agriculture news in Marathi, over 400 acar ginger crop in threat in Satara, Maharashtra | Page 2 ||| Agrowon

सातारा जिल्ह्यात चारशे हेक्टरवरील आले पिकात कंदकुज

टीम अॅग्रोवन
सोमवार, 9 सप्टेंबर 2019

सातारा  ः गेल्या दोन ते तीन वर्षांत आल्याला समाधानकारक दर मिळाल्याने जिल्ह्यात या वर्षी आले पिकांचे क्षेत्र वाढले होते. मात्र ऑगस्ट महिन्यात झालेल्या अतिवृष्टीमुळे जिल्ह्यातील चारशे हेक्टरवरील क्षेत्रास कंदकुजचा प्रादुर्भाव झाल्याने शेतकऱ्यांचे लाखो रुपयांचे नुकसान झाले आहे. 

सातारा  ः गेल्या दोन ते तीन वर्षांत आल्याला समाधानकारक दर मिळाल्याने जिल्ह्यात या वर्षी आले पिकांचे क्षेत्र वाढले होते. मात्र ऑगस्ट महिन्यात झालेल्या अतिवृष्टीमुळे जिल्ह्यातील चारशे हेक्टरवरील क्षेत्रास कंदकुजचा प्रादुर्भाव झाल्याने शेतकऱ्यांचे लाखो रुपयांचे नुकसान झाले आहे. 

जिल्ह्यातील वातावरण आले पिकांस फायदेशीर असल्याने येथील आल्यास मागणी असते. गेल्या दोन ते तीन वर्षांपासून आले पिकाचे दर समाधानकारक राहिल्याने प्रत्येक वर्षी आले पिकांच्या क्षेत्रात वाढ होत आहे. या वर्षी आले लागवडीच्यावेळी आल्याचे दर समाधानकारक असल्याने बियाण्याचे दरही तेजीत राहिले होते. आल्याच्या प्रतिगाडीस (५०० किलो) ३५ हजार ते ३६ हजार रुपयांने शेतकऱ्यांनी बियाणे खरेदी होते. लागवड वाढल्याने बियाण्यास मागणी चांगली राहिली होती. 

साधारणपणे अक्षय तृतीयाच्या महूर्तावर लागवड केली जाते. मात्र या काळात ४० सेल्सिअस अंशांवर तापमान गेले होते. मे महिनाअखेर अशीच परिस्थिती राहिल्याने आले लागवड रखडली होती. यातून काही शेतकऱ्यांनी लागवड केल्याने आले उगवणीवर परिणाम झाला होता. जून महिन्याच्या सुरुवातीस वातावरणात बदल झाल्याने आले लागवडीस वेग आला होता. या हंगामात जिल्ह्यात २५०० हेक्टर क्षेत्रावर लागवड झाल्याचा अंदाज आहे. कोरेगाव, सातारा, खटाव, कराड या तालुक्यांत सर्वाधिक आले पिकांचे क्षेत्र आहे. 

अतिवृष्टीचा परिणाम
ऑगस्ट महिन्याच्या सुरुवातीस अतिवृष्टीमुळे झाल्याने शेतात मोठ्या प्रमाणात पाणी साचले. आठ ते दहा दिवस पाऊस सुरू राहिल्याने शेतात पाणी काढता आले नाही. पाण्याचा निचर न झाल्यामुळे आले पिकास कंदकुज होण्यास प्रारंभ झाला आहे. कंदकुजीबरोबर करपा रोगाचा प्रादुर्भाव झाला आहे. शेतकऱ्यांकडून पीक वाचवण्यासाठी धडपड सुरू आहे. मोठ्या प्रमाणात फवारणी तसेच आळवणी देण्याचे काम सुरू आहे. यामुळे भांडवली खर्चातही वाढ होणार आहे. पश्चिम भागात अतिपावसाने तर पुर्व भागात कमी पावसाने हुमणीमुळे कंदकुजीचे प्रमाण वाढले आहे. उन्हाळ्यात झालेल्या लागवडीस सर्वाधिक प्रादुर्भाव दिसून येत आहे. जिल्ह्यात सुमारे ४०० हेक्टर क्षेत्रावर कंदकुजच झाल्याने शेतकऱ्यांचे लाखो रुपयांचे नुकसान होणार असल्याने आले पिकांची गणिते चुकणार आहेत.

पीकविम्यात समावेश करावा
आले पिकास भांडवली खर्च मोठा आहे. एक एकर क्षेत्रास मेहनीतीपासून काढणीपर्यंत दीड ते दोन लाख किमान खर्च येतो. आले पिकांच्या दरातील अस्थिरता मोठी असल्याने या पिकांत नुकसान होण्याची भीती जास्त आहे. त्याच आल्यास कंदकुजीचा प्रादुर्भाव झाल्यास नियंत्रण लवकर येत नाही. काही वेळेस या किडीचा प्रादुर्भावामुळे आले हातचे जाते. हे धोके कमी करण्यासाठी आल्याचा पीकविम्यात समावेश करण्याची मागणी शेतकऱ्यांकडून होत आहे.


इतर अॅग्रो विशेष
विदर्भात पावसाला पोषक हवामान पुणे: राज्याच्या कमाल आणि किमान तापमानात वाढ...
चारशे अधिकाऱ्यांच्या कृषी विभागात...पुणे ः कृषी विभागात गेल्या दोन ते तीन दिवसांत ३९९...
परराज्यापर्यंत विस्तारला ऊसरोपे...मुखई (जि. पुणे) येथील अभिजित धुमाळ या तरुण...
केळी ‘रायपनिंग चेंबर’चा यशस्वी केला...कोल्हापूर जिल्ह्यातील ऊसबहुल क्षेत्रात केळी...
शेतकऱ्यांवर अन्यायकारक करार नकोचअमेरिकेचे अध्यक्ष डोनाल्ड ट्रम्प आपल्या...
ऐच्छिक पीकविम्याचे इंगितकें द्र सरकारने पीकविमा योजना शेतकऱ्यांसाठी...
नैसर्गिक नव्हे, सेंद्रिय शेतीची धरा काससुभाष पाळेकरांच्या पद्धतीनुसार बाह्य निविष्ठा...
जलयुक्त फेल, पुढे काय?उद्धव ठाकरे यांनी मुख्यमंत्रिपदाची सूत्रे हाती...
ऊस उत्पादकता २५० टनांपर्यंत न्यावीच...पुणे : देशातील ऊस उत्पादकता एकरी शंभर टन...
कर्जमाफीसाठी आकस्मिकता निधीतून दहा हजार...मुंबई : शेतकऱ्यांच्या कर्जमाफीसाठी राज्य सरकारने...
पीकविमा हप्त्यापोटी पाचशे कोटी वितरणास...मुंबई ः पंतप्रधान पीकविमा योजना खरीप हंगाम २०१९...
मोसंबी क्लटरमध्ये शाश्‍वत उत्पादन,...औरंगाबाद : मोसंबी उत्पादकांसाठी उत्पन्नाची...
डाळिंब उत्पादनात ३० टक्के घटसांगली ः सुरुवातीला दुष्काळी परिस्थिती, त्यानंतर...
कोरोनाच्या अफवेमुळे पोल्ट्रीचे १५०...पुणे : कुक्कुट पक्षी व कुक्कुट उत्पादने यांचा...
प्रयोगशील शेतीच्या आधारे चिंचवलीने...पारंपरिक भातशेतीत बदल करून ऊसशेती व त्यास...
कहर ‘कोरोना’चाकोरोना विषाणूच्या वाढत्या उद्रेकाने जगभर दहशतीचे...
नदी संवर्धनाचा केरळचा आदर्शकेरळ हे भारताच्या दक्षिण टोकाचे एक राज्य. अरबी...
शेतमजुराच्या मुलीने पटकावला ‘शिवछत्रपती...अकोला ः प्रबळ इच्छाशक्तीच्या जोरावर एका खेड्यातील...
साडेआठ हजार कोटी खर्चूनही 'जलयुक्त' फेल...मुंबई : फडणवीस सरकारची महत्त्वाकांक्षी जलयुक्त...
पीक विमा योजना यापुढे ऐच्छिक; केंद्र...नवी दिल्ली : केंद्र सरकारने शेतकऱ्यांना दिलासा...