पंचवीस क्विंटल कापूस विक्रीला नेला अन् १५ परत आला 

अकोला ः यंदासारखी कापूस उत्पादकांची कधीही दुरवस्था झाली नाही. सध्या शासनाने कापूस खरेदी सुरू केली खरी मात्र, या केंद्रावर खरेदीपेक्षा कापूस परत करण्याच्याच घटना अधिक होत असल्याने शेतकरी वैतागले आहेत. ‘मी २५ क्विंटलची ट्रॉली विक्रीला नेली. ग्रेडरने १० क्विंटल कापूस घेतला आणि राहलेला परत केला.’ शेतकरी ही व्यथा सांगत होता. बोरगावमंजू येथील केंद्रावर घडलेला हा प्रकार आहे.
out of Twenty-five quintals cotton in sold only 15 returned
out of Twenty-five quintals cotton in sold only 15 returned

अकोला ः यंदासारखी कापूस उत्पादकांची कधीही दुरवस्था झाली नाही. सध्या शासनाने कापूस खरेदी सुरू केली खरी मात्र, या केंद्रावर खरेदीपेक्षा कापूस परत करण्याच्याच घटना अधिक होत असल्याने शेतकरी वैतागले आहेत. ‘मी २५ क्विंटलची ट्रॉली विक्रीला नेली. ग्रेडरने १० क्विंटल कापूस घेतला आणि राहलेला परत केला.’ शेतकरी ही व्यथा सांगत होता. बोरगावमंजू येथील केंद्रावर घडलेला हा प्रकार आहे. 

पणन महासंघातर्फे बोरगाव येथे खरेदी सुरू करण्यात आली आहे. या ठिकाणी राजाभाऊ देशमुख यांनी आधीच नोंदणी केलेली असल्याने कापसाची ट्रॉली भरून विक्रीला नेली. यात जवळपास २५ क्विंटल कापूस होता. केंद्रावर ग्रेडरने पाहणी करून यातील १० क्विंटल कापूस स्वीकारला. उर्वरित कापूस परत न्यायला लावला. यंदा कापूस वेचाई १० रुपये किलोने केलेली आहे. त्यानंतर ट्रॉलीचे भाडे, मजुरी, मशागत, लागवडीसह व्यवस्थापनावर खर्च झाला आहे. आता कापूस विक्रीला नेला तर अर्धाही घेतला नाही, असे देशमुख म्हणाले. 

यंदा जास्तीचा पाऊस झाल्याने तसेच वेचणीच्या काळातही पाऊस आल्याने कापसाचा दर्जा घसरला होता. त्यामुळे मोजकाच कापूस ग्रेड एकमध्ये बसेल असा झालेला आहे. सर्वच कापूस उत्पादकांची ही गत आहे. त्यामुळे लाखो क्विंटल कापूस विक्री करण्याचा पेच झालेला आहे. शासनाच्या खरेदी केंद्रावरून नाकारलेला कापूस बाहेर व्यापाऱ्यांना विकायचा तर तीही सोय सध्या उपलब्ध नाही. लॉकडाऊनमुळे खासगी खरेदी पूर्णतः ठप्प झालेली आहे. त्यामुळे हा कापूस कसा विकावा, अशी चिंता कापूस उत्पादकांना लागलेली आहे. 

मी सोमवारी २५ क्विंटल कापूस विक्रीला नेला होता. त्यापैकी १० क्विंटल घेत १५ क्विंटल परत पाठवण्यात आला. माझ्याकडे अद्याप अशा प्रकारचा ७५ क्विंटल कापूस पडून आहे. आता तो कोणाला विकायचा. शासनाने विविध प्रकारच्या ग्रेड तयार करून त्यानुसार दर द्यावा. परंतु सर्व कापूस घ्यावा, अशी तमाम कापूस उत्पादकांची मागणी आहे.  - राजाभाऊ देशमुख, शेतकरी, बोरगावमंजू, ता. जि. अकोला   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com