्हाधिकारी श्‍वेता सिंघल यांना शुक्रवारी (ता.२०) दिले. एफआरपीची रक्‍कम न दिल्यास संबंधित कारखान्यांच्या साखर आणि बगॅस विक्रीतून वसुली करण्यात येणार आहे.

सातारा  : गाळप हंगामातील ऊस उत्पादकांची एफआरपी रक्‍कम थकविणाऱ्या जिल्ह्यातील चार कारखान्यांविरुद्ध कारवाईचे आदेश साखर आयुक्‍त शेखर गायकवाड यांनी जिल्हाधिकारी श्‍वेता सिंघल यांना शुक्रवारी (ता.२०) दिले. एफआरपीची रक्‍कम न दिल्यास संबंधित कारखान्यांच्या साखर आणि बगॅस विक्रीतून वसुली करण्यात येणार आहे.

शरयू शुगर्स, बाळासाहेब देसाई कारखाना, ग्रीन पॉवर व न्यू फलटण शुगर्स या चार कारखान्यांचा यात समावेश आहे. खटाव तालुक्यातील ग्रीन पॉवर शुगर्स लिमिटेड या कारखान्याने २०१८-१९ च्या हंगामातील गाळप उसाचे थकीत एफआरपी पाच कोटी दोन लाख ११ हजार रुपये थकीत आहेत. पाटण तालुक्यातील लोकनेते बाळासाहेब देसाई सहकारी साखर कारखान्याने २०१८-१९ च्या हंगामातील दोन कोटी ३३ लाख ५९ हजार रुपये थकीत ठेवले आहेत. फलटण तालुक्यातील शरयु अ‍ॅग्रो इंडस्ट्रीज लिमिटेडने २०१८-१९ च्या हंगामातील एफआरपीची १६ कोटी २३ लाख ७१ हजार रुपये देणे बाकी आहे. 

२०१७-१८ ऊस गाळप हंगामातील साखरवाडी येथील न्यू फलटण कारखान्याने एक कोटी ३८ लाख ८२ हजार रुपये थकविले आहेत. या चार कारखान्यांकडे एकूण २४ कोटी ९७ लाख रुपये इतकी एफआरपीची थकीत रक्‍कम आहे. ही रक्‍कम वेळेत न दिल्यास त्यावर १५ टक्‍के व्याजदर आकारण्यात येणार आहे. वसुलीसाठी साखर कारखान्यांतील उत्पादित साखर आणि बगॅस विक्रीतून शेतकऱ्यांची थकीत देणी द्यावीत, असे आदेशात नमूद केले आहे. 

या कारवाईसाठी सातारा जिल्हाधिकाऱ्यांना सूचना देण्यात आल्या आहेत. राज्यात २०१८-१९ मध्ये एकूण १९५ साखर कारखान्यांनी गाळप हंगाम घेतला. या कारखान्यांनी ९५२ लाख मेट्रिक टन उसाचे गाळप केले. ऊस उत्पादक शेतकऱ्यांना एफआरपीपोटी २३ हजार २९३ कोटी रक्‍कम देय होती. त्यापैकी २२ हजार ९१५ कोटी रुपये शेतकऱ्यांना देण्यात आले आहेत. 

१३९ कारखान्यांनी दिली पूर्ण रक्कम 

राज्यात यंदाच्या हंगामात १३९ साखर कारखान्यांनी एफआरपीची पूर्ण रक्‍कम दिली आहे. ४५ कारखान्यांनी ८० ते ९९ टक्‍के, आठ कारखान्यांनी ६० ते ७९ टक्के, तर तीन कारखान्यांनी ०० ते ५९ टक्के रक्‍कम दिली आहे. रक्कम एफआरपी थकविणाऱ्या ८६ कारखान्यांवर आरआरसी कारवाई करण्यात आली. काही कारखान्यांकडे ३९७ कोटी रुपये थकीत असून, हे प्रमाण केवळ १.७१ टक्‍के आहे.


इतर ताज्या घडामोडी
रत्नागिरी जिल्ह्यातील नद्यांना पूर,...रत्नागिरी : सलग दुसऱ्या दिवशीही पावसाने...
पंढरपुरात ७ ते १३ ऑगस्ट दरम्यान...सोलापूर  : कोरोना विषाणूची साखळी तोडण्यासाठी...
फळपीक विमा निकषात बदलाची गरज :...अमरावती : जिल्ह्यामध्ये संत्रा फळपीक मोठ्या...
सातारा जिल्ह्यात दमदार पाऊस सातारा : जिल्ह्यात मंगळवारी दमदार पाऊस झाल्याने...
कोयना धरण परिसरात मुसळधार पाऊस सातारा : कोयना धरण क्षेत्रात मंगळवारी मुसळधार...
कोल्हापूर बाजार समितीवर अखेर प्रशासक कोल्हापूर : नोकर भरती वरून वादग्रस्त ठरलेल्या...
मराठवाड्यात खरीप ज्वारीची ३७ टक्के पेरणीऔरंगाबाद : मराठवाड्यातील आठही जिल्ह्यात...
शाश्वत शेती उत्पादनासाठी मातीतील जिवाणू...स्थानिक झाडे झुडुपांच्या मुळाच्या परिसरातील...
भुसावळमध्ये १५ हजार हेक्टरवर कपाशीभुसावळ, जि.जळगाव  : गतवर्षी अतिवृष्टीमुळे...
पुणे जिल्ह्यात जोरदार श्रावण सरी पुणे ः दोन ते तीन दिवसांपासून पुणे जिल्ह्याच्या...
नांदेड जिल्ह्यात दोन लाख शेतकरी...नांदेड : जिल्ह्यातील बॅंका जुन्या कर्जदार...
खानदेशात खतांची मागणी घटली जळगाव : खानदेशात मागील आठवड्यात खत टंचाईची तक्रार...
सोयाबीनवरील किडीप्रश्‍नी योग्य वेळी...परभणी : ‘‘सोयाबीन हे कपाशी एवढेच राज्यातील...
नियमांचे पालन करुन गणेशोत्सव साजरा करा...नाशिक : ‘‘आगामी काळातील गणेशोत्सव साजरा करताना...
कोल्हापुरात दमदार पावसामुळे नद्यांनी...कोल्हापूर ः जिल्ह्यात बुधवारी (ता. ५) पावसाचा जोर...
सोलापूर जिल्ह्यात पीककर्जातून ९८४...सोलापूर  ः जिल्ह्यासाठी यंदाच्या खरीप...
येऊलखेड शिवारात शेकडो एकरांतील पीक...बुलडाणा ः जिल्ह्यात शेगाव तालुक्यात सोयाबीनचे पीक...
युरियाच्या मुद्यावरून अकोला जिल्हा...अकोला ः जिल्ह्यात युरियाची ग्रामीण भागात तीव्र...
उसामध्ये पोक्का बोईंग, शेंडाकूज रोगाचा...सध्या पश्चिम महाराष्ट्र आणि मराठवाडा विभागात...
नाशिकमध्ये वांगी प्रतिक्विंटल १००० ते...नाशिक : येथील कृषी उत्पन्न बाजार समितीमध्ये...