अकोला ः जिल्ह्यातील केंद्रावर नाफेडमार्फत हमी दराने तत्काळ खरेदी सुरू करावी, असे निर्देश जिल्हा उपनिबंधक डॉ. प्रवीण लोखंडे यांनी दिले. या बाबत तातडीच्या पत्राद्वारे त्यांनी विदर्भ मार्केटिंग फेडरेशन व जिल्हा मार्केटिंग अधिकाऱ्यांना सूचना केली.
याबाबत राज्याच्या पणन मंत्र्यांनी मंगळवारी (ता. सात) व्हिडिओ कॉन्फरन्स घेत हमीभाव शासकीय खरेदी केंद्र सुरू करण्याचे निर्देश दिले आहेत. त्यानुसार जिल्ह्यातील सर्व केंद्र तातडीने सुरू करण्यात यावेत. या केंद्रावर शेतकऱ्यांनी शेतमाल आणण्याबाबत आपल्यास्तरावरून आवाहन केले जावे. ‘कोरोना’च्या पार्श्‍वभूमीवर योग्य ती खबरदारी घेण्याची काळजी घ्यावी, असेही सुचविण्यात आले आहे.
गेल्या काही दिवसांपासून नाफेडची खरेदी बंद झालेली आहे. सध्याच्या शेतकऱ्यांच्या घरात तूर, हरभरा पडून आहे.
बाजार समित्यांमध्येही व्यवहार अद्याप सुरू झालेले नसल्याने अडचणी वाढलेल्या आहेत. अशा स्थितीत नाफेडची खरेदी सुरू करणे शेतकऱ्यांच्या दृष्टीने फायदेशीर आहे. त्यामुळे ही खरेदी सुरू करण्याचे तातडीने आदेश देण्यात आले आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.