लातूर, नांदेडमध्ये सरासरीपेक्षा अधिक पेरणी

लातूर : लातूर कृषी विभागांतर्गत लातूर, उस्मानाबाद, हिंगोली, परभणी व नांदेड या पाच जिल्ह्यांत यंदा सर्वसाधारण क्षेत्राच्या तुलनेत ९९ टक्‍के रब्बी पेरणी उरकली आहे. लातूर व नांदेड जिल्ह्यांत सर्वसाधारण क्षेत्राच्या पुढे जाऊन पेरणी झाली आहे. इतर जिल्ह्यांत अपेक्षित रब्बी पेरणी झाली नसल्याचे चित्र आहे. 

लातूर, उस्मानाबाद, परभणी, हिंगोली व नांदेड या पाच जिल्ह्यांत यंदा रब्बीचे सर्वसाधारण क्षेत्र ११ लाख १४ हजार २३० हेक्‍टर होते. त्या तुलनेत प्रत्यक्षात ११ लाख ८ हजार १७२ हेक्‍टरवर रब्बीची पेरणी उरकली आहे. लातूर जिल्ह्यात रब्बी पेरणीचे सर्वसाधारण क्षेत्र १ लाख ९५ हजार १६३  हेक्‍टर होते. त्या तुलनेत २ लाख ८८ हजार ४४ हेक्‍टरवर रब्बीची पेरणी झाली आहे. 

उस्मानाबाद जिल्ह्यात सर्वसाधारण क्षेत्र ३ लाख ३१ हजार ४९६ हेक्‍टर आहे. प्रत्यक्षात ३ लाख १७ हजार ५७० हेक्‍टरवर रब्बीची पेरणी झाली. नांदेड जिल्ह्यात सर्वसाधारण क्षेत्र १ लाख ३६ हजार ५५५ हेक्‍टर आहे. १ लाख ७७ हजार ४६७ हेक्‍टरवर पेरणी झाली. परभणी जिल्ह्यात सर्वसाधारण क्षेत्र ३ लाख १ हजार ४३१ हेक्‍टर आहे. त्यापैकी २ लाख २० हजार ९६० हेक्‍टरवर पेरणी झाली. हिंगोली जिल्ह्यात रब्बीचे सर्वसाधारण क्षेत्र १ लाख ४९ हजार ५८५ हेक्‍टर आहे. १ लाख ४ हजार १३१ हेक्‍टरवर रब्बीची पेरणी झाल्याची माहिती लातूर कृषी विभागाच्या देण्यात आली. 

हरभऱ्याला पसंती 

यंदाच्या रब्बी हंगामात लातूर, उस्मानाबाद, परभणी, हिंगोली व नांदेड या पाचही जिल्ह्यांतील शेतकऱ्यांनी हरभऱ्याला प्रथम पसंती दिली आहे. इतर कडधान्य व मक्याचीही सर्वसाधारण क्षेत्राच्या पुढे जाऊन पेरणी झाली आहे. ज्वारी व गव्हाची पेरणी सर्वसाधारण क्षेत्राच्या तुलनेत ७० टक्‍केही झाली नसल्याची माहिती कृषी विभागातर्फे देण्यात आली. 

पाच जिल्ह्यांतील पीकनिहाय पेरणी (हेक्‍टरमध्ये)