Agriculture news in Marathi Organized poultry farming does not pose a risk of bird flu | Agrowon

संघटित कुक्कुटपालनातून ‘बर्ड फ्लू’चा धोका नाही

टीम अॅग्रोवन
मंगळवार, 26 जानेवारी 2021

संघटित पद्धतीने होणाऱ्या कुक्कुटपालनाची उत्पादने खाल्ल्याने मानवी आरोग्याला धोका नाही, असे स्पष्टीकरण पोल्ट्री फार्मर्स अँड ब्रीडर्स असोसिएशनचे सचिव उद्धव अहिरे यांनी दिले.

नाशिक : विभागात संघटित व शास्त्रीय पद्धतीने कुक्कुटपालन होत असल्याने जैवसुरक्षेचे पालन व योग्य ती खबरदारी घेतली जात आहे. त्यामुळे आढळून आलेला ‘बर्ड फ्लू’ प्रादुर्भाव हा स्थलांतरित पक्ष्यांमध्ये आहे. त्यामुळे संघटित पद्धतीने होणाऱ्या कुक्कुटपालनाची उत्पादने खाल्ल्याने मानवी आरोग्याला धोका नाही, असे स्पष्टीकरण पोल्ट्री फार्मर्स अँड ब्रीडर्स असोसिएशनचे सचिव उद्धव अहिरे यांनी दिले.

बर्ड फ्लूच्या पार्श्वभूमीवर पसरविण्यात आलेल्या अफवा यावर शंका निरसन करण्यासाठी पोल्ट्री फार्मर्स अँड ब्रीडर्स असोसिएशन नाशिक विभाग यांच्या वतीने शनिवारी (ता. २३) पत्रकार परिषदेचे आयोजन करण्यात आले होते. यावेळी ते बोलत होते. यावेळी जिल्हा पशुसंवर्धन उपायुक्त डॉ. बाबूराव नरवाडे, सहायक आयुक्त डॉ. शहाजी देशमुख, डॉ. गिरीश पाटील कुक्कुटपालन व्यावसायिक संजय देवरे, अजित फडके, डॉ. कुलकर्णी आदी उपस्थित होते.

श्री. अहिरे म्हणाले, अफवा वाढल्याने संभ्रमातून नुकसान वाढून मागणी मंदावली. देशातील दहा कोटी घटक कुक्कुटपालन उद्योगावर अवलंबून असल्याने त्यांना हा फटका कोरोनानंतर सहन करावा लागला. मात्र, माध्यमांनी जनजागृती केल्याने मागणी पुन्हा एकदा पूर्ववत होत आहे.

डॉ. नरवाडे म्हणाले की, इतर जिल्ह्याच्या तुलनेत योग्य खबरदारी घेतल्याने प्रादुर्भाव नाही. त्यामुळे शिजवलेले अंडी व चिकन मांस पूर्ण सुरक्षित आहे. अद्याप संघटित कुक्कुटपालनात अनैसर्गिक मरतुक नाही. जी मरतुक आहे ती स्थलांतरित पक्ष्यांमध्ये आहे. कुठलीही मर होऊ नये यासाठी कुक्कुट पक्षीगृहात काटेकोर जैवसुरक्षेचे पालन करण्यात येते.

प्रशासनाकडून जनजागृती
विभागीय आयुक्त राधाकृष्ण गमे, जिल्हाधिकारी सूरज मांढरे, जिल्हा परिषदेच्या मुख्याधिकारी लीना बनसोड, जिल्हा परिषद कृषी व पशुसंवर्धन सभापती संजय बनकर यांनी बर्ड फ्लूच्या पार्श्वभूमीवर पुढे येत जनजागृतीचा पाठिंबा दर्शविला आहे. यासह देशी कुक्कुटपालन व्यवसायात प्रत्येक पक्षांचे सर्वेक्षण सुरू असल्याचे यावेळी सांगण्यात आले.

पत्रकार परिषदेतील प्रमुख मुद्दे

  • ७० अंश सेल्सिअस तापमानावर पूर्ण शिजवलेले चिकन मांस व उकडलेली अंडी खाणे पूर्णत: सुरक्षित
  • अंडी हा उच्च पोषणमूल्य युक्त स्वस्त आहार असून कोरोनाच्या पार्श्वभूमीवर उपयुक्त
  • बर्ड फ्लू आजार पक्षांपासून थेट मानवास होण्याची शक्यता नाही
  • बर्ड फ्लूचा प्रादुर्भाव संघटित कुक्कुटपालनात नाही तर स्थलांतरित पक्ष्यांमध्ये

इतर बातम्या
थंडीचा प्रभाव घटण्यास प्रारंभ पुणे ः अरबी समुद्राच्या परिसरात चक्रीय स्थिती...
केंद्र सरकारकडून ‘पीजीआर’ला मान्यता पुणे : शेतीसाठी वापरल्या जाणाऱ्या जैव उत्तेजकांना...
शासकीय हरभरा खरेदीच्या ऑनलाइन नोंदणीला...जळगाव : खानदेशातील प्रमुख बाजार समित्यांमध्ये...
बंद आठवडी बाजाराचा कांदा उत्पादकांना...जळगाव ः जळगाव जिल्ह्यात आठवडी बाजार ६ मार्चपर्यंत...
बत्तीसशे चौरस फुटांपर्यंतच्या ...मुंबई : राज्यातील ग्रामीण भागातील सुमारे ३,२००...
महिलांना रोजगार मिळवून देण्यासाठी ‘...रत्नागिरी ः पर्यटन व्यवसायातून महिलांना रोजगार...
कापडण्यात कांद्याला फटकाकापडणे, जि. धुळे : पावसाळ्यात सलग तीन महिने पाऊस...
परभणी जिल्ह्यात अवकाळीने हरभरा, ज्वारी...परभणी ः जिल्ह्यात या महिन्यात झालेला अवकाळी पाऊस...
मारुती माळ येथे टस्कराचे दर्शनकोल्हापूर ः बाळेघोल (ता. कागल) येथील जंगलातून...
मराठवाड्यात अवकाळीने ३३ टक्के पिकांचे...औरंगाबाद : अठरा व १९ फेब्रुवारी रोजी झालेल्या...
नांदेड जिल्ह्यात नुकसानग्रस्तांसाठी...नांदेड : जिल्ह्यात फेब्रुवारी ते मे २०२० या...
निम्न पेढी प्रकल्पाचे काम वेळेत पूर्ण...अमरावती : निम्न पेढी प्रकल्प हा अमरावती व अकोला...
...तर खंडणीचे गुन्हे दाखल करा ः गरडपुणे ः ‘‘पुणे कृषी उत्पन्न बाजार समितीमध्ये हमाली...
सहकारी संस्थांच्या निवडणुकांना पुन्हा...कोल्हापूर ः राज्याच्या राजकीय पटलाचे लक्ष लागून...
बाजार समित्यांनी पेट्रोल, सीएनजी पंप...परभणी ः उत्पन्नात वाढ होण्याच्या दृष्टीने जिल्हा...
जैन यांच्या मोजेक पोर्ट्रेटची ‘गिनेस...जळगाव :  जैन उद्योग समूहाचे संस्थापक अध्यक्ष...
सातारा जिल्ह्यात ५५ टक्के क्षेत्रावर...सातारा ः जिल्ह्यात २५ फेब्रुवारीअखेर तीन हजार १५४...
राज्यात ७ कोटी ९७ लाख क्विंटल साखरेचे...नगर ः राज्यात यंदाही उसाचे जोरदार गाळप सुरू आहे....
शेतीच्या उन्नतीसाठी ज्ञानच महत्त्वाचे...पुणे : कृषीप्रधान देश असलेल्या भारतात शेतीला...
अवकाळीच्या तडाख्यात शेवग्याचे पुन्हा...नाशिक : गत जानेवारी महिन्यात झालेल्या अवकाळी...